Kuitīr Ngāi Sinthō Chongmaruoina
Chongmaruoina
Dānkhit Maruo'n Mesia a sinthō ruia dēchong a ril a. Isaia ma 42:1-7; 49:1-7na, a sinthō ranga ei āntīrna chu Zehudi ngāi lē namtei ngāi ei huop a ni, tī a na ril a. Ama chu hi maniapūra a om lāi han, Isuo a dorbōndomna chu Zehudi mi ngāi bīk chunga a thō na. Kuitīr ngāi sinthō lekhabū'n hontin mo Isuo'n namtei ngāi kāra sinthō ei phut chu a ril a. Pentikos nikhuona han, Khristā'n āiampū ngāi chu Rathā Ānthiang a manbit a, amāni chu maniapūr pumpuia a tīr a. Hiva lekhabū kam khatnā'n ei ril anga, hiva Kuitīr ngāi Sinthō lekhabū hi Theofila a kōma Lūk a lekhabū annina a ni. Hasikhan, hiva lekhabū'n namtei āiampū ngāi anchūna ranga, kuibing ei ānphutna rachī chu a ril a. Hiva ruitāng hi KS 30 lē 60 kongkāra a ni. Lūk-in hiva lekhabū hi KS 61 tāng ei maziak a ni.
Namtei āiampū khatin kuibing ei ānphutna a riat le han, amā'n ankelruo tamtak dōn in ti. Hiva lekhabū'n hava ngāi chu a masang a. Hiva lekhabū'n Khristā ei thina, ei ānphūmna lē ei ānthuirētna chu, atun taka huna ei nāngzia chu a manlang a. Khristian sākhuo lē Zuda sākhuo ei ānzomna lē ei ānteina chu a ril. Khristian sākhuo chu Zehudi mi ngāi lē namtei ngāi kāra ansōn a. Khristian sākhuo hi Rōm rēnglian opna rēngram ranga anchina ni mak tī a ril. Hiva lekhabūna hin Lūk-in, maniapūr pumpuia khristian sākhuo a lei ānzar sabakna simrachi a lei maziakna a ni.
Lūk-in Kuitīr ngāi Sinthō lekhabūna, hontin mo Khristian sākhuo chu mun khat ātā mun atei rēta ei ānzar rui chu a mansung a. Atāngpuia, hiva lekhabū'n Kuitīr ngāi Sinthō 1:8a, Isuo'n āiampū mānsa ngāi sinthō ranga a lei pēk anga a zī na. Lūk-in a lekhabū ei ānsensāi ang chipa, tadan ei hekna kipa ruibongkīmna a dōn a (6:7; 9:31; 12:24; 16:5; 19:20; 28:30-31). Tadan ngāi chu athuoia ngāi anga a ni: Zerusalem (1:1-6:7); Zudāi, Galili lē Samaria (6:8-9:31); Antiok (9:32-12:24); Asia Minor (12:25-16:5); Aegean Tipui rauop (16:6-19:20) lē Rōm (19:21-28:31).
Lūk a lekhabū ei manhekna chu, Khristā a sinthō chu hiva ten hin hek mak, tī hi a ni. Khristā a kuibing chu Rathā Ānthiang amanga, a Chong amanga lē a zolāi amanga a manding tir a (13:47; Isa 49:6).
Asūnga Om Ngāi
I. Puma ruoisi ngāi chu Zerusalem-a a phut u na (1:1-6:7).
II. Puma ruoisi ngāi chu Zudāi, Galili lē Samaria-na anzar u na (6:8-9:31).
III. Puma a ruoisi ngāi chu Antiok-a anzar u na (9:32-12:24).
IV. Puma a ruoisi ngāi chu Asia Minor-a anzar u na (12:25-16:5).
V. Puma a ruoisi ngāi chu Aegean Tipui rauopa anzar u na (16:6-19:20).
VI. Puma ruoisī (Paul) chu Rōm-a a sē na (19:21-28:31).
Tällä hetkellä valittuna:
Kuitīr Ngāi Sinthō Chongmaruoina: RNL
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Bible in Ranglong, © Bibles International, the Bible society of Baptist Mid-Missions, 2024.