Versets bibliques populaires de Lioka 11

Partager

Koa raha ianareo, na dia ratsy aza, mahay hanome zava-tsoa ho an’ny zanakareo, tsy mainka va ny Ray izay any an-danitra no hanome ny Fanahy Masina ho an’izay mangataka Aminy?

Hoy Izaho aminareo: Mangataha dia homena ianareo; mitadiava dia hahita ianareo; dondòny dia hovohana ianareo.

Fa izay rehetra mangataka no mahazo; ary izay mitady no mahita; ary izay mandondòna no hovohana.

Hoy Izy taminy: Raha mivavaka ianareo dia ataovy hoe: Ray ô, hohamasinina anie ny anaranao. Ho tonga anie ny fanjakanao.

Ary mamelà ny helokay; fa izahay koa dia mamela izay rehetra meloka aminay. Ary aza mitondra anay ho amin’ny fakam-panahy.

Omeo anay isanandro izay hanina sahaza ho anay.

Ny masonao no jiron’ny tena; koa raha tsara ny masonao dia mazava ny tenanao manontolo; fa raha ratsy izany dia maizina koa ny tenanao.

Tsy misy olona mandrehitra jiro ka mametraka azy ao an-davaka na ao ambanin’ny vata famarana, fa apetrany eo amin’ny fitoeran-jiro izany mba ho hitan’izay miditra ny mazava.