Versets bibliques populaires de Lukə 11

Partager

Akɛ kaa ŋɛ̨i a túwɔ́ pələ ɲɔ̨n gulɔ nuą, ka pɛli hɛn nɛlɛɛ tɛɛ ka lonnii pɔ, gu hvo mun kɛ, ka Nąn yələkɔlɔn ɉu. A Kili-Mąąhəɠɛɛ tɛɛ nuą da vɛli mą di pɔ.»

Gáá moi kaa gɛ́: ka vɛli, da dɛɛ ka pɔ. Ka gwɛli, ka ɉɔlɔɓo, ka bɛlɛ́ laaləi mąą kɛlɛ, da naaɓo ka tɔwɔ.

Mąąhɔlɔɓo, nui a hɛn vɛli, da dɛɛ bɔ. Nui a hɛn gwɛli a ɉɔlɔɓo. Da pɛlɛ laaɓo naa kɛlɛ mun dɔwɔ.

Jesus yɛ diɛ: «Kaa kɛi Yálá hvɛli ka kɛ mą: «‹Ku Nąn yɛ́i ə́ kaa yələi, ku kaa bɔ nuą di ə́ kɔ́lɔn a Yálá hvulú, ə́ wɔ tɔɔlaa ə pa.

Ku mąąhvaalɛɛ mɛ̨nį ɲɔ̨nŋąai kwa kɛ gɛi mąą mɛ̨nį ɓa. Mąąhɔlɔɓo, nuą da mɛ̨nį ɲɔ̨n gɛ a kuɔ, kwa di mąąhvaalɛɛ. Hvó hvaa mą ɓilihi hvo ku ŋąąhɛɠi.›»

Kɔ̨nɔ̨n yii bɛliɛ kuɔ a hvóló kəlee yili tɛɛ ku pɔ.

Nu ɲɛ̨ikɔw kaa a kɔ́lɔ nwɔ kɛɛ pono, akɛ, mɛ̨nį ta a wala kɛ mą, nu kɔ́lɔ nąą kəlee a kɛ kɛɛ pono hu. Kɛlaa, akɛ nu ɲɛ̨ikɔw nąą ta a kɛ mą, nu kɔ́lɔ nąą kəlee a kɛ kpinį hu.

«Nu hva labon dɔɔ hvo ɉee kɛɛnąą loɔ ɓa, a wala kɛ tii, hvo nɔ kpɔ́lɔ́ mu, yaamun da ɉee kpəli gwɛa ɲą, əgɛ, nuąi da lɔ bɛlɛ́n, di kɛɛ pono kaa.