ማርቆሳ ምሽራቹዋ ገሉዋ
ገሉዋ
ማርቆስ ጻፌዳ ምሽራቹ ኮይሮ ዶሚድካ፥ “ሀዌ ጾሳ ናኣ የሱስ ክርስቶሳ ምሽራቹዋ ቃላዉ ዶመ” ያጌ። ሀ ምሽራቹዋ ቃላ ግዶን የሱስ ኦሱዋ አሳነ ማታይ ደእያ አሳ ግዲደ ሺቄዳ። የሱሳ ማታይ አ ትምርትያን፥ ጻላህያ ጭታ ቦላ አዉ ደእያ ዎልቃንነ አሳ ናጋራ አቶ ግያዋን በኤቴዳ። የሱስ፥ “ታን አሳ ናአይ ዬዳዌ፥ አሳ፥ ናጋራ አይለተፐ ላአ ከሳናዉ ታ ደኡዋ አደ እማናሳ” ያጊደ እ ባረ ሁጰዉ ሃሳዬዳ።
ማርቆስ የሱሳ ታርክያ ሱረነ ዎልቃ ኩሜዳ ኦግያን ኦዴዳ። እ ጋናዉ ኮዮ ቆፋይካ የሱሳ ቃላነ ትምርትያ ግደናን እ ኦዳ ማላልስያ ኦሳቱዋ ቦላና። ጻማቅያ ዮሃንሳ ታርክያ፥ የሱሳ ጽንቃታነ ፓጭያ ቃንን ኤርስ ስሚደ፥ የሱሳ ትምርትያነ ፓዋባ አሲደ ኦዴዳ። ዎድያፐ ጉይያን የሱሳ ካልያዋንቱ አ ሎይ ኤር ቤዳዋ ኬና አናና ኤቀትያዋንቱ አ ሎይ እጼድኖ። ዉርሰ ሸምፓቱ የሱሳ ደኡዋን ዉርሰ ሳምንታ ግዶን ፖለቴዳ ኦሳቱዋ፤ ሄዋንቱካ አ ካቀባነ አ ደንዱዋባ ኦድያዋንታ።
ማርቆሳ ምሽራቹዋ ዉርሰን ቅንፍያ ግዶን ደእያ 16:9-20 ፓይዳቱ ጌሻ ቃላ እት እት ብለ ጻላላን ደእያዋንታ።
ሸምፓቱዋ ኡባቶ እመቴዳ ቃን ቆፋቱዋ
ምሽራቹዋ ዶመ 1:1-13
የሱስ ኦሱዋ ጋሊላን ዶሜዳዋ 1:14—9:50
የሱስ የሩሳላመን ኦዋ 10:1-52
የሩሳላመንነ እዝ ዩሹዋን የሱሳ ዉርሰ ሳምንታ 11:1—15:47
ጎዳ የሱሳ ደንዱዋ 16:1-8
ሀይቁዋፐ ደንዴዳ ጎዳ ቆንጨነ ሳሉዋ ቡሳ 16:9-20
Tällä hetkellä valittuna:
ማርቆሳ ምሽራቹዋ ገሉዋ: DFBE
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The Word for the World Ethiopia