ZABUR 5
5
Do'e nunas perlindungan
1Umaq pemimpin kor. Kadu suling. Zabur Daud.
2Ya ALLAH, pirengang ucapan-ucapan kaji,
perhatiang keluhan kaji.
3Perhatiang kuihan kaji dait tulung kaji,
ya Raje kaji dait Allah kaji.
4Séngaq tipaq Deside kaji bedo'e, ya ALLAH,
pirengang kuihan kaji léq waktu kelémaq.
Kelémaq-lémaq kaji jauq persembahan kaji
dait kaji antos jawaban Deside, ya ALLAH.
5Deside Allah saq nénten suke léq kejahatan;
dengan jahat nénten kanggo nyodoq léq Deside.
6Deside nénten tahen cingakin dengan sombong,
Deside meriq dengan saq gawéq jahat.
7Deside binaseang dengan-dengan saq girang beduste,
penipu dait tukang nyematéq Deside nénten suke.
8Laguq lantaran kasih Deside saq beléq,
kaji bau tame ojok Gedéng Deside.
Kaji sujut andang Gedéng Deside saq suci,
dait kaji sembah Deside siq rase takut dait hormat.
9Ya ALLAH, luwéq gati musuh kaji!
Bimbing kaji léq dalem keadilan Deside,
dait nyatayang léq kaji langan Deside saq harus kaji liwatin.
10 #
Rm. 3:13
Lantaran raos musuh kaji nénten bau tepercaye;
até ie pade penoq siq rencane jahat.
Ucapan-ucapan ie pade manis mikat dengan,
laguq batin ie pade penoq hal-hal saq lengé.
11Hukum ie pade, ya Allah kaji,
menengang ie pade celake lantaran rencanene mésaq.
Sediq ie pade lantaran luwéq gati dose ie pade,
séngaq ie pade sampun ngelawan Deside.
12Semoge selapuq dengan saq berlindung léq Deside pade gembire
dait besurak-surak selaéq-laéqne.
Lindungin dengan-dengan saq ngasihin Deside,
adéq ie pade besukecite lantaran Deside.
13Séngaq Deside ngicanin berkah dengan saq setie léq Deside, ya ALLAH,
Deside lindungin ie pade siq kasih Deside.
Tällä hetkellä valittuna:
ZABUR 5: LAISAS
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään