Versets bibliques populaires de Ñwaè' Matïìyoè 13

Partager

Ŋgʉ̀ buu ce e m gwèŋger yi ba mbe nshe mbòŋmboŋ nà tɛɛ àtu ŋwɛ̀ ce e yu' blǎa Nyʉ̀, yu' bòŋboŋ sê, gee ŋgʉ̀, mò' ba rjèe, mò' ba mntuunfu, mò' ba mntaar.”

Ŋgʉ̀ buu ce e m gwèŋger à mʉ̀ msini nà, tɛɛ àtu bèe ce a yu' blǎa Nyʉ̀, ku byemi, mlù ce à buu enjep ŋgòŋ na, ba broŋ buu, vi kur blàa anà, yi gee ŋgʉ̀ ka'.

Ŋgʉ̀ buu ce e m gweŋger àwǎa nduunjì tɛɛ àtu ŋwɛ̀ ce e m yu' yuu ce a ce làa àmbò kʉʉ Nyʉ̀, a ke' yu' ka', Satàn à vʉ a fʉr yuu anà enjep yě ntee.

Ŋgʉ̀ buu ce e m gwèŋger yi ba mbe nshe e mbendù ryɛɛ nà tɛɛ àtu ŋwɛ̀ ce e yu' blǎa Nyʉ̀ ku yu' rbòŋ àgho sê, blàa anà vi ke' taa mŋgàŋ njep ye ka', ku cu ba à nfè' mʉcàr. E ba à nfè' ce bèe a ce fa ye ŋgɛ', kɛ̀ buu vi ba btatap nè ye njo' blàa anà, e ku kʉti njìnjì.

“Kʉʉ Nyʉ̀ yi yu àmbò yuu bòŋboŋ ce a sʉ̀ti à mŋkʉ̀, ŋwɛ̀ mò' à ka' vʉ̀ yɛ, a lor a sʉti foŋ, a lu'shi sê, a dû, a fyeni yì buu wɛɛwɛ a yuu ŋkʉ̀ anà.

Ŋgʉ̀ buu mò' à gweŋgèr mbe nshe mbòŋmboŋ, a fʉʉ, a gee mbʉ̀, mò' à gee mbʉ̀ rjèe, mò' mntuunfu, mò' mntaar.

Mà'shi nè tɛ msaŋ anà ba ŋke' a ku ce kù' caar tɛ nfè' ntee msaŋ ghɛɛ. Nfè' anà e ghɛɛ tɛ m laa nè ŋgǎa ntee msaŋ enɛ̂, “Kɛ̀' nè co'ni ŋke', kur à bbyɛ̀' à bbyɛ̀', tɛ a tôo, baashi nè msaŋ, vʉ àgho lɛ njep càŋ.” ’ ”