Zohan 20
20
Thānkhur Akorong
Mt 28:1-8; Mk 16:1-8; Lk 24:1-12
1 #
Mt 27:60, 66; Lk 8:2 Haptāna nikhuo mānsāna Magdalene Mari chu ārkhuona, alā zīnga han thāna a sē na. Thān ātā lung chu ankhāia a va mū na. 2Hatuka a tān a, Simon Peter lē zolāi atei Isuo'n ei madit kōma a sē na, a kōm u na, “Thān ātā Puma chu a lāk viak u zei. Hon tiang mo ei manzāl u riat lāi mak mē,” a tī na. 3#Lk 24:12Hasikhan Peter lē a zolāi atei chu a suok u na, thān tiang a sē u na. 4Amāni chu lōkōna a tān rit u na. Zolāi ateipū'n Peter chu a khēl a, thāna a vā suok mānsā na. 5Ama chu anbū na, asūng a en a, linen puon ngāi ei la om chu hava han a mū na. Hanum ni sela, asūnga chu va lūt mak a. 6Simon Peter chu a nūka a hong a, thān sūnga a vā lūt a, amā'n linen puon ngāi ei la om chu a mū na. 7Isuo a lū anthuomna puontuidui chu linen puon ngāi bila om mak a. Tenchu abinga munkhata anthep chīta om chu a mū na. 8Hatuka zolāi ateipū, māna thāna āhong pū'm asūnga a vā lūt a. A mū na, a iam a. 9#Mt 22:29; Lk 24:26, 46; Zn 2:22Asik chu āthi ngāi bil ātā ama chu ei ānthuirēt rang ti Pathian Lekhabūna anziak ha ei la riat u nōk a ni na.
Magdalene Mari kōma Isuo ei Ānlangna
Mt 28:9-10; Mk 16:9-11
10Hatuka zolāi ngāi chu a in u chipa a kīr rēt u na. 11Tenchu Mari chu thān kōla andinga a chap a. A chap chunga anbūna thān sūng chu a en a. 12#Mt 28:2-3; Mk 16:5; Kui 1:10Vānpalāi anni puon ngui ansil chu a mū na. Isuo a ruok ei manzāl una han a lū tiang angkhat lē a kē tiang angkhat ansut u na. 13Amānī'n a kōma, “Nupang, hong sik mo nei chap?” a ti u na. Amā'n a kōm u na, “Ka Puma a chōi viak u zei, hon tiang mo ei manzāl u riat mak ung,” a tī na. 14#Mk 16:9; Lk 24:16Hava a ti suona, anūk tiang anhoia Isuo ei ānding a mū na. Ama chu Isuo tīna riat mak a. 15Isuo'n a kōma, “Nupang, hong sik mo nei chap? Tū mo nei ravān?” a tī na. Ama chu rahuonpū mo a tī na. Amā'n a kōma, “Ka pū, ama chu hiva nātā nei lāk a ni ten, hon mo nei manzāl na manthei ro. Ama chu chōi ka ting,” a tī na. 16#Mt 23:7Isuo'n a kōma, “Mari,” a tī na. Ama chu anhoia, a kōma, “Rabi!” a tī na. (Mīnchūpū tīna a ni.) 17#Mt 28:10Isuo'n a kōma, “Na tōn nō ro. Asik chu ka Pā kōma la kal mak ung. Tenchu ka paruol ngāi kōma sē tānla, amāni kōma, ‘Ka Pā lē na Pā u, ka Pathian lē na Pathian u kōma ākal rang kā ni zei,’ va ril ro,” a tī na. 18#Lk 24:10, 22-23Magdalene Mari chu a hong a, zolāi ngāi kōma Puma ei mū lē a kōma hiva chong ngāi ei ril chu a manthei a.
Isuo a Zolāi ngāi kōma ei Ānlangna
Mt 28:16-20; Mk 16:14-18; Lk 24:36-40
19 #
Lk 24:36-39
Hava nikhuo khului, haptā nikhuo mānsāna, Zehudi ngāi ei chi u sika zolāi ngāi ei ānbūm una suokkhār ankhāra om a, Isuo chu alāi una a hong ānding a. A kōm u na, “Na chung una phūkdāina om rase,” a tī na. 20Hiva a ril suona, amāni chu a kut ngāi lē a kāng a manmū na. Zolāi ngāi chu Puma a mū u na, a rāi asān u na. 21#Mt 28:19Isuo'n a kōm u na, “Na chung una phūkdāina om rase. Pā'n ei na tīr anga, nangni ngāi um ka na tīr u,” a ti rēt a. 22#Kui 2:38; Gal 3:2Hiva a ti suona, a chung una a sēm a. A kōm u na, “Rathā Ānthiang chang u ro. 23#Mt 16:19Tūkareng āsia thō nei maduol u chu anduola om u'n ti. Tūkareng āsia thō nei maduol u nōk chu anduol luia om u'n ti,” a tī na.
Thoma kōma Isuo ei Ānlangna
24Thoma, Diduma ei ti u, sōmleianni ngāi bila angkhat chu, Isuo a hong lāi han a bil una om mak a. 25#Mk 16:11Hasikhan zolāi atei ngāiin a kōma, “Koinī'n Puma na mu zei,” a ti u na. Amā'n a kōm u na, “A kuta khorkā anhēmna nūk ka mū nōka, khorkā anhēmna nūka ka maria le ka tōn nōka, akānga ka kut le ka tōn nōk ten, iam nō ning,” a tī na.
26Ni ariat suona zolāi ngāi chu insūnga om rēt u na. Thoma'm a bil una a om a. Suokkhār ngāi ānkhār ngalā'm, Isuo a kār una a hong ānding a, “Na chung una phūkdāina om rase,” a tī na. 27#Lk 24:40Hatuka Thoma kōma, “Hiva hin na maria le hong tōn tānla, ka kut ngāi en ro. Na kut hong sōn tānla, ka kāng tōn ro. Āiam nōk ni nō tānla, āiam mī ni ro,” a tī na. 28Thoma'n a kōma, “Ka Puma lē ka Pathian,” tīna a masang a. 29#1Pe 1:8Isuo'n a kōma, “Thoma, nei na mū sika nei na iam kēng. Mū luia āiam ngāi chu bōrsāng atung,” a tī na. 30Hiva lekhabūna anziak lui, Isuo'n a zolāi ngāi mitmūna sinsiana ātampā a thō na. 31#Mt 4:3; 25:46Tenchu Isuo chu Khristā, Pathian Nāipasal a ni tī nei iam una ranga, hanūk chu nei iam una a raminga damna nei manthei una ranga, hiva ngāi hi ei ānziak a ni.
Tällä hetkellä valittuna:
Zohan 20: RNL
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Bible in Ranglong, © Bibles International, the Bible society of Baptist Mid-Missions, 2024.
