ភុន ឞ៊្លុង 12
12
អ៊ើយឋៃ អ្យវ អាឞ្រាម
1 យេហូវ៉ា ពហ្យាប់ម៍ ហ្ងំ អាឞ្រាម៖ «ឞ៊្រើយ អ៊ិះម៍ ឞ្យៈ មឹង ឡន់-អ្យា អ៊ិះម៍ ឋគ ឞ្យៈ មឹង យ៉ង់ ឍើយ អ៊ិះម៍ ឞ្យៈ មឹង ឃុល-ខាប សាង-ណគ ម៉ា អ៊ិះម៍ ណាវ ពើ ឡន់-អ្យា កវ ទី ពបុះ ឞ៊្រើយ អ៊ិះម៍។#អាន ហេ 11:8។ 2ឆ្រង់ នុន កវ ទី ង៉ៈ ឞ៊្រើយ អ៊ិះម៍ ឆ្រង់ សុន-សាត ប៉្រង់ កវ ទី ផា ឞ៊្រើយ អ៊ិះម៍ គ្លើយ នុក-ណ្វា វ៉ត់ កវ ទី ពគ ឌីគ បគ អ៊ិះម៍ ច្យាំងម៍ រ៉ាំង អ៊ីម៍-ឞ៊្លីម៍ ច្យាំងម៍ រ៉ាំង ហ្មវ គ្លើយ នុក-ណ្វា យ៉្វា មឹង អ៊ិះម៍ មឹន។ 3លើយ ឞ៊្រើយ អ៊ិះម៍ គ្លើយ នុក-ណ្វា កវ ទី ផា ឞ៊្រើយ ព នុន គ្លើយ នុក-ណ្វា មឹន។ លើយ ពម៉ាត អ៊ិះម៍ កវ ទី ហតំ ព នុន មឹន។ ឞ៊ិះ ឃុល-ខាប មឹង ឡន់ ក្នះ ទី ហ្មវ គ្លើយ នុក-ណ្វា យ៉្វា មឹង អ៊ិះម៍»។#12:2-3 ភុន 15:1-21; 17:1-27; 18:10-15; 22:16-18 រ៉ៈ រ៉យ មឹង គ្លើយ អ៊ើយឋៃ ពហ្យាប់ម៍ អ្វាន់ ហ្ងំ អាឞ្រាម មឹន។ អាន កា 3:8 មឹន។
4នុន អាឞ្រាម ឞ្យៈ ណាវ ហ្លា ទី យេហូវ៉ា ពឌើយ ឋាប់ ឡត ណាវ ហ្ងំ ញូ មឹន។ ប៉ះ អាឞ្រាម ឞ្យៈ មឹង ព្លើយ ខារ៉ាន ញូ ហ្មវ អាយុ 75 ធុន ឞស។ 5អាឞ្រាម អ្ញាគ ឞា សារ៉ាយ ឞ្នៃ ញូ ឋាប់ ឡត ម៉ន ញូ វ៉ត់ ឞ៊ិះ ឋ្ងាំ-ឝ្ន៉ាំ ឝញូ ហ្មវ ឋាប់ មនូស ឝញូ ឞ៊្លើយ មឹង ព្លើយ ខារ៉ាន ណាវ ហ្ងំ ឝញូ មឹន។ មត ឝញូ ឞាត ណាវ ពើ ឡន់-អ្យា កាណាន។ 6ទើល ឝញូ ទ្រុះ ពើ កាណាន ឞស នុន អាឞ្រាម ឞាត មឹង ឡន់-អ្យា នុន ណាវ ពើ ហា បន ហ្មវ ភុន ក្យវ ឍុត#12:6 ភុន ក្យវ ឍុត នែ ហេឞ៊្រើ ឡៃគ «ភុន ក្យវ អេឡូន»។ មត សុន-សាត កាណាន យ៉ាប ក្យវ អេឡូន នុន ម៉្យាង ហ្លា ទី ឆ្រៃ ឆ្វាត់ យ៉ាប ក្យវ ឞនូគ ហ្មវ យ៉ាង។ អា អ្យវ ម៉ូរេ (“ម៉ូរេ” នុន ច្យាំងម៍ ឡៃគ “ឝ្រូ”) ក្យវ នុន ឋគ មឹង ព្លើយ ស៊ីឝែម។ (ប៉ះ អ៊្នុន សុន-សាត កាណាន ឋគ តាំ ឡន់-អ្យា នុន។) 7ឆ្រង់ នុន យេហូវ៉ា ពបុះ ឞ៊្រើយ អាឞ្រាម បុះ ញូ នុន យេហូវ៉ា ឡៃគ៖ «កវ ទី ឞ៊្រើយ ឡន់-អ្យា នែ ពើ អ្យ្វយ អ៊ិះម៍»។#អាន កា 3:16។ និងហ៍ នុន យ៉ឹះ អាឞ្រាម មឹង ង៉ៈ ប៉្រា ង៉ៈ យ៉ាង យេហូវ៉ា ពើ បន នុន យ៉្វា យេហូវ៉ា ពបុះ ឞ៊្រើយ ញូ បុះ។ 8ឆ្រង់ នុន ញូ ឞ្យៈ ដ្វិ មឹង អ៊្នុន ណាវ ពើ បន ហ្មវ កគ់ ជិ ពីង ឝ៉ះ ង៉គ់ ព្លើយ បេតអ៊ែល។ ទើល ពើ អ៊្នុន ឝញូ ឞឋង់ សាង ស៊ែង តង់ ប៉្លះ-វ៉ះ ព្លើយ បេតអ៊ែល មឹង ព្លើយ អៃម៍។ ព្លើយ បេតអ៊ែល ឋគ ពីង ឝ៉ះ យគ ព្លើយ អៃម៍ ឋគ ពីង ឝ៉ះ ង៉គ់។ នុន អាឞ្រាម ង៉ៈ ប៉្រា ង៉ៈ យ៉ាង យេហូវ៉ា ពើ បន នុន ឆ្រង់ នុន ញូ អ្យវ ឌីគ បគ យេហូវ៉ា។ 9ឆ្រង់ នុន អាឞ្រាម ឞាត មឹង ហា បន ណាវ ពើ ហា បន ខាគ ទើល ទ្រុះ ពើ បន ណេកិប។
អាឞ្រាម ឋ្វា ញូ សារ៉ាយ ណាវ ឋគ ពើ អេឈិប
10ប៉ះ អ៊្នុន ហ្មវ គ្លើយ អ៊ីគម៍ លប៉ា មឹង ឡន់-អ្យា កាណាន នុន អាឞ្រាម ទ្រុន ណាវ ឋគ ឋាំង ពើ ចាល អេឈិប យ៉្វា គ្លើយ អ៊ីគម៍ លប៉ា មឹង ឡន់-អ្យា នុន ប៉្រង់ ឆាត។ 11ប៉ះ ញូ ទី មុត ណាវ ពើ ចាល អេឈិប នុន ញូ ពហ្យាប់ម៍ ហ្ងំ ឞ្នៃ ញូ សារ៉ាយ៖ «កវ ថវ ក្ងាន់ អ៊ិះម៍ ហ្រាល់។ 12ទើល មត សុន-សាត អេឈិប បុះ អ៊ិះម៍ នុន ឝញូ ទី ឡៃគ អ៊ិះម៍ ឞ្នៃ កវ។ នុន ឝញូ ទី ពអ្យៃ លយ កវ ប៉្លៃ អ៊ិះម៍ ឋង់ ឝញូ ទី ច្រោះ ឋគ ឍិប។ 13និងហ៍ នុន យ៉ឹះ ឞ៊្រើយ អ៊ិះម៍ រ៉ៈ ឞ៊្រើយ ឝញូ ហម៍ ឡៃគ អ៊ិះម៍ អាឍើយ កវ ច្យាំងម៍ ឝញូ ង៉ៈ ហ្យាមម៍ ហ្ងំ កវ យ៉្វា មឹង អ៊ិះម៍ នុន ឝញូ ទី ច្រោះ គ្លើយ ហឍិប កវ រ៉ៃ មឹង អ៊ិះម៍ មឹន»។#អាន ភុន 20:2; 26:7។ 14ទើល អាឞ្រាម មុត ណាវ តាំ ចាល អេឈិប នុន មត សុន-សាត អេឈិប បុះ ឞ្នៃ ញូ ហ្រាល់ ឆាត។ 15ទើល មត ខ្វា ង៉ៈ ឞ្វៈម៍ តគ់ ទុយ ផារ៉ន បុះ សារ៉ាយ ឝញូ ពអ៊ីម៍ ពើ ផារ៉ន ឆ្រង់ នុន រ៉ាំង ទគ ញូ ឞា ណាវ ច្រោះ ពើ សាង ផារ៉ន។ 16ប៉្លៃ អាឞ្រាម ឋង់ ពតាវ ង៉ៈ ហ្យាមម៍ ហ្ងំ ញូ យ៉្វា មឹង សារ៉ាយ នុន យ៉ឹះ អាឞ្រាម មឹង ហ្មវ ភូង ទ្រីវ ភូង ឞ៊ែ ភូង ម៉ហ៍ លៀ ក្ន ហ៊្លុន ដះគើយ ហ៊្លុន ដះមើយ លៀ ញ៉ាហ៍ ឋាប់ អូត ហ៊ែម៍ មឹន។
17នុន យេហូវ៉ា ង៉ៈ ឞ៊្រើយ ផារ៉ន ឋាប់ ឞ៊ិះ មនូស ឋគ តាំ សាង ញូ វ៉ៈហ៍-ណ្វៈហ៍ ក្នាប-តាប កតាង-កទិត យ៉្វា មឹង សារ៉ាយ ឞ្នៃ អាឞ្រាម។ 18នុន ផារ៉ន អ្យវ រ៉ៃ អាឞ្រាម ញូ ឡៃគ៖ «យ៉ិត អ៊ិះម៍ ង៉ៈ ហ្លា នែ ហ្ងំ កវ? យ៉្វា យ៉ិត អ៊ិះម៍ ឞ៊ិ ឡៃគ ឞ៊្រើយ កវ ញូ នែ ឞ្នៃ អ៊ិះម៍? 19យ៉ិត អ៊ិះម៍ ឡៃគ ញូ អាឍើយ អ៊ិះម៍ ច្យាំងម៍ កវ ទគ ញូ ង៉ៈ ឞ្នៃ ហ្លា នែ ឡិ? ហិម៍ ឞ្នៃ អ៊ិះម៍ នែ ទគ ញូ ឞា ដ្វិ វ៉គ់!» 20ឆ្រង់ នុន ផារ៉ន ពតៈ មត ង៉ៈ ឞ្វៈម៍ ញូ ច្យាំងម៍ ឝញូ ពឌើយ អាឞ្រាម ឋ្វា គើយ ឞ្នៃ ញូ ឞ្យៈ ដ្វិ វ៉ត់ ឞ៊ិះ-ទិះ ណគ យ៉ិតៗ ញូ ហ្មវ ហ៊ែម៍ មឹន។
Tällä hetkellä valittuna:
ភុន ឞ៊្លុង 12: JKB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2023, Wycliffe Bible Translators, Inc.