Marc 8
8
Multsirea a Doila a Pãnjilor
1Tu atseali dzãli, s-adunã unã multsãmi multu mari sh-nu avea tsi s-mãca, Isusul lã-gri a ucenitsilor sh-lã dzãsi a lor: 2“Nj-easti njilã di atsea multsãmi, cã s-featsirã trei dzãli tsi sta cu mini, sh-nu ari tsi s-mãcã. 3Sh-ma s-lji pitrecu la casã ni mãcãt, va-s armãnã pi cali, niscãntsi di elji au vinit di diparti.”
4Shi ucenitsilji a lui lji-apãndisirã: “Cum va s-li fãntea vãrã cu pãni aeshti aoa tu irnjii?” 5Sh-elu li-ntribã: “Cãti pãnji avets?” Elji dzãsirã: “Shapti.”
6Atumtsea elu lã-deadi ordinã ali multsãmi s-apunã mpadi. Sh-lo shaptili pãnji, hãrãstisi, li-frãmsi shi li-deadi a ucenitsilor a-lui tsi s-li pãrtsea ali multsãmi, sh-elji u pãrtsarã. 7Avea sh-niscãnti peshtsã njitsi. Dupã tsi li-vluyisi, ordinã tsi shi atselji s-li mpartsã la mutsãmea. 8Ashã elji mãcarã shi s-fãntirã, shi adunarã shapti coshuri cu bãcãtsili tsi armasirã. 9Atselji tsi mãcarã eara vãrã patru njiljiã di oaminji, dapoea lã-alãsã.
Prihãbarea di Nvitsãtura a Fariseilor
10Sh-trãoarã intrã tu varcã cu ucenitsilji a lui shi s-dusi tu locurili a-Dalmanutiljei. 11Vinirã Fariselji shi acãtsarã si sburãscã cu nãsu, cãftãnda un semnu dit tser tsi su bãga tu provã. 12Ma elu suschirãnda dzãsi: “Cãtse aeastã gheneratã caftã un semu? Dealihea ma vã dzãc cã aishtei gheneratã nu-va sã si da nitsiunu semn.” 13Shi-li alãsã, intrã napoi tu varcã shi tricu di napãrti.
14Tora ucenitsilji avea agãrshit s-ljea pãni pi nãshi, sh-tu varcã nu-avea tsiva dicãt mashi unã singur pãni. 15Isusul lã-urlã dzãcãnda: “S-avets cãshtiga, afirits-vã di maeaua a Fariseilor shi di maeaua al Irodul!” 16Ma atselji discuta namisa di nãshi, dzãcãnda: “Nu avemu pãni.” 17Isusul bãgã oarã shi lã-dzãsi: “Cãtse discutats cã nu avets pãni? Ninga nu avets achicãsitã sh-nu avets aduchitã? Ninga u-avets inima nchitritã? 18Avets oclji shi nu videts, avets ureclji shi nu-avdzãts? Nu tsinets minti? 19Cãndu pãrtsãi tsintsili pãnji ti tsintsi njiljã, cãti coshuri mplini cu bãcãtsi adunat?” Elji dzãsirã: “Doisprãdzatsi.” 20“Cãndu pãrtsãi shaptili pãnji ti patru njiljã, cãt coshuri mplinã cu pãnji adunatã?” Elji dsãsirã: “Shapti.” 21Sh-elu lã dzãsi a lor: “Ma cum ninga nu achicãsits?”
Vindicarea a Orblui dit Betsaida
22Deapoea agiumsi la Betsaida sh-lã adusirã unã orb shi l-pãrãcãlsirã s-bagã mãna. 23Atumtsea lu lo di mãnã orbulu, lu scoasi afoarã dit hoarã, shi dupã tsi lji-scuchiã tu oclji shi bãgã mãnjili pi nãsu, lu-ntribã macã videa tsiva. 24Shi elu, discljidzãnda ocljilji, dzãsi: “Ma vedu oaminj ca ponji tsi imnã.” 25Shi Isusul lã bãgã mãnjili napoi pristi ochljilji a lui sh-lu featsi s-veadã cãtrã nsus, shi atsilui lji s-turnã videarea sh-videa ghini itsido. 26Sh-Isusul lu-pitricu s-ducã la-casã a lui dzãcãnda: “Nu intrã tu horã sh-nu lji spunã a nitsiunã tu hoarã.”
Mãrturia a Petrului
27Dapoea Isusul s-dusi deadun cu ucenitsilji a lui pri hoarili a Cesareljei al Filip. Shi pi cali lã-ntribã ucenitsilji a lui dzãcãndã: “Cai dzãc oaminjiljii cã escu mini?” 28Elji apãndisirã: “Niscãntsã Ioan Pãtidzãtorlu, altsi Ilia, shi-altsilji un dit prufitslji.” 29Shi elu lã-dzãsi a lor: “Ma voi, cai dzãtsets cã escu?” Sh-Petrul apãndisinda lji-dsãsi: “Tini eshti Hristolu.” 30Atumtsea elu lã ursi s-nu spunea a nitsiunu ti nãs. 31Deapoea Isusul apãrnji s-lã nveatsã a lor cã Hiljilu a-omlui prindi s-pidipseascã di multi lucri, shi va-si s-arniseascã di aushilji, di ma mãrlji a-preftsilor shi di scriblji, cã va si-s vatãmã shi dupã trei dzãli va s-injeadzã. 32Sh-elu lã dzãsi aesti zboari pri fatsã. Sh-Petrul lu lo dinãparti shi apãrnji s-lji vãrgheascã. 33Ma elu s-nturnã, vidzu ucenitsilji a lui shi lji aurlã a Petrul dzãcãnda: “Fudz di la mini, drac, cã tini nu ai mintea ti lucrili al Dumnidzãlu, ma ti lucrili a-oamnjilor.”
Unã Crutsã di Caitsido
34Shi lu acljimã ningã nãsu multsãmea cu ucenitsilji a lui, shi u dzãsi: “Caitsido tsi va s-yinã dupã mini, s-arniseascã bana a lui, shi s-ljea crutsea#8:34 s-ljea crutsea Va s-dzãc s-hii etimu s-ti munduieshti shi s-mori tsi s-ti duts dupã Hristolu. a lui, shi s-mi urmeadzã. 35Cã atselu tsi va s-ascapã bana a lui, va su-cheardã, ma atselu tsi va-su cheardã bana a lui ti itia a mea sh-ti evanghelul, va s-ascapã. 36Tsi buneatsã va s-aibã omlu s-amintã ntreagã lumea ma cã ma napoea va s-cheardã suflitlu a lui? 37Icã tsi poati s-da omlu tu alãxirea al suflitlu a lui? 38Cã a caitsido tsi va-lji yinã rushãni trã mini sh-trã zboarli a meali namisa di aestã gheneratã cãrunã-cãlcatã shi amãrtioasã, trã atsea va lj-yinã rushãni shi a Hiljilu a omlui, cãndu s-agiungã la mãrirea a Tatilui a lui, cu anghilji sãntsã.”
Tällä hetkellä valittuna:
Marc 8: BLRR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
