If you would like a copy of this version please contact info@davaraudiobibles.org.

Lambya First Bible © The Word for the World International. Lambya First Audio Bible ℗ 2025, Davar Partners International.

Lambya First Bible

Lambya - 2015 MWI (NT) Drama

<div class="version vid1607 iso6393lai" data-vid="1607" data-iso6393="lai">
 <div class="book bkMAT">
 <div class="chapter ch18" data-usfm="MAT.18">
 <div class="label">18</div><div class="s">Wewenu yuyo we songo nkani?</div><div class="r">(Mlko. 9.33-37; Luk. 9.46-48)</div><div class="p"> 1 # 
 Luk. 22.24
 Pakabalilo kalakala abamanyili bakiza kwa Yesu nukumulalusya ukuti, &#8220;Nkimba wewenu we songo nkani mu Bumwene ubwa Kumwanya?&#8221;</div><div class="p"> 2U Yesu akamwitizya umwana nukumwimika pakasi papabo 3#Mlko. 10.15; Luk. 18.17nukuti, &#8220;Naloli nkubabuzya ukuti ukusita pakuba ngati bo bana, mute mukinjilemo nalumolumo mu Bumwene ubwa Kumwanya. 4Usongo mu Bumwene ubwa Kumwanya muntu yuyo akwiyisya mwene pakuba ngati ko kamwana aka. 5Po umuntu wesi yuyo akumupokela weka uwa aba mwitabwa lyane, akumpokela nene.&#8221;</div><div class="s">Injelo izyakubapuvya abantu</div><div class="r">(Mlko. 9.42-48; Luk. 17.1-2)</div><div class="p"> 6&#8220;Nanti umuntu yumo akupuvya weka uwa bana abanandi aba ukuleka pakunsubila, chingaba chizapo ukuti umuntu yula bamupinyilile ulwala ulukulu musingo nukumudwibika munyanja inyibizu. 7Chighune nkani kuchisu ichapasi pachifukwa icha vintu vivyo vikubapuvya abantu! Ivintu vinivi vikwiza pakubombiwanga, loli chighune nu muntu yuyo akwiza ni vintu vinivi!</div><div class="p"> 8 # 
 Mat. 5.30
 &#8220;Nanti inyobe pamo ulwayo lwako lukukupuvya ludumule nukulutagha! Pakuti chizapo pakwinjila mubumi ubwa bwila na bwila umusita nyobe pamo ulwayo ukuchila pakuba ni nyobe ni nyayo zyako zyosi nukusumbiwa pamoto uwa bwila na bwila. 9#Mat. 5.29Sona nanti ilyiso lyako likukupuvya, likolompolelyo nukulisumba! Pakuti chizapo pakwinjila mubumi ubwa bwila na bwila ni lyiso lyoka ukuchila pakuba na maso ghosi mabili nukusumbiwa pamoto uwamu Gehena.</div><div class="s">Ichili icha ng'ozi iyakusobela</div><div class="r">(Luk. 15.3-7)</div><div class="p"> 10&#8220;Muchebaye ukuti mutakusula weka uwa bana abanandi banaba. Pakuti nkubabuzya ukuti akabalilo kosi abantumi babo aba kumwanya bali pamaso pa Tata wane uwakumwanya.#18.10: Amasimbo ghamo aghakale ghonjelezya: 11 Pakuti u Mwana uwa Muntu akiza pakubapoka abantu abakusobela. (Ennya mwa Luk. 19.10).</div><div class="p"> 12&#8220;Mukwinong'ona ichoni nanti umuntu ali ni ng'ozi 100, loli yoka yasobela? Nkimba atakuzileka izinji 99 zila zikulya pighamba nukubuka pakulonda yoka yiyo yisobelite? 13Naloli nkubabuzya ukuti nanti ayagha, akuhoboka nkani nayo ukuchila izinji 99 zila zizyo zitakasobela. 14Momumo Ughuso#18.14 Ughuso: Amasimbo ghamo aghakale ghasimbite ukuti Tata wane. uwakumwanya atakulonda ukuti yumo uwa bana abanandi banaba asobele.</div><div class="s">Nanti umukamu akunangila</div><div class="p"> 15 # 
 Luk. 17.3
 &#8220;Nanti umukamu wako akunangila,#18.15 akunangila: Amasimbo ghamo aghakale ghasimbite ukuti ananga. bukagha kukwache nukumulanjizya chicho ananga. Loli ubombaye izi kubusyefu, pakasi pa mwe babili. Nanti akwivwila, panapo wamunyosya umukamu wako. 16#Ukk. 19.15Loli nanti atakukwivwila, sendelapo umuntu yumo pamo babili, umwakuti inongwa yosi yisimikiziwe na bakaboni babili pamo batatu. 17Sona nanti akana pakubivwila, chibuzye ichipanga inongwa yosi. Pabumalilo, nanti atakwivwila ichipanga, mumusende ngati we muntu uwakuzi pamo umusonkezya sonko.</div><div class="s">Nizya ukupinya nukusatula</div><div class="p"> 18 # 
 Mat. 16.19; Yoh. 20.23 &#8220;Polelo naloli nkubabuzya ukuti chosi chicho mwachipinya pasi pano chapinyiwa na kumwanya bulo, sona chosi chicho mwachisatula pasi pano chasatuliwa na kumwanya bulo.</div><div class="p"> 19&#8220;Nkubabuzya sona ukuti nanti mwe babili mwivwana pachintu pasi pano pakulaba chimo kwa Tata wane uwakumwanya, akwiza pakubapa. 20Pakuti nanti babili pamo batatu bakuba poka mwitabwa lyane, indi poka nabo.&#8221;</div><div class="s">Ichili icha wambombo umusita luhobokelo</div><div class="p"> 21 # 
 Luk. 17.3-4
 Po u Pitala akiza kwa Yesu nukulalusya ukuti, &#8220;Mwene, nanti umukamu akwendelela pakunangila, nkimba imuhobokelaye kalinga? Ka seveni?&#8221;</div><div class="p"> 22 # 
 Ubw. 4.24
 U Yesu akamula akati, &#8220;Awe, kate akaseveni, loli ka 77.#18.22 77: Pamo 70 ukubalizya nu seveni. 23Pakuti Ubumwene ubwa Kumwanya buyanite bulo nu mwene yuyo akalonda pakubelengela inkongole yiyo abambombo bache bakakopa kukwache. 24Bo akwanda bulo pakubelengela, bakiza nawe umuntu yuyo akakopa inkongole iya ndalama amamilyoni na mamilyoni. 25Pakuti uwambombo yula atakaba nazyo indalama izyakulipa inkongole yila, u mwene akalamula ukuti bamughulizye poka nu muchi wache na bana bache pakuba bazya, sona na vyosi vivyo akaba navyo ukuti alipile inkongole. 26Uwambombo akafughama pamaso pa mwene yula nukumulaba ukuti, &#8216;Mwene, nalamba undindilile panandi nkwiza pakulipila vyosi!&#8217; 27U mwene wache akamupelela ichisa, po akamuhobokela inkongole nukumuleka ukuti abukaye.</div><div class="p"> 28&#8220;Loli bo uwambombo yula afuma kuzi, akakomana nu wambombo uwamwabo yuyo akakopa inkongole iya ndalama inandi. Akamulema kusingo nukumufina. Akati, &#8216;Undipe inkongole yosi yiyo ukakopa!&#8217; 29Po uwambombo uwamwabo akawa pasi munyayo zyache nukumulaba ukuti, &#8216;Nalamba undindilile panandi nkwiza pakulipila vyosi!&#8217; 30Loli akakana nukumwighalila mujele mupaka alipile inkongole yiyo akakopa. 31Bo abambombo abamwabo bennya zizyo zikabombiwa, bakaba ni chitima nkani nukubuka pakumubuzya u mwene wabo zyosi zizyo zikabombiwa. 32Po akamwitizya uwambombo yula nukumubuzya ukuti, &#8216;We wambombo umubibi awe! Nkakuhobokela inkongole yosi yiyo ukakopa pachifukwa ichakuti ukandaba. 33Wabaghiye pakuba ni chisa nu wambombo uwamwinyu ukuyana namumo nkabela ni chisa nawe!&#8217; 34U mwene akakalala nkani nukumwinjizya uwambombo yula mujele ukuti afundiwe mupaka alipile inkongole yosi yiyo akakopa.&#8221;</div><div class="p"> 35Po u Yesu akamalizya nukuti, &#8220;Momumo Utata wane uwakumwanya akwiza pakubombela na wesi uwa amwe nanti mutakubahobokela abawamwinyu nu moyo winyu ghosi.&#8221;</div>
 </div>
 </div>
</div>

The copyright is jointly and equally held by:
©️ The Bible Society of Malawi, 2014
©️ The Word for the World International, 2014

Pakabalilo kalakala abamanyili bakiza kwa Yesu nukumulalusya ukuti, “Nkimba wewenu we songo nkani mu Bumwene ubwa Kumwanya?”
U Yesu akamwitizya umwana nukumwimika pakasi papabo nukuti, “Naloli nkubabuzya ukuti ukusita pakuba ngati bo bana, mute mukinjilemo nalumolumo mu Bumwene ubwa Kumwanya. Usongo mu Bumwene ubwa Kumwanya muntu yuyo akwiyisya mwene pakuba ngati ko kamwana aka. Po umuntu wesi yuyo akumupokela weka uwa aba mwitabwa lyane, akumpokela nene.”


“Nanti umuntu yumo akupuvya weka uwa bana abanandi aba ukuleka pakunsubila, chingaba chizapo ukuti umuntu yula bamupinyilile ulwala ulukulu musingo nukumudwibika munyanja inyibizu. Chighune nkani kuchisu ichapasi pachifukwa icha vintu vivyo vikubapuvya abantu! Ivintu vinivi vikwiza pakubombiwanga, loli chighune nu muntu yuyo akwiza ni vintu vinivi!
“Nanti inyobe pamo ulwayo lwako lukukupuvya ludumule nukulutagha! Pakuti chizapo pakwinjila mubumi ubwa bwila na bwila umusita nyobe pamo ulwayo ukuchila pakuba ni nyobe ni nyayo zyako zyosi nukusumbiwa pamoto uwa bwila na bwila. Sona nanti ilyiso lyako likukupuvya, likolompolelyo nukulisumba! Pakuti chizapo pakwinjila mubumi ubwa bwila na bwila ni lyiso lyoka ukuchila pakuba na maso ghosi mabili nukusumbiwa pamoto uwamu Gehena.


“Muchebaye ukuti mutakusula weka uwa bana abanandi banaba. Pakuti nkubabuzya ukuti akabalilo kosi abantumi babo aba kumwanya bali pamaso pa Tata wane uwakumwanya.
“Mukwinong'ona ichoni nanti umuntu ali ni ng'ozi 100, loli yoka yasobela? Nkimba atakuzileka izinji 99 zila zikulya pighamba nukubuka pakulonda yoka yiyo yisobelite? Naloli nkubabuzya ukuti nanti ayagha, akuhoboka nkani nayo ukuchila izinji 99 zila zizyo zitakasobela. Momumo Ughuso uwakumwanya atakulonda ukuti yumo uwa bana abanandi banaba asobele.

“Nanti umukamu wako akunangila, bukagha kukwache nukumulanjizya chicho ananga. Loli ubombaye izi kubusyefu, pakasi pa mwe babili. Nanti akwivwila, panapo wamunyosya umukamu wako. Loli nanti atakukwivwila, sendelapo umuntu yumo pamo babili, umwakuti inongwa yosi yisimikiziwe na bakaboni babili pamo batatu. Sona nanti akana pakubivwila, chibuzye ichipanga inongwa yosi. Pabumalilo, nanti atakwivwila ichipanga, mumusende ngati we muntu uwakuzi pamo umusonkezya sonko.

“Polelo naloli nkubabuzya ukuti chosi chicho mwachipinya pasi pano chapinyiwa na kumwanya bulo, sona chosi chicho mwachisatula pasi pano chasatuliwa na kumwanya bulo.
“Nkubabuzya sona ukuti nanti mwe babili mwivwana pachintu pasi pano pakulaba chimo kwa Tata wane uwakumwanya, akwiza pakubapa. Pakuti nanti babili pamo batatu bakuba poka mwitabwa lyane, indi poka nabo.”

Po u Pitala akiza kwa Yesu nukulalusya ukuti, “Mwene, nanti umukamu akwendelela pakunangila, nkimba imuhobokelaye kalinga? Ka seveni?”
U Yesu akamula akati, “Awe, kate akaseveni, loli ka 77. Pakuti Ubumwene ubwa Kumwanya buyanite bulo nu mwene yuyo akalonda pakubelengela inkongole yiyo abambombo bache bakakopa kukwache. Bo akwanda bulo pakubelengela, bakiza nawe umuntu yuyo akakopa inkongole iya ndalama amamilyoni na mamilyoni. Pakuti uwambombo yula atakaba nazyo indalama izyakulipa inkongole yila, u mwene akalamula ukuti bamughulizye poka nu muchi wache na bana bache pakuba bazya, sona na vyosi vivyo akaba navyo ukuti alipile inkongole. Uwambombo akafughama pamaso pa mwene yula nukumulaba ukuti, ‘Mwene, nalamba undindilile panandi nkwiza pakulipila vyosi!’ U mwene wache akamupelela ichisa, po akamuhobokela inkongole nukumuleka ukuti abukaye.
“Loli bo uwambombo yula afuma kuzi, akakomana nu wambombo uwamwabo yuyo akakopa inkongole iya ndalama inandi. Akamulema kusingo nukumufina. Akati, ‘Undipe inkongole yosi yiyo ukakopa!’ Po uwambombo uwamwabo akawa pasi munyayo zyache nukumulaba ukuti, ‘Nalamba undindilile panandi nkwiza pakulipila vyosi!’ Loli akakana nukumwighalila mujele mupaka alipile inkongole yiyo akakopa. Bo abambombo abamwabo bennya zizyo zikabombiwa, bakaba ni chitima nkani nukubuka pakumubuzya u mwene wabo zyosi zizyo zikabombiwa. Po akamwitizya uwambombo yula nukumubuzya ukuti, ‘We wambombo umubibi awe! Nkakuhobokela inkongole yosi yiyo ukakopa pachifukwa ichakuti ukandaba. Wabaghiye pakuba ni chisa nu wambombo uwamwinyu ukuyana namumo nkabela ni chisa nawe!’ U mwene akakalala nkani nukumwinjizya uwambombo yula mujele ukuti afundiwe mupaka alipile inkongole yosi yiyo akakopa.”
Po u Yesu akamalizya nukuti, “Momumo Utata wane uwakumwanya akwiza pakubombela na wesi uwa amwe nanti mutakubahobokela abawamwinyu nu moyo winyu ghosi.”

Écouter Matayi 18