Matthaisioi Phrinzangpo 1
1
1Abrahami rshraspo, Dawidi rshraspo Yeshu Masihi rgyud thsanpi shoqbu. 2Abrahama Isaak skyes; Isaak-la Yakob skyes; Yakoba Yudas skyes nang khoe phonoun skyes. 3Yudas la Thamar na barla Phares nang Zara skyes; Phares la Esrom skyes; Esrom la Aram skyes. 4Yang Aram la Aminadab skyes; Aminadab la Nason skyes; Nason la Salmon skyes. 5Yang Salmon la Rakhab na barla Booz skyes; Booz la Ruth na barla Obed skyes; yang Obed la Yessa-i skyes. 6Yang Yessa-i-a rgyalpo Dawid skyes; yang rgyalpo Dawid la Urias-pi (ane) na barla Solomon skyes. 7Yang Solomon la Roboam skyes; Roboam la Abia skyes; Abia-a Asa Skyes. 8Asa-a Yosaphat skyes; yang Yosaphat la Yoram skyes Yoram la Ozeyas skyes. 9Ozeyas la Yoatham skyes; yang Yoatham la Akhaz skyes, yang Akhaz la Ezekhyas skyes. 10Yang Ezekhyas la Manasse skyes; yang Manasse a Amon skyes; yang Amon la Yosias skyes. 11Babuloniang yale khyeskhan de dusiangnuk Yosias la Yekhonyas nang khoe phonoun skyes. 12Ni, Babuloniang yalkhan songse Juhna Yekhonyas la Salathiel skyes; yang Salathiel la Zorobabel skyes. 13Yang Zorobabel la Abiud skyes, yang Abiud la Eliakeim skyes; yang Eliakeim la Azor skyes. 14Yang Azor la Sadok skyes; yang Sadok la Akhim skyes; yang Akhim-a Eliud skyes. 15Yang Eliud la Eleazar skyes, yang Eleazar la Matthan skyes; yang Matthan la Yakob skyes. 16Yang Yakob-a Masih zer khan Yeshu skyeskhan Mariami mi-yu Yoseph skyes.
17Ni Abrahamikana tangspao Dawid thsaqpa mithrisun Jung chujbji(song) yang Dawidikana tangspao Babuloniang yale khyerkhyer thsaqpa mithsir chujbji (song) yang Babuloniang yale khyespi dusikana tangspao Masih thsaqpa mithsir chujbji (song).
18Dare Yeshu Masihi skyespi zostao ditsuga inmin: Khuri amao Maryam, Yosepha tricha songsena khong malchiga dukpao basang snanla kho rtsangmaSemsis base skyecha duksedpinsuk. 19Ni, Maryami daqpo Yoseph khadrang inmana kho ngone khrekchukpa maphodpana Maryama sangse shaqma tangnuk sams. 20Ni, dyu-un khos samba basena, ltosang Ashipi skokhan chikchigis khoa nyilam stane zes: Wa Dawidi buthsa Yoseph! Khyeri aneo Maryam khyeri der khyongchaola jiks ma jiks chiazerbana khoa skyecha yodkhanpo Rtsangma Semsi (ngoslana) in. 21Ni, khoa buthsek skyecha in, yang khyeres khoe minga Yeshu zerchain, chiazerbana Khos rangi khangmapaun khonguni nyespauniangna hute chhachuktuk. 22Ni, dyaun jung Ashipaos khyenkhanpoelches mole yodpao malla hlebtuk zere songskhan tamun in; 23"Ltosang: mi masheskhan bomo skyecha khurcha in yang khoa buthsek skyecha in, yang khongis khoe minga Emmanuel zeruk" chizesna skad ldzoqpana: "Ngatang nanyambo yodkhan Ashipa." 24Ni, Yosepha nyid thsadpana Ashipi skokhanpos khoranga skalskhanpos bas, yang khuri aneo rangi khangma-a khyongs. 25Yang Maryama khoe gobu rangi buthsao skyeskye thsaqpa Yosepha kho mashes; yang khos khoe minga Yeshu taḵẖs.
Tällä hetkellä valittuna:
Matthaisioi Phrinzangpo 1: SOMA
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Société Biblique de Genève
