Matayo 3
3
UYohana uMudzabisi iiwuyapa ingʼaasi ya Yesu
(Maluko 1:1-8; Luka 3:1-18; Yohana 1:19-28)
1Imyaka gyoloofu pambele, iihumilaga umuunu yumwinga, ye aatambulwaga Yohana uMudzabisi. Uyo aadalikaga ku lungʼalangʼala lwa mu Yudeya aatigilaga, 2“Mupelage indzanangifu dzeenyo, pakuva uwutwa wa kukyanya#3:2 Uwutwa wa kukyanya Kwe kutigila, uwutemi wa Nguluvi. Gyali mivedzehedze gya Vayahudi ulwa kitatambula ilitaawa lya Nguluvi, wiimila wa luginiyo lwe vaali nalo ukwakwe. Lole Uwutwa wa Nguluvi ku Figanulo. wúhegeliye.” 3UYohana ye mwene ye aalongwaga wugendela wa muvidzi Isaya ukutigila,
“Ingʼemeelo ukuhuma ku lungʼalangʼala yiitigila,
‘Mumuwuyapilage ingʼaasi uMutwa,
nu kugolosa umwa kugendela umwene.’ ”#Isaya 40:3
4Imyenda gya Yohana#3:4 Imyenda gya Yohana Imyenda igi gyali ngita giigila gye aafwalaga umuvidzi uEliya, 2 Vatwa 1:8. gyativiilwe nu lwage lwa ngamila,#3:4 Ngamila Iyi ye ndiimwa iyiikwamilwa wiimila wa kunyamula avaanu ni fitegulo. iipinyaga umukandalo gwa ngwembe mu kigudi. Ikyakuliya kyakwe kyali amadeede nu luuki lwa mudaasi. 5Avaanu ukuhuma ku wudzenge wa Yelusalemu, na mu mugoola gonda gwa Yudeya ni mbali dzonda idza mukoga Yolodani, vaahelelaga ukwakwe. 6Vaanakaga nu kupela indzanangifu dzaawo, neke vadzabikwage nu Yohana mu mukoga Yolodani.
7Neke kangi uYohana pe aaweene aVafwalisayo#3:7 AVafwalisayo Lole ku Figanulo. na Vasadukayo#3:7 Vasadukayo Lole AVasadukayo ku Figanulo. voloofu vakumuhelelela, ukuta avadzabike, akuvalongelaga iitigilaga, “Nye va kivegalo kya ndzokaanye! Ye ani ye ávapaviye ukutigila munyile iligooga lya Nguluvi iliikwadza? 8Muvelekage ifiveleko mu migendele gyenyo ukuwoneesa ukutigila, múpelile indzanangifu dzeenyo. 9Mutanage ukuhoodza ukutigila, ‘Túpokiilwe, pakuva tuli va kipelela kya Abulahamu.’#3:9 Kipelela kya Abulahamu AVayahudi vaafuuwaga ukutigila, uNguluvi asilavahiga. Viiwonaga ukutigila vahaagulwa va Nguluvi, wiimila wa lufingo lwakwe na vakuhwawo, Wutalilo 17:7. Ndikuvalongela ndiitigila, uNguluvi asiilemwa ukuhambusa amaganga aga gavedze vaana va Abulahamu! 10Lino uluhigo lwa Nguluvi lúfikile, ngita umuunu ye ányamuwe iveega, íigelaniidze ukudumula amadela ga mubiki. Kangi umubiki ugusiiveleka ifiveleko ifinofu, gwidumulwa nu kutoodzwa mu mooto.
11“Uneene ndikuvadzabikila ululenga ukuwoneesa ukutigila, múpelile indzanangifu dzeenyo. Neke kangi kumbele ukwangu iikwadza umunya ngufu ukulutila uneene, ye sindivagiye nambe kuwopola ingʼova dza ndaatu dzaakwe.#3:11 Kuwopola ingʼova dza ndaatu dzaakwe Mu mivedzehedze gya Vayahudi, umugendzi pe iikwingila mugati mu nyumba, umusutu amuwopolaga indaatu nu kumukalafya amagulu. Amalimo ago gaali ga musutu va paanyi hiilo. Uyo ye mwene ye akuvadzabikila mwa Mubepo uMwimike#3:11 Akuvadzabikila mwa Mubepo uMwimike Lole Ukudzabikwa mwa Mubepo uMwimike ku Figanulo. nu mooto.#3:11 Uyo ye mwene ye akuvadzabikila mwa Mubepo uMwimike nu mooto Kuli figanulo fivili. Ikya kutala kiitigila, uYesu ahadza iidzabika nu Mubepo uMwimike, uwuvidzi uwaakwiliye ikigono ikya Pendekositi, Malimo ga Vatume 2. Ikya kavili kiitigila, uYesu ahadza akuvavaladza avaanu va mwe naanyi wugendela wa kuvatipula avahosi mu mooto, Matayo 3:10, 12. 12Umwene iivedza ngita muunu ye ákoleeliye ikyelelulilo mu mawoko gaakwe, íigelaniidze ukwelelula ingana. Iilundasa ingana yaakwe nu kuviika mu kisandzi, neke umwengelu iisopa mu mooto ugusiidzima.”
Ukudzabikwa kwa Yesu Kilisiti
(Maluko 1:9-11; Luka 3:21-22)
13Umusika ugo, uYesu aahumile ku Galilaya, iifikaga ku mukoga Yolodani, ukuta adzabikwe nu Yohana. 14Neke kangi uYohana amukaanilage amulongelage uYesu atigilage, “Uneene ndiivagila ukudzabikwa naave. Kye kiki wiikwadza ukwangu?” 15UYesu iipilusaga iitigilaga, “Ulime ulu lino, pakuva twivagila ukukwilidza imikeelelele gyonda igya Nguluvi.” Neke uYohana iidikage, amudzabikage.
16UYesu aaviye ádzabiikwe, iidzabukaga ukuhuma mu lulenga. Umusika guugo, kukyanya kwidindukaga, akumuwonaga uMubepo va Nguluvi iikwika ngita ngundya, akwikalaga pakyanya apaakwe. 17Ilidzwi lyapuliise ukuhuma kukyanya liitigila, “Uyu ye Muswamu-vangu umwende ye ndíkeeliidzwe nave mbandu.”
Tällä hetkellä valittuna:
Matayo 3: BEZ
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2022 Wycliffe Bible Translators, Inc. All rights reserved.
