मत्ती 20

दाख दे बागे दी मजदूरें दी मसाल

1सोर्ग दा राज कुसे जीमीदार आला लेखा ऐ, जेड़ा बड्डलै निकलया के अपने अंगुरें दे बाग दी खेती बेच मजदूरें गी कम ला। 2ओसने मजदूरें गी एक दीनार#20:2 एक देन दी कमाई रोज दी धियाड़ी उपर पक्का करियै उनेंगी अपने दाख दे बाग दी खेती च कम करने आसतै पेजया। 3पी ओ धयाडा चढ़े दे नौ बजे निकलियै बाकी लोकें गी बजार च बेकार खड़ोते दे दिखया, 4ते उंदे कन्ने आखया, तोस बी दाख दे बागे दी खेती च कम करने गी जाओ, ते जे केश मनासव ऐ आऊँ तुसेंगी देगा। ओस बेलै ओ बी गै। 5पी ओसने दुए ते त्रिये पैर दे कोल निकलियै उय्यां गै कित्ता। 6एक केंटा देन दे रेदे ओसने पी निकलियै दुए गी बेकार खड़ोते दे दिखया, ते उनेंगी आखया, तोस कि इत्त्थैं पूरा देन बेकार खड़ोते दे रेह? उनै उसी गलाया एस आसतै के असेंगी कुस्सै मजदूरी उपर नेई लाया। 7ओसने उनेंगी आखया, तोस बी दाख दे बागे दी खेती च कम करने आसतै जाओ।

8“संझे बेलै दाख दे बाग दी खेती दे मालक ने अपनी खेती दे पणडार दी राखी करने आले गी आखया, मजदूरें गी बलाईयै पिछलें थमां लेईयै पैलैं तकर उनेंगी उंदी मजदूरी देई दे। 9जेलै ओ आए जेड़े केंटा पर देन रेदे लाए दे हे, तां उनेंगी एक-एक दीनार#20:9 एक देन दी कमाई थोया। 10जेड़े पैलैं आए दे हे उनै ए समझया के असेंगी जादै थ्होग, लेकन उनै गी बी एक-एक दीनार गै थोया। 11जेसलै उनेंगी मजदूरी थोई तां ओ कर मालक उपर रुयें ओईयै आखना लगे, 12इनें पिछलें एक केंटा गै कम कित्ता, ते तो इनेंगी साड़े बराबर करी दित्ता, जिनैं पूरी धयाडी पर दा भार चुकया ते धोप चली? 13ओसने उंदेचा एक गी जबाब दित्ता, ए मित्तर, आऊँ तेरे कन्ने केश बेन्यायी नेई करदा। के तो मेरे कन्ने एक दीनार गै पक्का नेई कित्ता दा हा? 14जेड़ा तेरा ऐ, उसी लेई लै ते चली जा; मेरी मर्जी ऐ के जिनां तुगी इनां गै इसी पिछले गी बी दियां। 15के ए ठीक नेईयैं के आऊँ अपने माल कन्ने जे चां उवै करां? के तुं आऊँ पला मानु ओनें दे कारन बुरी नजर कन्ने दिखना ऐं? 16एस तरीके जेड़े पिछले न, ओ पैले ओगन; ते जेड़े पैले न, ओ पिछले ओगन।”

मौत ते जिन्दा ओनें दे बारै च दवारी पविखवाणी

17यीशु यरूशलेम गी ज्न्दे मौके अपने बारां चेलें गी सुन्नी जगै च लेई गीया, ते रस्सतै च उंदे कन्ने आखन लगया, 18“दिखो, अस यरूशलेम गी जा करनयां; ते मनुक्ख दा पुत्तर प्रधान याजकें ते शास्त्रियें दे अथ्थ च पडकाया जाग, ते ओ उसी मारी देने दे काबल समझगन। 19ते उसी गैर जातीयें दे अथ्थ सोंपगन के ओ उसी मजाकें च ढूआगन, ते डंडे मारगन, ते सूली उपर चाढगन, ते ओ त्रिये देन जिंदा करी दिता जाग।”

एक माऊ दी अपने बच्चें लेई अर्ज

20जेसलै जब्दी दे पुत्रें दी मां ने अपने पुत्रें दे कन्ने ओदे कोल आईयै प्रणाम कित्ता, ते ओस थमां केश मंगना लगी। 21ओसने उसी आखया, “तू के चानीं ऐं?” ओ ओस कन्ने बोली, “ए गल्लां, के मेरे ए दाऊँ पुत्तर तेरे राज च एक तेरे सज्जे ते दुवा तेरे खबे पासे बौन।” 22यीशु ने जबाब दिता, “तोस नेई जांनदे कि तोस के मंगा करदे ओ। जेड़ा दोख दा कटोरा आऊँ पीनें आला ऐं, के उसी तोस पी सकदे ओ? उनै ओस कन्ने आखया, पी सकनयां न।” 23यीशु ने उंदे कन्ने आखया, “तोस मेरे दोख दा कटोरा ते पीगे, पर अपने सज्जे ते खबे पासे बठानां मेरा कम नेईयैं, पर जिंदे आसतै मेरे पिता त्र्फुं त्यार कित्ता गेदा, उंदे आसतै गै।”

24ए सुनीयै दसै चेलें उनै दौनीं प्राऊ उपर रुऐं ओए। 25यीशु ने उनेंगी कोल बलाईयै आखया, “तोस जांनदे ओ के गैर जातीयें दे राजे उंदे उपर राज करदे न; ते जेड़े बड्डे न, ओ उंदे उपर अहक जतांदे न। 26लेकन थुआड़े च ऐसा नेई ओग; लेकन जेड़ा कोई थुआड़े च बड़ा बननां चा, ओ थुआड़ा दास बनें; 27ते जेड़ा थुआड़े बिचा प्रधान बननां चा, ओ थुआड़ा नौकर बनें; 28जियां के मनुक्ख दा पुत्तर; ओ एस आसतै नेई आया के ओ अपनी सेवा करा, लेकन एस आसतै आया के अप्पुं सेवा करै, ते मतें सारें गी परमेसर दी सजा कोलां बचाने आसतै अपने प्राण दे।”

दों अन्नें दी मसाल

29जेसलै ओ यरीहो दे लाके पिछें निकलादे हे, तां एक बड़ी पीड ओदे पिछें ओई गई। 30ते दो अन्नें, जेड़े सेड़क दे कंडै बैठे दे हे, ए सुनीयै के यीशु जा करदा ऐ, जोरें-जोरें करलाईयै आखना लगे, “ए प्रभु, दाऊद दी औलाद, साड़े उपर दया कर।” 31लोकें उनेंगी डांटया के चोप्प पन रो; पर ओ ओर बी करलाईयै बोले, “ए प्रभु दाऊद दी औलाद साड़े उपर दया कर।” 32ओस बेलै यीशु ने खड़ोईयै, उनेंगी बलाया ते आखया, “तोस के चांदे ओ के आऊँ थुआड़े बासतै करां?” 33उनै अन्नें यीशु कन्ने आखया, “ए प्रभु, ए के साड़ीयां अक्खियां खुली जांन।” 34यीशु ने उन्दे उपर तरस खाईयै उंदीयां अख्खीं छुतीयां, ते ओ फोरन दिखना लगी पे; ते ओदे पिछें चली पे।

Tällä hetkellä valittuna:

मत्ती 20: DOG

Korostus

Jaa

Kopioi