Maalika Ʉwandɨlo
Ʉwandɨlo
Ishitaabu ishi ásimbile uMaalika, we ɨtaawa ɨlyamwabho wu Yookhani Maalika. Áamɨle mutunta we uYeesu alɨ mu Yelusaleemu, akhabha mulandati wa Yeesu. Áamɨle nʉ Paʉlo mʉ mbombo ɨya kʉlʉmbɨɨlɨla iNtumi iNyinza ɨya Yeesu Kilisiti. Pe pɨlongolela, akhabha peeka nu musundikwa uPeeteli.
Mu shitaabu ishi akʉpanga inyinji zye uYeesu akhabhombaga kʉshɨla zye akhalʉmbɨlɨlaga. Tʉkʉlola amayele aganjɨ ge uYeesu ábhombile, ábhaponiizye abhantʉ, áyefwizye amapepu amabhiibhi na kʉbhatʉʉyɨla abhantʉ imbiibhi. Zɨnɨɨzyo zɨkʉlolesya amakha ga Yeesu, kʉtɨ áfumile kwa Mʉlʉngʉ, kwɨnza kuyifumwa uwuumi waakwe kʉbhasatʉla abhantʉ kufuma mʉ makha gi mbiibhi.
| Zye zɨlɨ mu shitaabu ishi | Ʉmʉlyango |
|---|---|
| UYeesu akwanda ɨmbombo yaakwe mʉ nsɨ ɨya mʉ Galɨlaaya | 1:1-2:27 |
| UYeesu akʉmanyɨzya ʉwʉmwene wa Mʉlʉngʉ, khabhɨlɨ akʉbhomba amayele mʉ Galɨlaaya | 3:1-6:56 |
| UYeesu akʉsaasya ɨmbombo yaakwe kʉ bhantʉ abhɨ nsɨ izinji | 7:1-8:26 |
| UYeesu akʉbhala ku Yelusaleemu | 8:27-10:52 |
| UYeesu akʉmanyɨzya mu Yelusaleemu intumi ɨzya makha gaakwe ni nsiku ɨzya kʉwʉmalɨlɨshɨlo | 11:1-13:37 |
| UYeesu akʉlongwa na kʉkhomeelwa pa shɨkhobhenhanyo | 14:1-15:47 |
| Kʉzyʉkha kwa Yeesu | 16:1-20 |
Tällä hetkellä valittuna:
Maalika Ʉwandɨlo: Malila
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2020, Wycliffe Bible Translators, Inc. All rights reserved.