Gen 5
5
Inzalo kaAdamu
1Le yincwadi yezizukulwana zikaAdamu. Mhla uNkulunkulu edala umuntu, wamenza ngomfanekiso kaNkulunkulu.#Gen 1:27, 28 2Wabadala owesilisa lowesifazana, wababusisa, wabatha ibizo mhla bedalwa wathi ngabantu.#Mat 19:4; Mark 10:6 3UAdamu wahlala iminyaka elikhulu lamatshumi amathathu; wasezala indodana efana laye, wayitha ibizo wathi nguSeti. 4Emva kokuzalwa kukaSeti uAdamu wahlala iminyaka engamakhulu aficaminwembili; wazala amadodana lamadodakazi. 5UAdamu wahlala iminyaka engamakhulu aficamunwemunye lamatshumi amathathu, wasesifa.
6USeti wahlala iminyaka elikhulu lanhlanu; wasezala uEnosi. 7Emva kokuzalwa kukaEnosi uSeti wahlala iminyaka engamakhulu aficaminwembili lesikhombisa; wazala amadodana lamadodakazi. 8USeti wahlala iminyaka engamakhulu aficamunwemunye letshumi lambili; wasesifa.
9UEnosi wahlala iminyaka engamatshumi aficamunwemunye, wasezala uKenani. 10Emva kokuzalwa kukaKenani uEnosi wahlala iminyaka engamakhulu aficaminwembili letshumi lanhlanu; wazala amadodana lamadodakazi. 11UEnosi wahlala iminyaka engamakhulu aficamunwemunye lanhlanu; wasesifa.
12UKenani wahlala iminyaka engamatshumi ayisikhombisa, wasezala uMahalaleli. 13Emva kokuzalwa kukaMahalaleli uKenani wahlala iminyaka engamakhulu aficaminwembili lamatshumi amane; wazala amadodana lamadodakazi. 14UKenani wahlala iminyaka engamakhulu aficamunwemunye letshumi, wasesifa.
15UMahalaleli wahlala iminyaka engamatshumi ayisithupha lanhlanu, wasezala uJaredi. 16Emva kokuzalwa kukaJaredi uMahalaleli wahlala iminyaka engamakhulu aficaminwembili lamatshumi amathathu; wazala amadodana lamadodakazi. 17UMahalaleli wahlala iminyaka engamakhulu aficaminwembili lamatshumi aficamunwemunye lanhlanu; wasesifa.
18UJaredi wahlala iminyaka elikhulu lamatshumi ayisithupha lambili, wasezala uEnoki. 19Emva kokuzalwa kukaEnoki uJaredi wahlala iminyaka engamakhulu aficaminwembili; wazala amadodana lamadodakazi. 20UJaredi wahlala iminyaka engamakhulu aficamunwemunye lamatshumi ayisithupha lambili; wasesifa.
21UEnoki wahlala iminyaka engamatshumi ayisithupha lanhlanu, wasezala uMethusela. 22Emva kokuzalwa kukaMethusela uEnoki wahamba loNkulunkulu iminyaka engamakhulu amathathu; wazala amadodana lamadodakazi. 23UEnoki wahlala iminyaka engamakhulu amathathu lamatshumi ayisithupha lanhlanu. 24UEnoki wahamba loNkulunkulu. Kazabe esaba khona, ngoba uNkulunkulu wamthatha.#Heb 11:5; Juda 14
25UMethusela wahlala iminyaka elikhulu lamatshumi aficaminwembili lesikhombisa, wasezala uLameki. 26Emva kokuzalwa kukaLameki uMethusela wahlala iminyaka engamakhulu ayisikhombisa lamatshumi aficaminwembili lambili; wazala amadodana lamadodakazi. 27UMethusela wahlala iminyaka engamakhulu aficamunwemunye lamatshumi ayisithupha lesificamunwemunye; wasesifa.
28ULameki wahlala iminyaka elikhulu lamatshumi aficaminwembili lambili, wasezala indodana. 29Wayitha ibizo wathi nguNowa, wathi: Lo uzakusiduduza ekusebenzeni kwethu lasekutshikatshikeni ngezandla zethu ngenxa yomhlabathi ewuqalekisileyo iNkosi. 30Emva kokuzalwa kukaNowa uLameki wahlala iminyaka engamakhulu amahlanu lamatshumi aficamunwemunye lanhlanu; wazala amadodana lamadodakazi. 31ULameki wahlala iminyaka engamakhulu ayisikhombisa lamatshumi ayisikhombisa lesikhombisa; wasesifa.
32UNowa wahlala iminyaka engamakhulu amahlanu, wasezala uShemu loHamu loJafethi.
Tällä hetkellä valittuna:
Gen 5: BE1978
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Bible Society of Zimbabwe 1978