Medheteththa Maxaafa 10
10
Nohe Nayta Zereththata
1Nohe nayta, Seeme, Kaamenne Yaafeete yeletay hayssafe kaalli xaafettidayssa; dhayssa haaththaafe guye isttas attuma nayti yelettida.
2Yaafeete attuma nayti Goomere, Maagooge, Maadaye, Yaawaane, Tubaale, Mesheekenne Tiraase, 3Goomere attuma nayti Ashkenaaze, Irafaatenne Togarma. 4Yaawaane attuma nayti Elishe, Tarseese, Kiitimenne Eroode.#10:4 Tarseese geetettizaara ha7i wode Ispeene geetettawus; Kiitime geetettizaara ha7i wode Qophiroose geetettawus; Eroode geetettizaara ha7i wode Eroode geetettiza harurota derekko 5Haytanttafe abba doonan diza asay wuri ba biittan biittan, ba qaalan qaalan, ba qommon qommoninne, ba kawoteththan kawoteththan shaakettides.
6Kaame attuma nayti Kuushe, Gibxe, Puuxenne Kanaane.#10:6 Puuxe geetettizaara ha7i wode Liibiya geetettawus
7Kuushe attuma nayti Seeba, Hawila, Saabite, Eraa7imenne Sabiteka.
Eraa7ime attuma nayti Saabanne Dadaane.
8Kuushey Namuruude yelides; Namuruudey biitta bollan koyro wolqqama olanchcha gidides; 9GODAA sinththankka izi wolqqama shankkanchcha gidides; hessa gishshas, «Namuruude mala GODAA sinththan wolqqama shankkanchcha gida» geetettees. 10Iza kawoteththan koyro katamati Sana7oore biittan diza Baabiloone, Ereeke, Akkaadenne Kalanahe. 11-12Izi he biittaafe Asoore biidi Nannawe, Erahoobotenne Kaalahe katamata ooththides; qasse Nannaweppenne Kaalaheppe giddon diza Ereseene geetettiza gita katamakka ooththides.
13-14Gibxey Luudimeta, Anaameta, Lahaabeta, Naftuheta, Phaxirooseta, Kaasiluhetanne Filisxeemeta yelida Kaftooreta aawa. 15-16Kanaaney ba bayra naaza Sidoona, Keexeta, Yaabuseta, Amooreta, Gergeseta aawa; 17qasseka Hiiweta, Arqeta, Siineta, 18Arwaadeta, Xamaaretanne Hamaateta aawa. Hessafe guye Kanaane zereththati biitta bolla laalettida.
19Kanaane biitta zaway Sidoonappe doommidi Geraarenne Gaazara kanththidi, Sodoomenne Gamoora, Adaamanne Xaboyme kanththi biidi Lasha7ere gakkees. 20Kaame attuma nayti ba qommon qommon, ba qaalan qaalan, ba biittan biittaninne ba kawoteththan kawoteththan xaafettidayti haytantta.
21Seemes nayti yelettida; izi Yaafeetes bayra ishanne Eboore nayta ubbaas mayza. 22Seeme attuma nayti Elaame, Asoore, Arfaakiside, Luudenne Aaraame.
23Aaraame attuma nayti Uuxe, Huule, Geterenne Meeshe.
24Arfaakisidey Sheelahe yelides. Sheelahey Eboore yelides.
25Eboores nam7u attuma nayti yelettida; biittan diza asay iza woden shaakettida gishshas issaa sunththi Peeleege#10:25 Peeleege guussi Ibraaweta qaalara shaaketeth guussa geetettides; iza ishaza sunththi Yoqixaane geetettees.
26Yoqixaaney nayta yelides; isttika Almodaade, Shelefe, Haxarmaawete, Yerahe, 27Hadoraame, Uzaale, Diiqile, 28Oobaale, Abima7eele, Saaba, 29Ofire, Hawilanne Yobaabe; haytanti wurikka Yoqixaane attuma nayta.
30Istti de7ida biittay arshey mokkiza baggara diza zuma Meesheppe biidi Safaare gakkees. 31Seeme attuma nayti ba qommon qommon, ba qaalan qaalan, ba biittan biittaninne ba kawoteththan kawoteththan xaafettidayti haytantta.
32Haytanti ba qommon qommoninne ba kawoteththan kawoteththan xaafettida Nohe attuma nayta zereththata; dhayssa haaththafe simmiin kawoteththati haytanttafe biitta ubbaa bolla laalettida.
Tällä hetkellä valittuna:
Medheteththa Maxaafa 10: GM
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The Word for the World International