मत्ती 19

तलाको प्रश्न

(मरकुस 10.1-12)

1जहा येशु ऐ गोठी कोत देही ते गलील भाग मेहे जातु रोयु अने यरदोन खाड़ीई ती वूगे यहूदिया देसामेहे आयु. 2तेहलाम वोडी गोर्दी तिया फासाडी आवीत ओती, अने तिये तीइही तियाहा हाजो कोल्यु. 3तेहलाम परुसी तियाआ परीक्षा पालीला कोअता जागे आवीत कोइत्लु लागाडीत, कोडनीबि कारणोपोरोत आपाआ लाडीही छेळने हाजो होय? 4तिये उत्तर आप्लु, नाहाकोत तुमु नाहा वाचले का जिये तियाहा बोनाडल्ये, तिये सुखातीहीज नर अने लाडी बोणाडीत कोयु, 5तिया होआता मांहु आपाआ याह्ही बाहाची अलग ओतगोयु आपाआ लाडीआरी रोही अने ते बेन एक डील होय? 6यामुळे ते ओमे बेन नाहा, ताहा एक डील होय कोईत ज्याहा देवूही जोडीत होय, तियाहा मांहु अलग नाहा कोईओलो. 7तिये तियाहा कोयु, फासाडी मोशेई ओ काहा ठेरवीही का सूटपत्र आपित तीही सोडीत आप? 8तिये तियाहा कोयु, मोशेई तुमाआ मोनोमेहे कोठोर पणावाही तुमामे आपाआ-आपाआ लाडीही सोडीत द्यायची आज्ञा आप्लु, पण सुरवातीती एहलो नाहा उवनारा. 9अने आय तुमामे कोत्लू, का जो कोडु व्यभिचार कोईत अने जारकर्माच्या कोईलाकोता आपाआ लाडीही सोडीत दिहरि आरी वेहवाल कोअनारू, तो व्यभिचार कोअत्लू; अने जो तियाअ टाकल्या बुई आरी वेहवाल कोअनारू, तो पण व्यभिचार कोत्लू. 10शिष्यांनी तियाहा कोयु, जर अमे एहलो संबंध होय, ताहा वेहवाल न कोयु हाजो. 11तिये तियाहा कोयु, आखे ओ वचन स्वीकारीत शकत नाहा, फक्त जे ज्याहा ओ दान आप्या गोये होय. 12काहाके किबी नपुसक होय, ते याह्ही उदरी एहलो जनम्यो; अने किबी नपुसक एहलो होय, जाअलो मांहुहू नपुसक बोनाडल्ये; अने किबी नपुसक एहलो होय, जीयाहा होर्गा राज्याकोअता आपाआ खुदला नपुसक बोनाडहि ओयतो तियाहा ग्रहण कोहू शकतो, तिये ग्रहण कोईओलो.

सोआहा आशीर्वाद

(मरकुस 10.13-16; लूका 18.15-17)

13तेहलाम माहु पोऱ्याहा जागे लाविलो का तो तियापो मेकीत प्रार्थना कोईली, पण शिष्यांनी तियाहा धमकाव्यो. 14येशु कोयु, पोऱ्याहा माआ जागे आवहू देवा, अने तियाहा नाहाकोत कोहू नाहा काहाके स्वर्गाचे राज्य तिया सारखा होय. 15अने तो तियाआ उपो आथे मेकीत तीहीरोत निहित गोयू.

धनी जवानो महत्वाआ प्रश्न

(मरकुस 10.17-31; लूका 18.18-30)

16एक मांहु येशु जागे आवयू अने तिये कोयु, ओ गुरुजी, आय कोठले हाजो काम कोहू का सार्वाकलिक जीवोन मिलुजोवे? 17तो तियाहा कोयु, तू माहु हाजा विषयी काहा विचारतोस? हाजू एहलो एकाच होय, पण तेबित जीवनामे प्रवेश कोहू इच्छितोस, ताहा आज्ञा पालाहा. 18तो तियाहा कोयु, कोडली आज्ञा? येशु कोयु, ओ का खून नाहा कोअहू, व्यभिचार नाहा कोहू, चोरी नाहा कोहू, झुटी साक्ष नाहा आपुहू, 19आपाआ बाह्हू अने आपाआ याह्ही चा सन्मान को, अने आपाआ आरी कोरयापो प्रेम को. 20तो जुवान तियाहा कोयु, ओ आखे ताहा आय पोड्ये होय; ओमे मामेह कोडला गोठीई धाकनाय होय? 21येशु तियाहा कोयु, जर तू पुरो ओवुहू इच्छितो ताहा जा, आपाआ माल वेचितो गोरब्योहो आप, अने ताहु होर्गाम धन जोडीत; अने चाला माआ फासाडी आव. 22पोन तो जुवान ए गोठी होमलित नाराज ओतगोयु निहित गोल्यो, काहाके तो जाखो श्रीमंत ओतु. 23फासाडी येशु आपाआ शिष्यांआ कोयु, आय तुमामे खोरो कोत्लू का पोस्यावालो होर्ग्याआ राज्याम प्रवेश कोअला कठीण होय. 24तुमामे फासी कोत्लू का परमेश्वरोओ राज्याम धनवानाआ प्रवेश कोईत घेणे यापोरोत उटडाहा हुयीइ नास्कामेरोत जाअलो सोपो होय. 25ओ होमलित शिष्य जाअखो थक्क होतगोयो कोयु, फासाडी कोडाआ तारण उविलो शक्य होय? 26येशु त्याआरोत पालीत कोयु, महांआ त्यापोरोत ताहा ओ नाहा ओवुहू शकत, पण देवोहो ताहा आखे किबी ओवुहू सेकोहो. 27यापोरोत पेत्र तियाहा कोयु, पाला, आमाहा ताहा आखोज सोडीत ताआ फासाडी आवयू होय ताहा आमाहा नाहाकोत जुळणार? 28येशु तियाहा कोयु, आय ताहु खर कोत्लू का नवूजीवन आय जांहा माअहा पोऱ्या आपाआ गौरवाच्या राजासनापो बोहोनारो, ताहा तुमु पण माआ फासाडी चालते आविलो, बारा सिहासनापो बोहित इस्राएलोओ बारा वशांआ न्यायनिवाडा कोअनारू. 29अने ज्या कोडु कोअ, पाही, बोईही, बाह्हू, याह्ही, लेकर-बाळ खेतोमे माआ नावाकोअता सोडीत आप्लु होय, तियाहा होव पट मिलून, अने ते सार्वकालिक जिवनाआ अधिकार जोडीत 30पोन जे पहीले होय, शेवटयो उवे; अने जे शेवटयो होय, ते पहीले उवे.

Tällä hetkellä valittuna:

मत्ती 19: NOINT

Korostus

Jaa

Kopioi