JAÑ 2
2
A äo' waçy le ti bii Kana
1Naw wo na ge blam sen äog, aè raw äo' waçy ti bii äi leege Kana äi sir Galile, man Yeso hay le go ni lay. 2AÈ raw ëe Yeso wo de jar ma wer äen wo ree do äo' ge waçy ti biin lay. 3Yiin wo go taw ge pel äaara mokay, man Yeso raw riñgi äe ga: Yii bay pel jar wa so hase. 4Yeso raw ëe ge äe ga: Waçy, ndo riñ me ti joñre äin diñ ndo gaè. Wuur äi bay de age wa ëa kway. 5Man Yeso raw riñ jar joñren wo ga: joñ wee fen maga aà riñ wee ge ti äe mo äuy no.
6Paga lone huuli yañ wo ni hiira'a, maga jar Jwif hay clo'n wo ma yog do äaara do tosge äaara wo no mono. Mapo wo yoo äaara nen lidir do nenma'a, mapo wo nen lidir kis ti äe äog lay. 7Yeso raw riñ jar joñren wo ga: Bag wee lone sen wo go de bii. AÀ raw wo bag lonen wo go de bii feçeçfeçeç. 8Blam sen Yeso raw riñ rage ga: Patala ëaa wee le see bii sen me'eç, wo wee de äe ne wañ few no. AÀ raw wo woge de äe ne hen so. 9Wañ raw gus bii maga kol go yii mokay, bay de ko ngeel maga yiin a le ni mo wa (jar joñre maga ëad wo biin mbaara de koge äe ane). AÀ raw ëe war waçyn le, 10kal riñgi äe ga: Jar äuy joñ wo mono, aè haç yii ma de coçoçren go ne jar tañgu ëa, blam sen jar maga aè ëe ra le wuu wo we go so no, aè raw haç maga sen co gaa ne jar lay so, day ma äon ndo raw ëaw ma de coçoçren le kay haçaç patala le?
11Mokay diñ fen mbuëgi maga Yeso joñ tañgu Kana äi sir Galile mono. AÀ raw naa nen wore äen go pel kaçaçran äuy, jar ma wer äen raw wo yaçaç waçaçre äen lay.
12Blam sen aà kal wo rawge äi leege Kapernam de man äe wo de heçeçre äen wo de jar ma wer äen wo, raw wo iggi le ni smagga koëe.
Yeso äi tiñ Baa
(Ko äil Mat. 21.12-13; Mark 11.15-17; Lug 19.45-46)
13Few Pag ma jar Jwif wo kosge go mbañ mokay, Yeso kal rawge Jerusalem, 14wo da' jar yeeë dere, de jar yeeë saçaçre wo, de ma yeeë kurgudu wo, jar cor solayn wo de lagge ti table äaaran äi tiñ Baa ni deñ lay. 15AÀ raw lab saale, raw nië rage le go äi tiñ Baa no, de saçaçre äaaran wo, dere äaaran wo, lag solay jar cor solay wo go gesiñ, raw srog table äaaran wo go lay, 16raw riñ jar yeeë kurgudun wo ga: Ndar ra wee wo go, kol wee tiñ mani Pan äin diñ tiñ trere wa. 17AÀ go de yerge ga: Baa ge wuu maga ndi de baa wuu da tiñ äon de haä äil ne ndi do wuu nono. Jar ma wer Yeson raw wo ëig ti waçaçre se no.
18Blam sen jar Jwif raw wo wii Yeso ga: Ndo kaçaç ma joñge diñ fen mbuëgi may maga wuur mo ko ga ndo de da' eegre sen ma joñge no äa? 19Yeso raw riñ rage ga: Mbug wee tiñ Baa mo ka' go, ndi fer booge äe nen siili heçeç heçeç swa' tu. 20Jar Jwif raw wo riñ gi äe ga: AÈ joñ kiñgi boo tiñ Baa mo ka' hwal hwal naa ti hiira'a, ma äon ndo wo booge äe siili heçeç heçeç swa' koëe?
21Ama tiñ Baa maga Yeso waçaç ti äe mono diñ ti hoçoçgesee äe tu señ. 22De maga Yeso fer go kalge ciñ tenen mokay, jar ma wer äen raw wo ëig ti ga aà hay waçaç ree sen we go, aà raw wo yaçaç waçaçre Baa, yaçaç wo waçaçre maga Yeso waçë ra mo lay.
Yeso ko ëiggi ma äil jar tebere wo go äuy
23De maga Yeso le go Jerusalem wur few Pag mokay, jar debañ raw wo yaçaç waçaçre Yeso wer feçeçre mbuëgi maga aà joñ ra mono, 24ama Yeso laa hoo sug ti äaara gaa has äuy, werga aà go de ko ëiggi äaara äuy. 25AÀ bay de saçy maga jobo mo kañ nen se ti ëiggi jar tebere wo kañ ge wa, werga aà de see äe go de ko jiili äaara.
Tällä hetkellä valittuna:
JAÑ 2: TUPB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Le Bible en Tupurri © Alliance Biblique du Cameroun 2006
