KAJADIAN 5
5
Lee' i Adam
(1Taw. 1:1-4)
1 #
Kej. 1:27-28
Aiyamo na daputan nu lee' i Adam. (Tempo'nyo aitu Tumpu Allah nompotimbalimo manusia, binau-Nyomo na aha susumo Tumpu Allah. 2#Mat. 19:4, Mrk. 10:6 Binau-Nyomo na aha mo'ane ka' boune. Aha binalakatan-Nyomo ka' sinanggohan-Nyomo “Manusia”.) 3Salatan i Adam umunnyo 130 mo na taun, ia nohumpakmo anak mo'ane anu monsasuhi mae butongnyo lantas sinanggohan-Nyomo i Set. 4Lapas aitu i Adam daagi' tinumuu' 800 na taun ka' nohumpak mule' to anak-anak sangga'at. 5Ia sinilaka umunnyo 930 mo na taun.
6Salatan i Set umunnyo 105 mo na taun, ia nohumpak mule' anak mo'ane, sanggonyo i Enos. 7Lapas aitu i Set daagi' tinumuu' 807 na taun ka' nohumpak mule' to anak-anak sangga'at. 8Ia sinilaka umunnyo 912 mo na taun.
9Salatan i Enos umunnyo 90 mo na taun, ia nohumpakmo anak mo'ane, sanggonyo i Kenan. 10Lapas aitu i Enos daagi' tinumuu' 815 na taun ka' nohumpak mule' to anak-anak sangga'at. 11Ia sinilaka umunnyo 905 mo na taun.
12Salatan i Kenan umunnyo 70 mo na taun, ia nohumpakmo anak mo'ane, sanggonyo i Mahalaleel. 13I Kenan daagi' tinumuu' 840 na taun ka' nohumpak mule' to anak-anak sangga'at. 14Ia sinilaka umunnyo 910 mo na taun.
15Salatan i Mahalaleel umunnyo 65 mo na taun, ia nohumpakmo anak mo'ane, sanggonyo i Yared. 16Lapas aitu i Mahalaleel daagi' tinumuu' 830 na taun ka' nohumpak mule' to anak-anak sangga'at. 17Ia sinilaka umunnyo 895 mo na taun.
18Salatan i Yared umunnyo 162 mo na taun, ia nohumpakmo anak mo'ane sanggonyo i Henokh. 19Lapas aitu i Yared daagi' ti numuu' 800 na taun ka' nohumpak mule' to anak-anak sangga'at. 20Ia sinilaka umunnyo 962 mo na taun.
21Salatan i Henokh umunnyo 65 mo na taun, ia nohumpakmo anak mo'ane sanggonyo i Metusalah. 22Lapas aitu kantumuu'an i Henokh saja'mo mompaha kona tiba Tumpu Allah 300 na taun na kinopinnyo. Ia nohumpak to ana-anak sangga'at, 23ka' umunnyo 365 mo na taun. 24#Ibr. 11:5, Yud. 14 Kalana kantumuu'an i Henokh saja'mo nompaha kona tiba Tumpu Allah, ia nolapusmo kalana binoamo nu Tumpu Allah.
25Salatan i Metusalah umunnyo 187 mo na taun, ia nohumpakmo anak mo'ane sanggonyo i Lamekh. 26Lapas aitu i Metusalah daagi' tinumuu' 782 na taun, ka' nohumpak mule' to anak-anak sangga'at. 27Ia sinilaka umunnyo 969 mo na taun.
28Salatan i Lamekh umunnyo 182 mo na taun, ia nohumpakmo anak mo'ane. 29I Lamekh notataemo, “Anak aiya na saidi' mae montulungi kita de tahahumo na mokalaja, mongusahakon tano' anu kinutukan mo nu Tumpu.” Kalana aijo' sinanggoahanmo i Lamekh na anak aijo' i Nuh. 30Lapas aitu i Lamekh daagi' tinumuu' 595 na taun. Ia nohumpak mule' to ana-anak sangga'at, 31ka' ia sinilakamo umunnyo 777 mo na taun.
32Salatan i Nuh umunnyo 500 mo na taun, ia nohumpakmo totolu' na anak mo'ane aijo'mo, i Sem, i Ham, ka'i Yafet.
Tällä hetkellä valittuna:
KAJADIAN 5: LAILOE
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään