Versets bibliques populaires de 1Samoela 17

Partager

Fa hoy kosa i Davida tamin’ilay Filistina: Ianao dia manatona ahy amin’ny sabatra sy ny lefona ary ny lefom-pohy; fa izaho kosa dia manatona anao amin’ny anaran’Andriamanitra, Tompon’izao rehetra izao, Andriamanitry ny miaramilan’ny Israely, izay efa nohantsianao.

Ary ho fantatr’izao fiangonana rehetra izao fa tsy amin’ny sabatra na amin’ny lefona no amonjen’NY TOMPO; fa an’NY TOMPO ny ady ka hanolotra anareo ho eo an-tananay Izy.

Ary hoy koa i Davida: NY TOMPO izay namonjy ahy tamin’ny tanan’ny liona sy ny bera, Izy no hamonjy ahy amin’ny tanan’io Filistina io. Dia hoy i Saoly tamin’i Davida: Mandehana ary, homba anao anie NY TOMPO.

Anio no hanoloran’NY TOMPO anao ho eo an-tanako, ary hamely anao aho ka hanapaka ny lohanao, dia homeko ny voromanidina sy ny bibidia ny fatin’ny miaramilan’ny Filistina anio, mba ho fantatry ny tany rehetra ny fisian’ny Andriamanitry ny Israely.

Dia nandray an-tanana ny tehiny izy sady nifidy vatokilonjy dimy tao amin’ny lohasahan-driaka ka nataony tao anatin’ny kitapo fitondran’ny mpiandry ondry izay teny aminy, ary teny an-tanany koa ny antsamotadiny; dia nanatona ilay Filistina izy.

Dia hoy i Davida tamin’i Saoly: Aoka tsy ho ketraka amin’Ilehio ny fon’ny olona; fa ny mpanomponao dia handeha hiady amin’io Filistina io.