ମାତିଉ 10
10
ଗମ୍ବାର୍ କ୍ଲିଗ୍ ସିସ୍
(ମାର୍କ ୩:୧୩-୧୯; ଲୁକ୍ ୬:୧୨-୧୬)
1ଜିସୁ ମେଁନେ ଗମ୍ବାର୍ କ୍ଲିଗ୍ ସିସ୍ଇଂକେ ୱାଚେ ଗଲିଆ ଆଃଆନ୍ତାର୍ ନ୍ସା ଆରି ସାପା ରକମ୍ ରଗ୍ ଦୁକ୍ ନିମାଣ୍ତା ଆଡିଙ୍ଗ୍ ନ୍ସା ଆମେଇଂକେ ଅଦିକାର୍ ବିକେ । 2ଆତେନ୍ ଗମ୍ବାର୍ କ୍ଲିଗ୍ ସିସ୍ଇଂନେ ମ୍ନି ଦେକ୍ରକମ୍ ଶିମୋନ ଜାଣ୍ଡେକି ପିତର୍ ଡାଗ୍ଚେ ଡିଙ୍ଗ୍ ବାସଙ୍ଗ୍ ଆଃରେ ଆରି ମେଁନେ ବୟାଁ ଆନ୍ଦ୍ରିୟ; ଜେବଦୀନେ ମ୍ବାକ୍ଲିଗ୍ ଉଙ୍ଗ୍ଡେ ଜାକୁବ୍ ଆରି ମେଁନେ ବୟାଁ ଜହନ୍; 3ଫିଲିପ୍ ବାର୍ଥଲମି ଥୋମା ଆରି ସିସ୍ତୁ ସାଲିଆଣ୍ଡ୍ରେ ମାତିଉ ଆଲଫିନେ ଉଙ୍ଗ୍ଡେ ଜାକୁବ୍ ଆରି ଥଦ୍ଦୀୟ 4କିଣାନୀୟ ଶିମୋନ ଆରି ଜିସୁନେ ଆଡ଼ାତ୍ରା ବିସ୍ବାସ୍ ଗାତକତା ଡିଙ୍ଗ୍କ୍ନେ ଇଷ୍କରିୟଥ୍ ଜିଉଦା ।
ଗମ୍ବାର୍ କ୍ଲିଗ୍ ସିସ୍ଇଂକେ ବିବକ୍ନେ କାମ୍ ସାପା
(ମାର୍କ ୬:୭-୧୩; ଲୁକ୍ ୯:୧-୬)
5ଜିସୁ ଗମ୍ବାର୍କ୍ଲିଗ୍ ସିସ୍ଇଂକେ ବେନେ ବେଲା ଆଦେସ୍ ବିଚେ ବାସଙ୍ଗ୍କେ, “ପେ ଅଣଜିଉଦି ଦେସ୍ନ୍ନିଆ ଆୱେଗେପା । ଆରି ଶମିରୋଣୀୟ ଇନିଡିଗ୍ ଆୱେଗେପା । 6ବାରି ବଃୱେଲେଃକ୍ନେ ମେଣ୍ଡା ରକମ୍ ଇଶ୍ରାଏଲ୍ଇଂ ଡାଗ୍ରା ୱେଲାପା । 7ମେଁଇଂନେ ଡାଗ୍ରା ବାସଙ୍ଗ୍ ଡିଙ୍ଗ୍ଚେ ବାସଙ୍ଗ୍ ଅଲେଙ୍ଗ୍ପା କିତଂଇନି ତେପିଙ୍ଗ୍ଚାକେ । 8ଆଃସି ଲେଃକ୍ନେ ରେମୁଆଁଇଂକେ ନିମାଣ୍ତା ଆଡିଙ୍ଗ୍ପା ଗୁଏଃକ୍ନେ ରେମୁଆଁଇଂକେ ଆର୍ମୁଇଂତର୍ ଜିବନ୍ ଆଡିଙ୍ଗ୍ପା କୁଷ୍ଟରଗିଇଂକେ ରଗ୍ ବଲ୍ ଆଡିଙ୍ଗ୍ପା ଗଲିଆ ଆଆଁନ୍ତାର୍ପା ପେ ଆଣ୍ଡିନେ ସରାଃସ୍ରି ବାପେଲେକେ ଆତେନ୍ ବିନ୍ଣ୍ଡ୍ରେଇଂକେ ସରାଃସ୍ରି ଦାନ୍ ଡିଙ୍ଗ୍ପା । 9ପେ ଏତେ ସୁନା ରୁପା ବା ଡାବୁ ଡୁଙ୍ଗ୍ଆୱେଗେପା 10#୧ କରିନ୍ତିୟ ୯:୧୪; ୧ ତିମତି ୫:୧୮.ୱେନେ ବେଲା ମୁନା ଡୁଂଆୱେଗେପା । ମ୍ବାକ୍ଲିଗ୍ ସକା ଆରି ଜୁତା ଆନ୍ତାର୍ଚେ ଆରି ଅଦିକା ସକା ପାଣ୍ଡୁଏ କି ଡୁଡୁ ଣ୍ଡିଗ୍ ଡୁଙ୍ଗ୍ ଆୱେଗେପା । ମୁଇଙ୍ଗ୍ କାମ୍ ଡିଙ୍ଗ୍ଣ୍ଡ୍ରେ ମେଁନେ ଦର୍କାର୍ ଲେଃକ୍ନେ ଜିନିସ୍ ଡୁଂୱେନେ ଦର୍କାର୍ ।”
11ଆରି ପେ ମୁଃଡ଼ିନେ ନଗର୍ ବା ଇନି ଗାନେ ବେଲା ଆତ୍ଅରିଆ ଜା ଆପେକେ ଜତନ୍ ଡିଙ୍ଗ୍ଏ । ଆତେନ୍ ତୁର୍ପା ଆରି ବିନ୍ ଏରିଆ ୱେ ଜାକ ଆତେନ୍ ଡୁଆ ଲାଲାପା । 12ମୁଇଙ୍ଗ୍ ଡୁଆ ଗିଃଗାଃନେ ବେଲା ଆତ୍ଅରିଆ ଲେଃକ୍ନେ ରେମୁଆଁଇଂକେ ଆସିର୍ବାଦ୍ ଡିଙ୍ଗ୍ଚେ ବାସଙ୍ଗ୍ପା ପେଇଂନେ ସାନ୍ତି ଡିଙ୍ଗ୍ଲେ; 13ଜଦି ଆତେନ୍ ପରିବାର୍ ରେମୁଆଁ ଜତନ୍ ଡିଙ୍ଗ୍ ଆର୍ଏ ତେଲା ଆତେନ୍ ପରିବାର୍ ଆଡ଼ାତ୍ରା ପେନେ ସାନ୍ତି ଡିଙ୍ଗ୍ଲେ ଜଦି ଆତେନ୍ ପରିବାର୍ ରେମୁଆଁ ଜତନ୍ ଆଡିଙ୍ଗ୍ ତେଲା ପେନେ ସାନ୍ତି ପେ ଡାଗ୍ରା ଆଣ୍ତେ ପାଙ୍ଗ୍ଏ । 14#ପ୍ରେରିତ୍ ୧୩:୫୧.ଜଦି ଆଣ୍ଡିନେ ଡୁଆ ଣ୍ତୁଲା ଇନିନ୍ନିଆ ଆପେକେ ରେମୁଆଁଇଂ ଗ୍ରଅନ୍ ଆଡିଙ୍ଗ୍ ଆର୍ଏ ଣ୍ତୁ ଆତେନ୍ ଡୁଆ ଣ୍ତୁଲା ଇନିକେ ପାଦ୍ ଞ୍ଚନେ ଦୁଲି ତାଣ୍ତି ବିଚେ ଆତେନ୍ ଜାଗା ଆନ୍ତାର୍ ବିଃପା । 15#ମାତିଉ ୧୧:୨୪.#ଲୁକ୍ ୧୦:୪-୧୨.ନେଙ୍ଗ୍ ଆପେକେ ସତ୍ ବାସଙ୍ଗ୍ ଣ୍ଡିଙ୍ଗ୍, ବିଚାର୍ ଦିନାକେଲା ଆକ୍ମେଇଂ ବାନ୍ ସଦୋମ ଆରି ଗମୋରା ଦେସ୍ନେ ରେମୁଆଁଇଂ ଆଡ଼ାତ୍ରା ଇସ୍ପର୍ ଜବର୍ ଲିବିସ ଆଃସୁଏଃଏ ।
ନିଜର୍ ସିସ୍ଇଂକେ ଜିସୁନେ ତରକ୍
(ମାର୍କ ୧୩:୯-୧୩; ଲୁକ୍ ୨୧:୧୨-୧୭)
16 #
ଲୁକ୍ ୧୦:୩. “କେଲାପା, ଙ୍କୁଇଂନେ ବିତ୍ରେ ମେଣ୍ଡାଇଂନେ ରକମ୍ ସୁଗୁଆ ନେଙ୍ଗ୍ ଆପେକେ ବେଣ୍ଡିଂକେ । ପେ ବୁବଃ ରକମ୍ ଚାଲାକି ଡିଙ୍ଗ୍ଚେ ଲାଲାପା ମାତର୍ କୁକୁର୍ୟାଃ ରକମ୍ ଦରମ୍ ଡିଙ୍ଗ୍ପା । 17#ମାର୍କ ୧୩:୯-୧୧; ଲୁକ୍ ୧୨:୧୧,୧୨; ୨୧:୧୨-୧୫.ଡାଗ୍ଲା ରେମୁଆଁଇଂନେ ବାନ୍ ଚାଲାକି ଡିଙ୍ଗ୍ଚେ ଲାଲାପା ମାତର୍ ରେମୁଆଁ ଆପେକେ ସାଚେ ବିଚାର୍ କୁକପାର୍ନ୍ନିଆ ଡୁଂୱେଆର୍ଏ । ପାର୍ତନା ଡୁଆଇଂନ୍ନିଆ ମେଇଂ ଆମେକେ ଚାବୁକ୍ ବଗ୍ଆର୍ଏ । 18ନେଙ୍ଗ୍ସା ପେ ଇଃସାଙ୍ଗ୍ ଆରି ସାସନ୍ ଡିଙ୍ଗ୍ଣ୍ଡ୍ରେନେ ସେନୁଗ୍ ଡୁଂପାଙ୍ଗ୍ଚେ ବିଚାର୍ ଡିଙ୍ଗ୍ଆର୍ଏ । ଆତେନ୍ ମେଇଂନେ ଆରି ବିଜାତିଇଂନେ ସେନୁଗ୍ ପେ ନେଙ୍ଗ୍ ବିସୟ୍ରେ ସାକି ପେଡିଙ୍ଗ୍ଏ । 19ପେଇଂ ବିଚାର୍ ଡିଙ୍ଗ୍ନେ ବେଲା ମେଁନେ ପେବାସଙ୍ଗ୍ଏ ଆରି ଡିରକମ୍ ପେବାସଙ୍ଗ୍ଏ ଏନ୍ ବିସୟ୍ରେ ଅଃନା ଚିନ୍ତା ଆଡିଙ୍ଗ୍ପା । ଟିକ୍ ବେଲା ଆତେନ୍ ଆପେକେ ଆମ୍ୟା ବିଏ । 20ମାତର୍ ପେ ନିଜେ ମେଁନେ ବାସଙ୍ଗ୍ ନ୍ସା ଆପଡ଼େ ଣ୍ତୁ । ଆବା ଇସ୍ପର୍ନେ ପବିତ୍ର ଆତ୍ମା ପେ ସାର୍ମୁଆଁ ବିଚେ ସାମୁଆଁ ବାସଙ୍ଗ୍ଏ ।”
21 #
ମାର୍କ ୧୩:୧୨; ଲୁକ୍ ୨୧:୧୬. ବୟାଁ ମେଃନେ ନିଜର୍ ବୟାଁକେ ଆବା ନିଜର୍ ଉଙ୍ଗ୍ଡେକେ ଗୁଏଃ ନ୍ସା ଆସା ବିଏ । ଉଙ୍ଗ୍ଡେଇଂ ନିଜର୍ ଆବା ଇୟାଙ୍ଗ୍ ବିରଦ୍ରେ ତଡ଼ିଆ ଆର୍ଏ ଆରି ଆମେଇଂକେ ବାଗୁଏ ଜଗ୍ତ୍ଲାଗ୍ ଆର୍ଏ । 22#ମାତିଉ ୨୪:୯; ମାର୍କ ୧୩:୧୩; ଲୁକ୍ ୨୧:୧୭; ମାତିଉ ୨୪:୧୩; ମାର୍କ ୧୩:୧୩.ନେଙ୍ଗ୍ନ୍ସା ସାପାରେ ଆପେକେ ଇଙ୍ଗ୍ଚେ ଆର୍ଏ; ମାତର୍ ଜାଣ୍ଡେ କି ସାରାସାରି ଜାକ ଡାଟ୍ରେ ଲେଃଏ, ମେଁ ଉଦାର୍ ବାଏ । 23ମୁଇଙ୍ଗ୍ ଇନିନ୍ନିଆ ମେଇଂ ଆପେକେ କଷ୍ଟ ବିଲା ପେ ବିନ୍ ଇନିନ୍ନିଆ ଲାଗ୍ଡଲାପା । ନେଙ୍ଗ୍ ଆପେକେ ସତ୍ ବାସଙ୍ଗ୍ ଣ୍ଡିଙ୍ଗ୍ ପେଇଂ ଇଶ୍ରାଏଲ୍ନେ ସାପା ଇନିନ୍ନିଆ କାମ୍ ମାଡାନେ ସେନୁଗ୍ ରେମୁଆଁ ଉଙ୍ଗ୍ଡେ ଆଣ୍ତେ ପାଙ୍ଗ୍ଏ ।
24 #
ଲୁକ୍ ୬:୪୦;
ଜହନ୍ ୧୩:୧୬; ୧୫:୨୦. “ମୁଡ଼ି ସିସ୍ ଡିଗ୍ ମେଁନେ ଗୁରୁ ବାନ୍ ମ୍ନା ଣ୍ତୁ; ମାଲିକ୍ବାନ୍ ଚାକର୍ ମ୍ନା ଣ୍ତୁ । 25#ମାତିଉ ୯:୩୪; ୧୨:୨୪; ମାର୍କ ୩:୨୨; ଲୁକ୍ ୧୧:୧୫.ସିସ୍ ଗୁରୁ ରକମ୍ ଆରି ଚାକର୍ ମାଲିକ୍ ରକମ୍ ଡିଙ୍ଗ୍ଲା ମେଇଂ ଅଃତେନ୍ରେ ସାର୍ଦା ଡିଙ୍ଗ୍ନେ ଦର୍କାର୍ । ମୁଇଙ୍ଗ୍ ଡୁଆଣ୍ଡ୍ରେ ମାଲିକ୍କେ ଜଦି ରେମୁଆଁ ବାଆଲ୍ଜିବୂଲ ଡାଗ୍ଚେ ୱାଆର୍ଏ ଡୁଆନେ ବିନ୍ଣ୍ଡ୍ରେଇଂକେ ଆରି ଅଦିକ୍ ଦଦ୍ୟା ମ୍ନି ଆୱା !”
ଆଜାକେ ପେବ୍ଟଏ
(ଲୁକ୍ ୧୨:୨-୭)
26 #
ମାର୍କ ୪:୨୨; ଲୁକ୍ ୮:୧୭. “ଆତେନ୍ସା ରେମୁଆଁଇଂକେ ଆବ୍ଟଗେପା । ଆଣ୍ତିନେ ବୁଡ଼ିଚେ ଲେଃକେ, ଆତେନ୍ ମେସୁଆ ଣ୍ଡୁଲା ମେସୁଆ ପାଦା ତାର୍ଏ ବାରି ସାପା ବୁଡ଼ିକ୍ନେ ସାମୁଆଁ ପାଦା ତାର୍ଏ । 27ନେଙ୍ଗ୍ ଆପେକେ ମେଃନେ ତାଂକିଗ୍ନିଆ ବାସଙ୍ଗ୍ ଣ୍ଡିଙ୍ଗ୍ ଅଃତେନ୍ ତାର୍କିଗ୍ନ୍ନିଆ ବାସଙ୍ଗ୍ପା ବାରି ଆଣ୍ତିନେ ବୁଙ୍ଗ୍ନା ଅଁପେଲେକେ ଆତେନ୍ ଡୁଆନେ ବ୍ଲେସାଂ ଆଡ଼ାତ୍ରା କିରଚେ ବାସଙ୍ଗ୍ପା । 28ଜାଣ୍ଡେଇଂ ଗାଗ୍ଡ଼େକେ ବାଗୁଏଃଆର୍ଏ, ମାତର୍ ଆତ୍ମାନେ ମେଃଡିଗ୍ ନଷ୍ଟ ଆଡିଙ୍ଗ୍ ଆୟାଆର୍ ଣ୍ତୁ ଆମେଇଂକେ ଆବ୍ଟଗ୍ପା ନାମଃ । ଆତେନ୍ସା ଆଣ୍ତିନେ ଇସ୍ପର୍ ପେନେ ଗାଗ୍ଡ଼େ ଆରି ଆତ୍ମା ମ୍ବାୟାକେ ନର୍କେନ୍ନିଆ ନଷ୍ଟ ଆଡିଙ୍ଗ୍ଏ ଆମେକେ ବୁଟପା । 29ମ୍ବାକ୍ଲିଗ୍ କିଆପିଗ୍କେ ମ୍ବାର୍ଟାଆଁ ଡାବୁରେ ଆସ ଣ୍ଡୁ ? ମାତର୍ ଆବା ଇସ୍ପର୍ନେ ବିନା ଅନୁମତିରେ ମୁଇଙ୍ଗ୍ କିଆପିଗ୍ ଡିଗ୍ ବୁନ୍ଦେ ଆଲ ଣ୍ତୁ । 30ମାତର୍ ପେନେ ବାଆଃନେ ସର୍ତେ ଉଗ୍ବ ଡିଗ୍ ଏଜା ବକେ । 31ଆବ୍ଟଗେପା; ପେ ଗୁଲୁଏ କିଆପିଗ୍ ବାନ୍ ମ୍ନା ।”
ଜିସୁ କିସ୍ଟକେ ଅବିସ୍ବାସ୍ ଆରି ବିସ୍ବାସ୍ ଡିଙ୍ଗ୍ନେ
(ଲୁକ୍ ୧୨:୮-୯)
32ଜାଣ୍ଡେକି କୁଲାକୁଲି ବାବ୍ରେ ଆନେଙ୍ଗ୍ ମାପ୍ରୁ ଡାଗ୍ଚେ ବାଲିର୍ ଆର୍ଏ, ନେଙ୍ଗ୍ନେ କିତଂ ଆବା ଡାଗ୍ରା ଆମେକେ ନେଙ୍ଗ୍ନେ ସିସ୍ ଡାଗ୍ଚେ ନେଙ୍ଗ୍ ମ୍ବାସଙ୍ଗ୍ଏ । 33#୨ ତିମତି ୨:୧୨.ଡାଗ୍ଲା ଜାଣ୍ଡେକି ରେମୁଆଁନେ ସାମ୍ନାନ୍ନିଆ ଆନେଙ୍ଗ୍ ଅବିସ୍ବାସ୍ ଡିଙ୍ଗ୍ଏ ନେଙ୍ଗ୍ ଆମେ ଡିଗ୍ ନେଙ୍ଗ୍ନେ କିତଂନେ ଆବାନେ ସାମ୍ନାନ୍ନିଆ ଅବିସ୍ବାସ୍ ଣ୍ତିଙ୍ଗ୍ଏ ।
ସାନ୍ତିନେ ପାଟା କାଣ୍ଡା
(ଲୁକ୍ ୧୨:୫୧-୫୩; ୧୪:୨୬-୨୭)
34“ନେଙ୍ଗ୍ ମଞ୍ଚ୍ପୁର୍ନ୍ନିଆ ସାନ୍ତି ବିଃନ୍ସା ପାଙ୍ଗ୍ନ୍ଲେକେ, ଡାଗ୍ଚେ ମନେ ଆଡିଙ୍ଗ୍ପା । ନେଙ୍ଗ୍ ସାନ୍ତି ବିଃନ୍ସା ପାଙ୍ଗ୍ ନାଲେଃକେ ଣ୍ତୁ କାଣ୍ଡା ବିଃନ୍ସା ପାଙ୍ଗ୍ ନ୍ଲେଃକେ । 35ନେଙ୍ଗ୍ନ୍ସା ଉଙ୍ଗ୍ଡେ ଆବାକେ ବିରଦ୍ ଡିଙ୍ଗ୍ଏ ଗଡ଼େଅ ଇୟାଙ୍ଗ୍କେ ବିରଦ୍ ଡିଙ୍ଗ୍ଏ ବାରି ଆତାଡ଼େ ବିରଦ୍ରେ ମାଚୁଆ ତାର୍ଏ 36ନିଜର୍ ପରିବାର୍ନେ ରେମୁଆଁ ମୁଇଂଜାନେ ସତ୍ରୁ ଡିଙ୍ଗ୍ଏ ।”
37“ଜାଣ୍ଡେକି ନିଜର୍ ଆବା କି ଇୟାଙ୍ଗ୍କେ ନେଙ୍ଗ୍ ବାନ୍ ଜାବର୍ ବଲ୍ ବାଏ ମେଁ ନେଙ୍ଗ୍ନେ ସିସ୍ ଡିଙ୍ଗ୍ ଆୟା ଣ୍ତୁ । ଜାଣ୍ଡେକି ନିଜର୍ ଉଙ୍ଗ୍ଡେ କି ଗଡ଼େଅ ଆଡ଼ାତ୍ରା ଜାବର୍ ବଲ୍ ବାଏ । ମେଁ ନେଙ୍ଗ୍ନେ ସିସ୍ ଡିଙ୍ଗ୍ ଆୟା ଣ୍ତୁ । 38#ମାତିଉ ୧୬:୨୪; ମାର୍କ ୮:୩୪; ଲୁକ୍ ୯:୨୩.ଜାଣ୍ଡେକି ନିଜର୍ କୁରୁସ୍ ଡୁଙ୍ଗ୍ଚେ ନେଙ୍ଗ୍ ପ୍ଲା ଆପାଙ୍ଗ୍ ଣ୍ତୁ ମେଁ ନେଙ୍ଗ୍ନେ ସିସ୍ ଡିଙ୍ଗ୍ନେ ଜଗ୍ୟ ଣ୍ତୁ । 39#ମାତିଉ ୧୬:୨୫; ମାର୍କ ୮:୩୫; ଲୁକ୍ ୯:୨୪; ୧୭:୩୩; ଜହନ୍ ୧୨:୨୫.ଜାଣ୍ଡେକି ନିଜର୍ ଜିବନ୍ ରକ୍ୟା ଆଡିଙ୍ଗ୍ ନ୍ସା ଚେସ୍ଟା ଡିଙ୍ଗ୍ଏ, ମେଁ ଆତେନ୍ ଆନ୍ତାର୍ଏ; ବାରି ଜାଣ୍ଡେ ନେଙ୍ଗ୍ନ୍ସା ନିଜର୍ ପାରାନ୍ ଆନ୍ତାର୍ଏ ମେଁ ଆତେନ୍ ଆମ୍ବ୍ରଏ ।”
ଇନାମ୍
(ମାର୍କ ୯:୪୧)
40 #
ଲୁକ୍ ୧୦:୧୬; ଜହନ୍ ୧୩:୨୦;
ମାର୍କ ୯:୩୭; ଲୁକ୍ ୯:୪୮. “ଜାଣ୍ଡେ ଆପେକେ ଗ୍ରଅନ୍ ଡିଙ୍ଗ୍ଏ ମେଁ ଆନେଙ୍ଗ୍ ଗ୍ରଅନ୍ ଡିଙ୍ଗ୍ଏ ଜାଣ୍ଡେ ଆନେଙ୍ଗ୍ ଗ୍ରଅନ୍ ଡିଙ୍ଗ୍ଏ ମେଁ ଆନେଙ୍ଗ୍ ବେବକ୍ନେ କର୍ତ୍ତାକେ ଗ୍ରଅନ୍ ଡିଙ୍ଗ୍ଏ । 41ଜାଣ୍ଡେକି ମୁଇଙ୍ଗ୍ ବାବବାଦିକେ ଇସ୍ପର୍ନେ ଦୁତ୍ ଡାଗ୍ଚେ ସାର୍ଲଏ ମେଁ ଆତେନ୍ ବାବବାଦିନେ ପୁରସ୍କାର୍ନ୍ନିଆ ବାଗ୍ ଡିଂଏ; ଆରି ଜାଣ୍ଡେକି ମୁଇଙ୍ଗ୍ ସାଦୁ ରେମୁଆଁ ମେଁନେ ସାଦୁ କେଚେ ଗୁର୍ନା ଡିଙ୍ଗ୍ଏ ଆତେନ୍ ରେମୁଆଁନେ ପୁରସ୍କାର୍ରେ ମେଁ ବାଗ୍ ବାଏ । 42ଜାଣ୍ଡେକି ନେଙ୍ଗ୍ନେ ସାପାବାନ୍ ଡାଆଁ ସିସ୍କେ ମୁଇଙ୍ଗ୍ ଗିନାନ୍ନିଆ ଚୁଇଡ଼ିଆକ୍ନେ ଣ୍ଡିଆ ଉଗ୍ନେ ବିଏ, ନେଙ୍ଗ୍ ଆପେକେ ସତ୍ ବାସଙ୍ଗ୍ ଣ୍ଡିଙ୍ଗ୍, ମେଁ ଡି ବାବ୍ରେ ଡିଗ୍ ପୁରସ୍କାର୍ ବାଏ ।”
Tällä hetkellä valittuna:
ମାତିଉ 10: NTDaa20
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The Gata Didayi Testament in Language © The Word for the World International and Didayi Believers Assembly, Kudumulugumma, Malkangiri, Odisha. 2020
