Mphattuwelo 6
6
Nantuthi ankurukuttunle nkhaya
1Waapacenryaya atthu wuncererannyaa mwiilaponi ni yaayaracaka asaana asithiyana, 2asaana asilopwana a Nluku yahoona wiira asaana asithiyana a atthu ayo yaari ooreraca, ni yahaathela ale yaatepile waacivela.
3Vano Mwanene Nluku aheera: Nlattu wo'tampi ca atthu, Nnepa aka khunhala waana ukati wothene ni atthu, kontha ntthu ri irutthu ni nohala ukhala myakha iminya wo sirini (120) paahi.
4Yoole ukati ule, mwiilaponi yahaawo atthu oosancamaca. Wahoolo asaana asilopwana a Nluku waathukumanannyaya asaana asithiyana a atthu ni yaayaranaka asaana. Ayo phaari anakhotto okhalayi o'kuru ni ooruma ncina.
5Mwanene Nluku ahoona wiira itampi ca atthu caanatepa winciva mwiilaponi ni moopuwelo, omunrimani mwaya yaari ukati wothene upanka paahi coonanara. 6Vano Mwanene Nluku aheera: Koonne wene kaapankaka atthu mwiilaponi mu, ni iyo yahonrusiha venci wanrimani wawe. 7Mwanene Nluku aheera: Kinawamalamaliha mwiilaponi atthu yapankilyaka, atthu ni ciicammo inama cuulupale ni cikani ni asaanuni o wirimu. Koonne wene kipattusaka cothene nnya.
8Nanso Nowee ahophwanya nnema wamiithoni wa Mwanene Nluku.
Nowee nawiitthenkaca wiira hinkhwe naphuvu
9Nnya phi cookhumelela co'nethi wa Nowee. Nowee aari ntthu mayasariya, ookhweli na atthu o yooyo ukati uyo. Uyo eetta ni Nluku. 10Nowee ahaayara asaana araru: Seemu, Kani ni Yafeti.
11Vaavale, ilapo yahohononnya wamiithoni wa Nluku ni yahocara coonanara caapankaya atthu. 12Woonnyawe wiira ilapo ihotankanyaa, kontha atthu othene omwiilaponi ahohapuwa malamulo aka. 13Nluku ahomwiirela Nowee: Kinawamalamaliha atthu othene, kontha ilapo yothene ihocara coonanara cimpankaya. Phimaana mi kinawakwanyulaca ni ilapo eyo.
14Nanso we, upanke ikalawa yo'thaapwa co mpila. Ukawanihace, cikhale ikatti mwittayi mwaya ni uttiyace ni nimula nhina ni vate. 15Mwittayi mwaya ulike imaara iminya ttharu, mwiikhuvi mwaya imaara hansini (50) ni yeemelelo aya imaara talathini (30). 16Upanke ithari ni upanke icanela nliko wo nuusu no moono mmoca ithari ni isiiri yo'kalawa. Upanke nkhora nceresere ikalawa ni upanke ithari waculu, iriyari ni vathi.
17Nkoonani. Kinnowiiha naphuvu o maasi mwiilaponi, wiira kikwanyulace ilapo yothene ni citthu cothene coomumula cipattusilyaka. Cothene ciri mwiilaponi cimmomala. 18Nanso, ni we, kimmopanka nleehano naka, ni ummokela nkalawani mmo, we na asaanaa, na amwaaraa ni asaaraya asaanaa ayo. 19Ni cothene cimmumula co khula ikhapila yo'nama, yo nlopwana ni yo nthiyana unlamuliya ukelana nkalawani mmo piili piili, wiira usunke ukumi aya ni we. 20Asaanuni o khula ikhapila, inama co khula ikhapila, ni inama cowiipurula co khula ikhapila cinari piili piili cinawuuwela we, wiira usunke ukumi aya. 21Vano we, ukuse coolya cothene cinliya ni wiisunkere, cinhala ukhala coolya cawaa ni coolya co'nama.
22Nowee ahopanka toko caahimeriyawe ni Nluku. Commo phaapankilyawe.
Tällä hetkellä valittuna:
Mphattuwelo 6: NNI
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2021, Wycliffe Bible Translators, Inc. All rights reserved.