Versets bibliques populaires de Apokalipsy 2

Partager

Kanefa manan-teny aminao Aho satria efa niala tamin’ny fitiavanao voalohany ianao.

Koa tsarovy izay nitoeranao fony tsy mbola lavo dia mibebaha ka manaova ny asa voalohany; fa raha tsy izany dia ho avy aminao Aho ka hamindra ny fitoeran-jironao hiala amin’ny toerany raha tsy mibebaka ianao.

Aza matahotra izay hiaretanao. Indro, ny devoly* dia hanipy ny sasany aminareo ho ao an-tranomaizina mba ho voazaha toetra ianareo, ary hanam-pahoriana hafoloana. Aoka ho mahatoky hatramin’ny fahafatesana ianao, dia homeko anao ny satroboninahitry ny fiainana.

Izay manan-tsofina, aoka izy hihaino izay lazain’ny Fanahy amin’ny Fiangonana rehetra! Izay mandresy dia havelako hihinana ny avy amin’ny hazon’aina izay eo amin’ny Paradisan’Andriamanitra.

Fantatro ny asanao sy ny fikelezanao aina ary ny fiaretanao sy ny tsy fahazakanao izay mpanao ratsy; ary ianao dia efa nizaha toetra izay milaza ny tenany ho Apostoly, kanjo tsy izy, ary hitanao fa mpandainga izy.

Manana faharetana ianao ka niaritra noho ny anarako sady tsy reraka.

Izay manan-tsofina, aoka izy hihaino izay lazain’ny Fanahy amin’ny Fiangonana rehetra! Izay mandresy dia homeko mana miafina sady homeko vato fotsy, ary eo amin’izany vato izany dia misy anaram-baovao voasoratra izay tsy fantatr’olona afa-tsy izay mandray azy ihany.