Ageun 12
12
1 #
Asw 7:2-3; Bur 11:8; Age 15:7. Kotema EJAKAIT Aburam atiar, “Konyou kakwapukon, koinacanakon, kotogo loka papakon, kolot akwap naketodikini jo; 2#Age 17:6; 18:18; 46:3; Mar 23:10; Ikis 26:5; 1 Ika 3:8. Ketuluori moolo areker napeti, kesirerenenenei, etopoloori ekonikiror; korau ijo arereŋ. 3#Gal 3:8; Age 24:35; 27:29; Any 23:22; Mar 24:9; Age 22:18; 26:4; 28:14; Sab 72:17; Asw 3:25. Esirereni kes lukisirerenete jo, ido nin yenikikenokini jo ekeni eoŋ da ŋes: kotomakon ŋes erereneorotor ikalia kere luka akwap.”
4Kwaŋin kolot Aburam, kwape kelimokinia ŋes EJAKAIT: kolot Lot nepepe kaŋes: kedaunit Aburam ikar akaisakanykaarei ka lukany nakenyounio koKaran. 5#Age 11:31; Bur 11:8. Koyana Aburam akeberu Sarai, ka Lot okoku loka onaceke, ka ikeceboro kere luatukokinitos, ka ituŋa luapotu kodumut koKaran; konyout alosit akwap naka Kanaan; kodolot akwap naka Kanaan. 6#Yok 4:5; Ikis 11:30; Tub 7:1. Kitor Aburam akwap kodol aibois naka Sekem, neejai elua loka More. Kojai Ekanaanit akwap kapaarasia kanun, 7#Asw 7:5; Gal 3:16; Age 17:1; Ikis 34:4; Sab 105:9-12; Age 13:4. Kitaanyikin EJAKAIT Aburam, kotema atiar, “Ainakini rwaru akoniwur akwap na.” Kodukok etem nen neejai EJAKAIT, lokitaanyikin ŋes. 8Konyou kolot oroŋat kari nakokide naka Bet-el, kibubuk ekewema, kojai Bet-el to, Ai da kide: kodukok etem nen neejai EJAKAIT, kiwone ekiror loka EJAKAIT. 9#Age 13:3. Konyou Aburam kiyatak akelosit kari naka Eŋalakimak.
10 #
Age 26:1; Sab 105:13; Age 43:1. Kojai ebeli kakwap: kolot Aburam Misiri aiboi nina; naarai kepol ebeli kotoma akwap. 11#Age 26:7. Kosodi eapie ŋes alomari Misiri, kotema akeberu Sarai atiar, “Koany, ajeni jo irai aberu naatemel: 12#Age 20:11. Aso kiianyut jo Imisirian etemarete kesi atiar, ‘Na ŋes akeberu’: ido kaarete eoŋ, konye kinyekinete jo iiari, 13#Age 20:2; 26:7; Sab 25:21; Pes 4:25. Keŋaiŋait jo, kotema ebe irai ijo kinacika: tetere adumun ajokis kanukon, kajara da kanukon.” 14Kosodi kedol Aburam Misiri, koanyut Imisirian aberu itemelel noi. 15#Est 2:16. Koanyut ŋes ijaka luka Parao: kituro ŋes kaneejai Parao; koyanaarai aberu togo loka Parao. 16Kikonak ŋesi Aburam ejok kanuke: kojaas ŋes amerekekin, ka imoŋin, ka isigirian, ka ibulesin, ka abulesin, ka asigirian, ka akaalai.
17 #
Age 20:18; 1 Siit 16:21; Sab 105:14; Bur 13:4. Kitican EJAKAIT Parao ka lukokaleke kaicaneta nukos kanuka Sarai aberu naka Aburam; 18#Age 20:9; 26:10; Awa 21:1. Konyarau Parao Aburam kotema atiar, “Anyoika nu nukiswamak eoŋ? Inyo bo mam kilimokinia eoŋ kwape eraar ŋesi akoniberu? 19Kanukinyo itemaria ebe, ‘Erai ŋesi inacika,’ tapi eoŋ ayaŋaari aituluor ŋes akaberu? Aso do akoniberu ŋin, koyana, kolot.” 20Kicorak Parao ituŋake: kinyamakis ŋes orot, ka akeberu, ka iboro kere lukejaas kaŋes.
Tällä hetkellä valittuna:
Ageun 12: AOV1961
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Ateso Old Version Bible © United Bible Societies, 1961.