Versets bibliques populaires de Luk 8

Partager

Nambo mbeju sisyagwilile petaka lya cajila sila, ali ŵandu ŵakugapikana maloŵe ga Mlungu ni kugasunga ni mtima wambone ni wakupikanila nipo akusalimbicila mpaka kuŵeleka yisogosi.”

Mbeju sisyagwilile pa maukutu sila, ali ŵandu ŵakusapikana maloŵe ga Mlungu, nambo panyuma pakwe akusakayicila, akusanonyela yipanje ni yakunonyelesya ya umi awuno yikusiyalepelekasyaga, soni yisogosi yawo yikusaŵa yangakomala ndaŵi syosope.

Mbeju sisyagwilile petaka lya pa lwala ali ŵandu ŵakupikana maloŵe ga Mlungu, ni akusagapocela mwa lukondwa, nambo maloŵego gangatoŵelela miciga jakwe mwa ŵelewo, mwa ndaŵi japanandi akusakulupilila, mwakuti pa ndaŵi jakulinjikwa akusajasa mtima.

Kaneko Yesu ŵawusisye ŵakulijiganyawo kuti, “Ana cikulupi cenu cili kwapi?” Nambo jemanjajo ŵakamwile woga soni ŵaliji ŵakusimonga mnope. Myoyo ŵaliji mkuwusyana jwine ni mjakwe kuti, “Ana jweleju ali mundu jwamti uli? Agambile kujilamula mbungo jamacili ni mesi gakwe nipo yikumpikanila.”

Mbeju sisyagwilile mwitala sila sili mpela ŵandu ŵakusapikana maloŵe ga Mlungu, nambo Satana* akusayika ni kutyosya maloŵe gala m'mitima mwawo, kogopela kuti atakulupilila ni kulupuka.

“Pakuti pangali cindu cakusisika mu Ucimwene wa Mlungu cele ŵandu ngasacipikana. Camtemela cilicose ticicimanyika ni kuwonecela pakulanguka.”

Jwamkongwe jula piŵayiweni kuti ngakomboleka kulisisa jwayice ali mkutetemela ni ŵatindiŵele pameso pa Yesu. Jwalakwejo jwatandite kulondesya pameso pa ŵandu wosope ligongo liŵamkwayicisye Yesu ni yiŵatite pakupola mwacitema. Yesu ŵamsalile jwamkongwejo kuti, “Mwanangu, cikulupi cenu cimposisye. Jawulagani mwa mtendele.”

Ŵakulijiganya ŵala ŵajile pa malo piŵaliji Yesu pala ni kumjimusya jwalakwejo acitiji, “Ambuje, Ambuje! Tuli ciŵandika kuwa uwe!” Yesu ŵajimwice ni ŵajilekasisye mbungo jamacilijo, nipo jatondweŵe mwakuti papali bata pa nyasajo.