Versets bibliques populaires de ယူဝ်း 14

Partager

“ၵဝ်​ဢဝ်​တၢင်းၼိမ်​ဝႆႉ​တီႈ​သူ​ဢေႃႈ။ ၵဝ်​ဢဝ်​တၢင်းၼိမ်​ၵဝ်​ပၼ်​တီႈ​သူ​ဝႆႉ​ဢေႃႈ။ ၵဝ်​ပၼ်​ၸိူဝ်ႉ​ၼင်ႇ​ၵူၼ်းလေႃးၵီႇ​ပၼ်​ၼၼ်ႉ​ဢမ်ႇၸႂ်ႈ။ ယႃႇပေ​ႁႂ်ႈ​ႁူဝ်ၸႂ်​သူ​လႆႈ​ယၢပ်ႇၸႂ်​ယုင်ႈၸႂ်​လႄႈ​လႆႈ​သၼ်ႇ​ဝႆ​ၵူဝ်ႁႄ။

ၸဝ်ႈ​ယေႇသု၊ ၶိုၼ်း​လၢတ်ႈ​တီႈ​မၼ်း​လႄႈ​ဝႃႈ၊ “ၵဝ်​ၼႆႉ​ပဵၼ်​သဵၼ်ႈတၢင်း​ဢေႃႈ။ သမ်ႇမႃႇ​တြႃး​ၵေႃႈ​ပဵၼ်​ဢေႃႈ။ ဢသၢၵ်ႈ​ၵေႃႈ​ပဵၼ်​ဢေႃႈ။ လိူဝ်​သေ​တၢင်း​ဢၼ်​ဢိင်ပိုင်ႈ​ၵဝ်​ၼၼ်ႉ​ၽူႈလႂ်​ဢမ်ႇ​ႁွတ်ႈထိုင်​ၵႃႈတီႈ​ပေႃႈၸဝ်ႈ​လႆႈ။

ၸဝ်ႈ​ယေႇသု၊ လၢတ်ႈ​တီႈ​ၶဝ်​လႄႈ​ဝႃႈ၊ “ယႃႇ​ႁႂ်ႈ​ႁူဝ်ၸႂ်​သူ​မီး​တၢင်း​ဢၼ်​မႆႈၸႂ်​ၶီၸႂ်​ၵႃႈသင်။ ယုမ်ႇမၢတ်ႈ​ၽြႃးပဵၼ်ၸဝ်ႈ​တႃႉ။ တီႈ​ၵဝ်​ၼႆႉ​ၵေႃႈ​ယုမ်ႇမၢတ်ႈ​တႃႉ။

ၸဝ်ႈ​ဢၼ်​ၸွႆႈထႅမ်​ဢၼ်​ဝႃႈ​ဝိၺိၺ်ႇ​မူတ်းၸၢင်ႇ​ၸဝ်ႈ၊ဢၼ်​ပေႃႈၸဝ်ႈ​တၵ်း​ပွႆႇၸႂ်ႉ​မႃး​ၼႂ်း​ၸိုဝ်ႈသဵင်​ၵဝ်​ၼၼ်ႉ၊တၵ်း​သင်ႇ​သွၼ်​ၵႃႈမီး​တင်းသဵင်ႈ​ပၼ်​သူ၊ႁႂ်ႈ​သူ​ၶုၵ်းၸႂ်လႆႈ​လွင်ႈတၢင်း​ၸိူဝ်း​ဢၼ်​ၵဝ်​လၢတ်ႈ​ဝႆႉ​ယဝ်ႉ​တင်းသဵင်ႈတင်းမူတ်း​ၼၼ်ႉ​ဢေႃႈ။

“ၵေႃႉ​ဢၼ်​လႆႈ​ပိင်းၺၢပ်ႈတြႃး​ၵဝ်​တင်းလၢႆ​လႄႈ​ပႂ်ႉ​ၸွမ်း​ၼၼ်ႉ၊ၵေႃႉ​ၼၼ်ႉ​ပဵၼ်​ၵေႃႉ​ဢၼ်​ႁၵ်ႉ​ၵဝ်​ဢေႃႈ။ ၵေႃႉ​ဢၼ်​ႁၵ်ႉ​ၵဝ်​ၼၼ်ႉ​ပေႃႈၸဝ်ႈ​ၵဝ်​တၵ်း​ႁၵ်ႉ​မၼ်း​ဢေႃႈ။ ၵဝ်​ၵေႃႈ​တၵ်း​ႁၵ်ႉ​မၼ်း​လႄႈ​ၼႄပျႃး​တူဝ်​ၵဝ်​ထၢင်ႇသႃး​တီႈ​မၼ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵဝ်​ၵေႃႈ​တၵ်း​လဝ်ႈ​ယွၼ်း​တီႈ​ပေႃႈၸဝ်ႈ​လႄႈ၊မၼ်းၸဝ်ႈ​သမ်ႉ​တၵ်း​ဢဝ်​ပၼ်​ၸဝ်ႈ​ဢၼ်​ၸွႆႈထႅမ်​တၢင်ႇ​ပႃး ႁႂ်ႈ​မၼ်းၸဝ်ႈ​လႆႈ​မီး​ယူႇ​လူၺ်ႈ​ၵၼ်​တင်း​သူ​တႃႇသေႇ​ဢမ်ႇထၢတ်ႇ​ဢေႃႈ။- ၸဝ်ႈ​ၼၼ်ႉ​ပဵၼ်​ဝိၺိၺ်ႇ​ၸဝ်ႈ​ဢၼ်​ၼႄ​ပၼ်​သမ်ႇမႃႇ​တြႃး​ဢေႃႈ။ ပိူဝ်ႈ​ဢၼ်​ၵူၼ်းလေႃးၵီႇ​ၼႆႉ​ဢမ်ႇ​ႁု​ဢမ်ႇ​ႁၼ်​မၼ်းၸဝ်ႈ​လႄႈ​ဢမ်ႇ​ၶၢမ်ႇ​ဢမ်ႇ​ဢဝ်​လႆႈ။ ပိူဝ်ႈ​ဝႃႈ​ဝိၺိၺ်ႇ​ၸဝ်ႈ​ၼၼ်ႉ​မီး​ယူႇ​လူၺ်ႈ​ၵၼ်​တင်း​သူ​လႄႈ​သမ်ႉ​တၵ်း​မီး​ၼႂ်း​သူ​ၼၼ်ႉ​ၸိုင်၊သူ​ၸမ်ႉ၊ႁုၸၵ်း​မၼ်းၸဝ်ႈ​ဢေႃႈ။

ၵႃႈ​ၼင်ႇ​ဢၼ်​သူ​လဝ်ႈ​ယွၼ်း​တီႈ​ၼႂ်း​ၸိုဝ်ႈသဵင်​ၵဝ်​ၼၼ်ႉ၊ၵဝ်​တၵ်း​ႁဵတ်း​ပၼ်​ပုၼ်ႈ​သူ၊လွင်ႈ​ၼင်ႇ​ႁိုဝ်​မုၼ်ၽုင်း​ပေႃႈၸဝ်ႈ​ၼၼ်ႉ၊တၵ်း​လႆႈ​ထၢင်ႇသႃး​မႃး​ၼႂ်း​ လုၵ်ႈၸဝ်ႈ၊ ဢေႃႈ။- ပေႃး​သူ​လဝ်ႈ​ယွၼ်း​သေ​ၸိူဝ်ႉ​သေ​ပိူင်​ၼႂ်း​ၸိုဝ်ႈသဵင်​ၵဝ်​ၸိုင်၊ၵဝ်​တၵ်း​ႁဵတ်း​ပၼ်​ဢေႃႈ။

“ပေႃး​သူ​ႁၵ်ႉ​ၵဝ်​ၸိုင်၊သူ​တၵ်း​တေ​ႁဵတ်း​ၸွမ်း​ပိင်းၺၢပ်ႈတြႃး​ၵဝ်​တင်းလၢႆ​ဢေႃႈ။

ၼႂ်း​ႁိူၼ်း​ပေႃႈၸဝ်ႈ​ၵဝ်​ၼၼ်ႉ​မီး​တီႈ​ယူႇ​တီႈ​သဝ်း​ၼမ်ၼႃႇ​ဢေႃႈ။ ပေႃး​ယင်း​ဢမ်ႇ​မီး​တႄႉ​ၸိုင်၊လွင်ႈ​ဢၼ်​ၵဝ်​ၵႂႃႇ​ႁႂ်ႈလႆႈ​မႄးႁႅၼ်း​တီႈ​ယူႇ​ပုၼ်ႈ​သူ​ၼၼ်ႉ​ၵဝ်​တၵ်း​ဢမ်ႇ​လၢတ်ႈ​တီႈ​သူ။

ဝၢႆးသေ​ၵဝ်​ၵႂႃႇ​မႄးႁႅၼ်း​ပုၼ်ႈ​သူ​ယဝ်ႉ​ၸိုင်၊ၵဝ်​တၵ်း​သမ်ႉ​ၶိုၼ်း​မႃး​ဢဝ်​သူ​ၵႂႃႇ​တီႈ​ၵဝ်​ပုၼ်ႉ​ႁႂ်ႈ​သူ​လႆႈ​ယူႇ​ၸွမ်း​ၵႃႈတီႈ​ဢၼ်​ၵဝ်​ယူႇ​ၼၼ်ႉ​ဢေႃႈ။

ထူဝ်းမႃႉ၊ ၵေႃႈ​လဝ်ႈလၢတ်ႈ​လႄႈ​ဝႃႈ၊ “ၸဝ်ႈၽြႃး​တီႈၶႃႈ၊ၸဝ်ႈ​ႁဝ်း​တၵ်း​ၵႂႃႇ​ၵႃႈတီႈလႂ်​ႁဝ်းၶႃႈ​ယင်း​ဢမ်ႇ​ႁု​လႄႈ၊ႁဝ်းၶႃႈ​တေ​ႁဵတ်း​ၸိူဝ်ႉ​ၼင်ႇ​ႁိုဝ်​ႁု​သဵၼ်ႈတၢင်း​မၼ်း​လႆႈ​ၶႃႈ၊” ဝႃႈ​ၼင်ႇ​ၼႆ​ဢေႃႈ။