Emiighom 5
5
Ẹemara ẹemara phọ Ạdam
(1 Krọnikuls 1.1-4)
1 #
Emi 1.27, 28 Ḍịen kụ ạḍikool ẹemara ẹemara phọ Ạdam. (Mem mọ Ẹnaan ẹlhem bọ we, ọdi ạlhem bịdi ạghighima loor. 2#Mat 19.4; Mạk 10.6Ọdi ạlhem bịdi elephiri rꞌẹya, kụ ạseph bịdi, kụ aghol bịdi mọ “Awe.”) 3Mem dị Ạdam ạman okuron rꞌịraardi ạsia, ọdi ạmar olephiri ọony dị ạghigh nyọdi, kụ aghol ḍien ọony phọ mọ ạSet. 4Ịphen reten, kụ Ạdam ạrol ịnon ọphaanya okuron ạsia. Ọdi ạmar ri bụnon ạnmuny 5kụ amugh mem dị ọdi mạman esugha okuron rꞌịraardi ạsia.
6Mem dị ạSet ạman oniin okuron rꞌoogh ạsia, kụ ọdi ạmar olephiri ọony, Enos, 7kụ ọdi ạrol ịnon ọphaanya okuron rꞌoḍual ạsia. Ọdi ạmar ri bụnon ạnmuny 8kụ amugh mem dị ọdi mạman esugha okuron rꞌiḍioph rꞌịyal ạsia.
9Mem dị Enos ạman esughadi ạsia, ọdi ạmar olephiri ọony, aKenan, 10kụ ọdi ạrol ịnon ọphaanya okuron rꞌaḍioph rꞌoogh ạsia. Ọdi ạmar ri bụnon ạnmuny 11kụ amugh mem dị ọdi mạman esugha okuron rꞌoogh ạsia.
12Mem dị aKenan ạman oḍualdi ạsia, ọdi ạmar olephiri ọony, Mạhalalel, 13kụ ọdi ạrol ịnon ọphaanya okuron rꞌinyadi ạsia. Ọdi ạmar ri bụnon ạnmuny rꞌạnmanyaan 14kụ amugh mem dị ọdi mạman esugha okuron rꞌiḍioph ạsia.
15Mem dị ạMahalalel ạman odiinydi rꞌoogh ạsia, ọdi ạmar olephiri ọony, Jạred, 16kụ ọdi ạrol ịnon ọphaanya okuron rꞌịraardi ạsia. Ọdi ạmar ri bụnon ạnmuny 17kụ amugh mem dị ọdi mạman ọphaanya okuron rꞌesughadi rꞌoogh ạsia.
18Mem dị ạJared ạman oniin okuron rꞌodiinydi rꞌịyal ạsia, ọdi ạmar olephiri ọony, Ẹnok, 19kụ ọdi ạrol ịnon ọphaanya okuron ạsia. Ọdi ạmar ri bụnon ạnmuny 20kụ amugh mem dị ọdi mạman esugha okuron rꞌodiinydi rꞌịyal ạsia.
21Mem dị Ẹnok ạman odiinydi rꞌoogh ạsia, ọdi ạmar olephiri ọony, Mẹtusela. 22Ọdi rọmar bọ ạMetusela, Ẹnok aaḍikuan arelhian ghan rꞌẸnaan esi ịraar okuron ạsia kụ ạmar bụnon ạnmuny. 23Ọdi ạrol ịraar okuron rꞌodiinydi rꞌoogh ạsia. 24#Hib 11.5; Jud 1.14Ẹnok rꞌẸnaan phọ kụ urelhian ghan, bịn ụ́miin ghan mun nyọdi, loor esi dị Ẹnaan kụ ịsighe nyọdi ẹḍuanam.
25Mem dị ạMetusela ạman oniin okuron rꞌọphaanyadi rꞌoḍual ạsia, ọdi ạmar olephiri ọony, Lạmek, 26kụ ọdi ạrol ịnon oḍual okuron rꞌọphaanyadi rꞌịyal ạsia. Ọdi ạmar ri bụnon ạnmuny 27kụ amugh mem dị ọdi mạman esugha okuron rꞌodiinydi rꞌesugha ạsia.
28Mem dị ạLamek ạman oniin okuron rꞌọphaanyadi rꞌịyal ạsia, ọdi ạmar olephiri ọony, 29kụ ọdi ạḅem, “Esi ade phọ ạḍien Ọmoogh-we phọ maruule bọ, ọony phọ ọphon kụ kụudereghi iyira esi oomo arukumuan phọ ayira”; kụ iḍighi kụ ọdi aghol ḍien ọony phọ mọ aNoa. 30ẠLamek ạrol ịnon oogh okuron rꞌesughadi rꞌoogh ạsia. Ọdi ạmar ri bụnon ạnmuny 31kụ amugh mem dị ọdi mạman oḍual okuron rꞌoḍualdi rꞌoḍual ạsia.
32ANoa rọman oogh okuron ạsia, kụ ọdi ạmar ịraar alephiri ạnmuny, Sẹm rꞌạHam rꞌaJafet.
Tällä hetkellä valittuna:
Emiighom 5: ẠḌI
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS