Mɛkɛ́l mɛ̄ ɗí tí ɛlɛ́ɛ́ sá Zwáŋ wā lüii twóó mɛkanā mɛ̄ mâk
Mɛkanā mɛ̄ Zwáŋ til ɗék mák ɛ́, mā ā nɔ́ŋlā nɛ mɛ̄l mɛ̄ ɓot ō ndɔŋ yɛ̄. Nɛ dɔ nāá, ɛ́ sīmsā yɛ̄ nāá, ɓot ɛ́ tíl ɓɛ́ mɛkanā mɛ̄ték ɓák ɛ́, ɓɛ̄ mú tí gū ísá í Matyôos nɛ Máákus nɛ Lókas ɓā til ī ɗúm nɛ isá Yésus ā lɛ́ɛ, nɛ ɓīl ā sâ ɓîk. Í yɛ́ ɗí ā ā túŋ ɓākā zye tí yīl ɓɛ̄l ɓā til ê. Zwáŋ ɛ́ til mɛ́kanā mák ɛ́, tí ɛsú ɛ̄ nāá, ɓot ɓɛ́ ɓûkla nāá, í Yésus ɗí mot Zɛ́mb ā lwaa tɔ̂p, ɛ thés ɛ̄ tí ɛsú lɛ̄ ɛzī cis ɓót ɔ̂. Ɛ lyākɛ̄l thɔ́k nāá, í ɓɛ̄l ō ɓūklā nāá Yésus ɛ cisa, ɓɛ̄ jéndɛ̄l ɛ́ ɓák ékɛ́, wā ɓyě cyuk: Zwâ 20.31. Tí mɛnyɛɛ̄l mɛték ɛ́, Zwáŋ ɛ́ jōō Yésus nāá, Ɛkɛ́l ɛ̄ mí Zɛɛ̄mb. Līl lā zye tí iɓwaās lík tí nāá, lá á nwɔ̌ŋ tɛ̄lā mót ê.
Milô mí ɛ́kɛ̂l
1) Ɛkɛ́l ɛ̄ cyuk (1.1-18)
2) Lɔ́ŋ mí Zwáŋ mɛɗuu-ɓot (1.19-34)
3) Isá í Yésus ā sisâ mot nyɛ̂ɛsa ɓîk (1.35–12.50)
4) Mɛkɛ́l mɛ̄ mɛ́dānā mí Yésus (13–17)
5) Mitūŋ nɛ ɛsüee ɛ mí Yésus (18–19)
6) Ɛpas ɛ mí Yésus nɛ ɛsula lɛ̄ ɓɛ̄ óphōn ɓɛ̄ (20–21)

Écouter Zwâŋ Mɛkɛ́l mɛ̄ ɗí tí ɛlɛ́ɛ́ sá Zwáŋ wā lüii twóó mɛkanā mɛ̄ mâk