Téduray - 2002 WBT (NT) Non-Drama

Téduray - 2002 WBT (NT) Drama

<div class="version vid1266 iso6393tiy" data-vid="1266" data-iso6393="tiy">
 <div class="book bkMAT">
 <div class="chapter ch4" data-usfm="MAT.4">
 <div class="label">4</div><div class="s">T&#233;n&#233;ngkad Satanasey Jesuse</div><div class="p"> 1Tid&#233;w b&#233;no, i R&#233;mogor i Tuluse f&#233;nanangguwit&#233;n i Jesuse mang&#233;y dob gonone &#233;nda i &#233;t&#233;w de bati, inok i odoroy de saitan f&#233;ndaw&#233;t Satanas g&#233;t&#233;ngkada noy Jesuse r&#233;migo tete. 2Atin amun diyo i Jesuse, &#233;nda m&#233;nama&#233;n b&#233; rugay i m&#233;nfote folo g&#233;t&#233;r&#233;sangan. M&#233;law toow fo m&#233;nlayaf. 3Atin &#233;nggumah i Satanase dob Beene brab m&#233;nb&#233;r&#233;h mano, &#8220;Amuk Beemey Nga i Tuluse, f&#233;wal&#233;y&#233;m ama&#233;n i de bat&#233;w ni.&#8221;</div><div class="p"> 4Endob s&#233;m&#233;numbul i Jesuse mano, &#8220;W&#233;n i M&#233;nsulate K&#233;b&#233;r&#233;h i Tuluse mano, &#8216;B&#233;k&#233;n ama&#233;n sa&#233;n i funay &#233;t&#233;we m&#233;uyag. Yamula kailangay &#233;t&#233;wey k&#233;luhanay k&#233;b&#233;r&#233;h i Tuluse.&#8217; &#8221;</div><div class="p"> 5Tid&#233;w b&#233;no, nuwit Satanasey Jesuse mang&#233;y dob Jerusalem brab nuwit&#233;n mang&#233;y dob toowe fo g&#233;rotor b&#233;rungoy lawi i Tuluse. 6Atin m&#233;ns&#233;b&#233;r&#233;h man b&#233; Jesuse mano, &#8220;Amuk Beemey Nga i Tuluse, ant&#233;for go. Non w&#233;n i M&#233;nsulate K&#233;b&#233;r&#233;h i Tuluse mano, &#8216;Sugu&#233;y Tulusey de t&#233;laki no d&#233;miyaga Beem. Brab sak&#233;m&#233; ro Beem inok &#233;nda &#233;mfali go b&#233; de bat&#233;w, fiyon i de s&#233;k&#233;y&#233;m.&#8217; &#8221;</div><div class="p"> 7Tid&#233;w b&#233;no, s&#233;m&#233;numbul i Jesuse mano, &#8220;Endob w&#233;n soy M&#233;nsulate K&#233;b&#233;r&#233;h i Tuluse mano, &#8216;Kago t&#233;ngkad&#233;n i Kadnane Tulus&#233;m r&#233;migo b&#233; k&#233;taya muwe rigon&#233;n.&#8217; &#8221;</div><div class="p"> 8Tid&#233;w b&#233;no, nuwit Satanasey Jesuse mang&#233;y dob uruk i g&#233;rotore fo tuduk. Brab f&#233;nt&#233;ngt&#233;ng&#233;n dey k&#233;luhanay de ing&#233;d dob duniyae ni brab k&#233;luhanay de ungang&#233;y de ni. 9Atin m&#233;nb&#233;r&#233;h man i Satanase mano, &#8220;Buluk lingkuw&#233;do mo beg&#233;n brab f&#233;ngadaf&#233; mo beg&#233;n, iray gu Beem i k&#233;luhanay de ni.&#8221;</div><div class="p"> 10Endob s&#233;m&#233;numbul i Jesuse mano, &#8220;F&#233;rar&#233;y gon Satanas! Enda f&#233;ngadaf&#233; ku beem non w&#233;n i M&#233;nsulate K&#233;b&#233;r&#233;h i Tuluse mano, &#8216;Lingkuw&#233;d go sa&#233;n dob adafay Kadnane Tulus&#233;m. Been sa&#233;n i f&#233;ngadaf&#233; muwe.&#8217; &#8221;</div><div class="p"> 11Tid&#233;w b&#233;no, i Satanase t&#233;nagak&#233;n i Jesuse. Atin &#233;nggumah i de t&#233;laki brab t&#233;nalima roy Jesuse.</div><div class="s">F&#233;ngganay Jesusey galb&#233;k ne</div><div class="p"> 12Atin i Herode f&#233;nf&#233;f&#233;risu noy Juan Bautistawe. Atin amun &#233;ngg&#233;lingoo Jesuse, m&#233;nule mang&#233;y Galilea. 13Atin t&#233;m&#233;nara sa&#233;n dob ing&#233;d ne Nasaret, brab m&#233;nang&#233;y bati dob Kafernaum dob f&#233;doror i dogote Galilea, fing&#233; dob ing&#233;de Sabuton brab Neftali. 14M&#233;nrigoy ni inok m&#233;tuman i k&#233;b&#233;r&#233;h i s&#233;narigoy Tuluse f&#233;ndaw&#233;t Isaias mano, 15&#8220;I de &#233;t&#233;w bati dob de ing&#233;d Sabuton brab Neftali, brab fing&#233; dob dogote, brab dob difar i way&#233;ge Jordan, brab de &#233;t&#233;w b&#233;k&#233;n Judio bati dob Galilea, 16fiyon fo k&#233; i de ni &#233;t&#233;w maak bati ro dob d&#233;l&#233;mone non b&#233;k&#233;n ro do m&#233;ngintulus, g&#233;gito ro dak&#233;l solo. Atin fiyon fo k&#233; maak k&#233;lungonon dob berowe non m&#233;gilak ro b&#233; k&#233;l&#233;hue, r&#233;m&#233;ndaw i soloe ni dob berowe.&#8221;</div><div class="p"> 17Atin tid&#233;w b&#233; no gai, f&#233;ngganaya Jesusey k&#233;uret ne mano, &#8220;Fatut g&#233;s&#233;nule gom b&#233; de sala gom brab tagak gom i de tete adat gom, non g&#233;d&#233;t&#233;n i gaiwe f&#233;gul&#233;woy Tulusey de &#233;t&#233;w&#233;n.&#8221;</div><div class="s">T&#233;nawag Jesusey de fot g&#233;t&#233;w fatatug&#233;s</div><div class="p"> 18W&#233;n i no s&#233;baan fuweh, m&#233;nag&#233;w i Jesuse dob doror i dogote Galilea. Atin b&#233; lala ne mag&#233;w, &#233;nggito noy ruwowe g&#233;t&#233;w lag&#233;y s&#233;timan id&#233;ng. I daw&#233;t ruwe Andres brab Simon (f&#233;ndaw&#233;t so Pedro). Nib&#233;r roy biyala ruwe dob dogote non fatatug&#233;s ro. 19M&#233;nb&#233;r&#233;h i Jesuse dob berowe mano, &#8220;Enggom&#233;n, odor gom Beg&#233;n, atin kagom&#233;n s&#233;m&#233;l&#233;d s&#233;do. Tid&#233;w b&#233;leewe ni, f&#233;s&#233;l&#233;d&#233; ku begom &#233;t&#233;w, inok modor ro so Beg&#233;n.&#8221; 20Sonom b&#233;no, t&#233;nagak roy de biyala ro atin m&#233;nodor ro b&#233; Jesuse. 21B&#233; lala ruwe mag&#233;w, &#233;nggito Jesusey de s&#233;giyo lag&#233;y do s&#233;timan id&#233;ng. I daw&#233;t ruwe Santiago brab Juan. Diyo ro dob awang ruwe beroy boh ruwe f&#233;ndaw&#233;t Sebedeo. F&#233;gimu&#233; roy biyala ruwe. Atin t&#233;nabar Jesuse bero. 22Atin sonom b&#233;no, t&#233;nagak roy boh ruwe dob awange atin m&#233;nodor ro b&#233; Jesuse.</div><div class="s">Nuwa Jesusey de m&#233;doo do &#233;t&#233;w</div><div class="p"> 23Atin i Jesuse s&#233;m&#233;nugud mang&#233;y dob k&#233;luhanay de ing&#233;d dob Galilea. Atin t&#233;m&#233;noro dob de lawi f&#233;ngadafan kay de Judio, brab nuret&#233;n i Fiyowe Uret fantag b&#233; k&#233;f&#233;gul&#233;w i Tuluse, brab nuwa&#233;n i de d&#233;m&#233;ruun do s&#233;s&#233;giyo-giyo do d&#233;ruun. 24Atin, m&#233;ns&#233;lalag i bantuga Jesuse dob k&#233;luhanay de ing&#233;d dob Siria. M&#233;law i de &#233;t&#233;w nuwit ro mang&#233;y dob Beeney k&#233;luhanay de d&#233;m&#233;ruun b&#233; s&#233;s&#233;giyo-giyowe do d&#233;ruun, do d&#233;maw&#233;t, brab do r&#233;nahuko saitan, brab do rebeng&#233;n, brab do kimoy&#233;n. Atin &#233;ngg&#233;f&#233;adi-adino Jesuse bero k&#233;luhanan. 25Atin toow fo m&#233;dooy de &#233;t&#233;w m&#233;nfuray b&#233; Jesuse, do tid&#233;w Galilea, brab do tid&#233;w Dekapolis (i atag i Dekapolise &#8220;Do Folo Ing&#233;d&#8221;), brab tid&#233;w Jerusalem, brab tid&#233;w Judea, brab tid&#233;w dob difar i way&#233;ge Jordan.</div>
 </div>
 </div>
</div>

Tidéw béno, i Rémogor i Tuluse fénanangguwitén i Jesuse mangéy dob gonone énda i étéw de bati, inok i odoroy de saitan féndawét Satanas géténgkada noy Jesuse rémigo tete. Atin amun diyo i Jesuse, énda ménamaén bé rugay i ménfote folo gétérésangan. Mélaw toow fo ménlayaf. Atin énggumah i Satanase dob Beene brab ménbéréh mano, “Amuk Beemey Nga i Tuluse, féwaléyém amaén i de batéw ni.”
Endob séménumbul i Jesuse mano, “Wén i Ménsulate Kébéréh i Tuluse mano, ‘Békén amaén saén i funay étéwe méuyag. Yamula kailangay étéwey kéluhanay kébéréh i Tuluse.’ ”
Tidéw béno, nuwit Satanasey Jesuse mangéy dob Jerusalem brab nuwitén mangéy dob toowe fo gérotor bérungoy lawi i Tuluse. Atin ménsébéréh man bé Jesuse mano, “Amuk Beemey Nga i Tuluse, antéfor go. Non wén i Ménsulate Kébéréh i Tuluse mano, ‘Suguéy Tulusey de télaki no démiyaga Beem. Brab sakémé ro Beem inok énda émfali go bé de batéw, fiyon i de sékéyém.’ ”
Tidéw béno, séménumbul i Jesuse mano, “Endob wén soy Ménsulate Kébéréh i Tuluse mano, ‘Kago téngkadén i Kadnane Tulusém rémigo bé kétaya muwe rigonén.’ ”
Tidéw béno, nuwit Satanasey Jesuse mangéy dob uruk i gérotore fo tuduk. Brab fénténgténgén dey kéluhanay de ingéd dob duniyae ni brab kéluhanay de ungangéy de ni. Atin ménbéréh man i Satanase mano, “Buluk lingkuwédo mo begén brab féngadafé mo begén, iray gu Beem i kéluhanay de ni.”
Endob séménumbul i Jesuse mano, “Féraréy gon Satanas! Enda féngadafé ku beem non wén i Ménsulate Kébéréh i Tuluse mano, ‘Lingkuwéd go saén dob adafay Kadnane Tulusém. Been saén i féngadafé muwe.’ ”
Tidéw béno, i Satanase ténagakén i Jesuse. Atin énggumah i de télaki brab ténalima roy Jesuse.

Atin i Herode fénféférisu noy Juan Bautistawe. Atin amun énggélingoo Jesuse, ménule mangéy Galilea. Atin téménara saén dob ingéd ne Nasaret, brab ménangéy bati dob Kafernaum dob fédoror i dogote Galilea, fingé dob ingéde Sabuton brab Neftali. Ménrigoy ni inok métuman i kébéréh i sénarigoy Tuluse féndawét Isaias mano, “I de étéw bati dob de ingéd Sabuton brab Neftali, brab fingé dob dogote, brab dob difar i wayége Jordan, brab de étéw békén Judio bati dob Galilea, fiyon fo ké i de ni étéw maak bati ro dob délémone non békén ro do méngintulus, gégito ro dakél solo. Atin fiyon fo ké maak kélungonon dob berowe non mégilak ro bé kéléhue, réméndaw i soloe ni dob berowe.”
Atin tidéw bé no gai, féngganaya Jesusey kéuret ne mano, “Fatut gésénule gom bé de sala gom brab tagak gom i de tete adat gom, non gédétén i gaiwe féguléwoy Tulusey de étéwén.”

Wén i no sébaan fuweh, ménagéw i Jesuse dob doror i dogote Galilea. Atin bé lala ne magéw, énggito noy ruwowe gétéw lagéy sétiman idéng. I dawét ruwe Andres brab Simon (féndawét so Pedro). Nibér roy biyala ruwe dob dogote non fatatugés ro. Ménbéréh i Jesuse dob berowe mano, “Enggomén, odor gom Begén, atin kagomén séméléd sédo. Tidéw béleewe ni, fésélédé ku begom étéw, inok modor ro so Begén.” Sonom béno, ténagak roy de biyala ro atin ménodor ro bé Jesuse. Bé lala ruwe magéw, énggito Jesusey de ségiyo lagéy do sétiman idéng. I dawét ruwe Santiago brab Juan. Diyo ro dob awang ruwe beroy boh ruwe féndawét Sebedeo. Fégimué roy biyala ruwe. Atin ténabar Jesuse bero. Atin sonom béno, ténagak roy boh ruwe dob awange atin ménodor ro bé Jesuse.

Atin i Jesuse séménugud mangéy dob kéluhanay de ingéd dob Galilea. Atin téménoro dob de lawi féngadafan kay de Judio, brab nuretén i Fiyowe Uret fantag bé kéféguléw i Tuluse, brab nuwaén i de déméruun do séségiyo-giyo do déruun. Atin, ménsélalag i bantuga Jesuse dob kéluhanay de ingéd dob Siria. Mélaw i de étéw nuwit ro mangéy dob Beeney kéluhanay de déméruun bé séségiyo-giyowe do déruun, do démawét, brab do rénahuko saitan, brab do rebengén, brab do kimoyén. Atin énggéféadi-adino Jesuse bero kéluhanan. Atin toow fo médooy de étéw ménfuray bé Jesuse, do tidéw Galilea, brab do tidéw Dekapolis (i atag i Dekapolise “Do Folo Ingéd”), brab tidéw Jerusalem, brab tidéw Judea, brab tidéw dob difar i wayége Jordan.

Écouter Mateo 4