St. Luka 7

1Lone na yen aci táb uèl-ke eben e ke yid, yen aci lo Kapharnaum.

2Ko aloang e nom e rēm tok aci bec a duer tóu; ko yen aci wnyar etong kene. 3Ko na yen aci ping Yesus, aci tōc etong yen rōr e did e Yudaei ko aci yen lim bi ben, ko bi dèm aloang-de. 4Ko na kak aci ben etong Yesus, kêk aci yen lim arêd ko aci lek yen; Yen a joc bi yin kan loy etong yen; 5ké yen a wnyar kuât-da, ko aci yik ghun e nyic etong ghôg.

6Lone Yesus aci lo ke kēk. Ko na yen akeyʼ mec ke bay, nom e rēm aci tōc etong yen mêd-ke ko aci luel: Beyn-did, dûne dak; ké ghen acie joc bi yin ben ghun-dia dôl-lyel. 7Ko yekan ghên akeyʼ rot ngàt a joc ba ben etong yin, lone luel uet tok ko uèn-dia abi gher. 8Ké ghên ya e ran ci tau e ryel-ic, ko ghên a nong rōr e rēm gha-lyel, ko na a lek kan: lor, ko yen a lo, ko etong dé: bar, ko yen a bo, ko etong aloang-dia: loy kan, ko yen a loy. 9Lone na Yesus aci kan ping, yen aci dyèr ko aci rot uel etong dut e koyc ci yen buót, ko aci luel; Itet ghên a lek uêk, ghên akeyʼ yok etong Israel gam acit kan. 10Ko ka ci tōc aci dûk ghut, ko aci yok aloang beyc ci gher.

11Ko alé yen aci lo pan-tok a côl Nain, ko aci lo ke yen koyc-ke ko dut e koyc adid. 12Lone na yen aci wtyok pan-wtok, yenkin, tok ci tóu kèt akenbay, yen man tetok e mán, ko kan abâr; ko dut e koyc cuec e pan ke yen. 13Na beyn-did aci yen ting, aci puóu-de dyau ke yen, ko aci lek yen: Dûne dyau. 14Ko aci wtyok ko aci kèt tâp; lone koyc ci yen kèt aci kàc; ko aci luel: Uène, ghên a lek yin: Jo rot! 15Ko aci nyuc yen ci tóu, ko aci gol jam, ko Yesus aci yen yek etong man. 16Lone ryoc aci kâp koyc eben, ko kêk aci Dén-did lēc, ko aci luel: Ran e ting adid aci rot jot e gho-callic, ko Dén-did aci lôp kuàt-ke.

17Ko uet-de etong yen aci tyay pan Yudaea eben, ko pan eben ci yuil.

18Ko koyc Yoannes aci yen lek kak eben. 19Ko yen aci côl e rou etong koyc-ke ko aci kêk tōc etong Yesus, ko aci luel: Yin kan édi bi ben kó tyet-ku dé? 20Lone na koyc aci ben etong yen kêk aci luel: Yoannes ran a lak aci ghôg tōc etong yin ko a luel: Yin kan édi bi ben kó tyet-ku dé? 21(Lone ghoné yen aci dèm koyc cuec etong juay ko etong duy ko etong uêy rac, ko aci nyin dùk koyc ci cōr acuec).

22Ko yen aci bêr ko lek kêk: Lak ko bêrke Yoannes ka ci uêk ping ko ting; koyc cōr a ting, ngol a jat, auanya acî gher, ming a ping, koyc ci ngong a nyec uet e pyat. 23Ko myed e puou ke cíe mar etong ghên.

24Na koyc ci Yoannes tōc aci lo, Yen aci gol bi lek dut e koyc etong Yoannes: Ye-ngu uêk aci lo akenbay bák ting yuic? aruor ci mèt e yom? 25Lone ye-ngu uêk lo akenbay bák ting? Ye ran ci rûk buong laníp? Yenkin, ka ruk buong dikedik ko amyed puón-den a rer bay e bayn-did. 26Ko ye-ngu uêk lo beyc bak ting? Ye ran e ting? Yene, ghên a lek uêk, yen ʼuer e ran e ting. 27Kan ye cî gor etong yen: Yenkin, ghên a tōc ajyen-dia e nyin tuèng ye abi juir kuèr-du yi nyin tuèng. 28Ké ghên a lek uêk: auer did e ran e ting Yoannes acin tok etong koyc cî dyèt etong dyar; lone ke ʼuer puol-ic pan e Dén-did yen auer did e kene. 29Ko kuàt eben ci yen ping ko koyc Publikani ci lak e ye lak e Yoannis aci Dén-did lēc. 30Lone Pharisaei ko koyc e gor akeyc lak etong Yoannes ko aci gak e Dén-did jay e ke rot. 31Lone Beyn-did aci luel: Etong nga ghên a luel awton koyc e kuâte? Ko kêk acit nga? 32Kêk awton uêt a rer aburró-ic, ko a jam ke rot ko a luel: Ghóg aci lôj aruor etong uêk ko uêk a keyc wdir; ghóg aci cyú ko uêk akeyc dyau. 33Ké Yoannes ben, ko akeyʼ monó cam ko akeyʼ abyec dèk, ko uêk a luel: Yen a nong jak. 34Ko aci ben man e ran ko yen a cam ko a dèk, ko uêk a luel: Yenkin, ran a kok ko a dek abyèc, ko mad e koyc Publikani ko koyc jol. 35Lone ngeyn aci luel yic etong uét-ke eben. 36Ko tok etong Pharisaei aci yen lim bi cam ke yen, ko aci lo ghun e Pharisaeus ko aci nyuc. 37Ko yenkin, tik jol etong pan, na yen aci nyic ven aci nyuc ghun e Pharisaeus, aci uèu e kûr bei a côl alabaster a to tin mok nîr. 38Ko yen aci kâc cyèng ye cok-lôm, ko aci gol bi yen lak cok e piu nyin ko aci uêc e nîm-ke, ko aci cim cok-ke ko aci kêk toc e mok nîr. 39Lone na ran Pharisaeus ci yen côl aci kan ting aci luel e ye rot: Na kan ran e ting, ye abi nyic itet, ye-nga ko yekenó tiné e yen tap, ké yen e jol. 40Ko Yesus aci bêr ko aci lek Simon: Simon, ghên a nong kede ba lek yin. Ko yen aci luel: Beyn, luel. 41Koyc rou a noug kèng etong ran e ghóc tok; tok a nong kèng denar wdyec ko dé denar wtyer-wdyec, 42ko na kêk aci liu kede bik ghôc, yen aci yek kêk e rou. Ko yekan ye-ngu a wnyar yen auer? 43Simon aci bêr ko aci luel: Ghên a ngat, kan ye ci yek auer. Ko kene aci lek yen: Yin aci lûk itet. 44Ko yen aci rot uel etong tik, ko aci lek Simon: Yin a ting tiné? Ghên aci ben ghun-du, ko yin a keyʼ yek gha cok piu. Lone tiné aci tyop gha cok e piu nyin ko aci kêk uêc e nîm-ke. 45Yin a keyʼ ghên cim; lone kan tuèng na aci ben ten akeyc puol bi cim gha cok. 46Yin akeyʼ toc gha nom mok; lone kan aci toc gha cok mok nîr. 47Ko yekan ghen a lek yin: aci pyal yen karác cuec, ké yen aci wnyar cuec; lone ke bi pyal yen auer lik yen a wnyar auer lik. 48Ko aci lek tik: Aci pyal karác-ku eben. 49Ko aci gol ka ci nyuc etok bi luel ke rot: Ye-nga kan a pyol ayá karác? 50Lone yen aci lek tit: Gam-du aci yin koyn. Lor ke dor.

Tällä hetkellä valittuna:

St. Luka 7: CIEC1905

Korostus

Jaa

Kopioi