PIANPATNAK 9
9
Pathian le Noah Thutepdunnak
1Pathian in, Noah le a cate cu muicu pia in, a lak hawah, “Tu le ca tampi nei unna, leihum mun tihkimah na casuan uhte pung haw hen.#Pian 1:28; 2Leihum a, ngamsa hempoh, vano le ngasate, leihum a vak thei nganhing a neubel tianin noh cu lau haw tuk hi. Na khut sungah piak hi khawng zo haw hi. 3Atu-in ngamsa hempoh le anceh sawlbawkte na an tuk uh le na eih tuk uhin pia ing. 4Mahnaven a taksa sungah a thi a um laihmi cu ei pahsuh un, itahim titale thi cu nunnak hi.#Thiam 7:26-27; 17:10-14; 19:26; Daan 12:16, 23; 15:23; 5Mi pa kha khatin, mitei nunnak a la tale dantat hi tuk a, mi a thattu ngamsa cu that bok tung hi. 6Mi a thattu cu mi khutah thi bok tuk hi. Itahim titale mihing cu Pathian bangin bawlmi hi.”#Pian 1:26; Suah 20:13;
7Tu le ca tampi nei tuk ci, “Na casuante cu leihum khua le ngam hempoh ah pungzai in dim haw tuk hi.”#Pian 1:28; 8Mah nungten Pathian in, Noah le a ca tei lakah, 9“Atu-in nangmuh le na casuan tei lakah hihen, 10nangmah tuah timbaw sung pen a tulmi nunnak a nei hempoh, vano, inn ngulh ngan le ngamsa hempoh lakah hihen, 11thutepnak bawl ing hi: ituk hei ten leihum a, nunnak nei hempoh cu tuihautungin siatsuahleh tukma toh hi. Tuihautungin, leipi cu siatsuah tukma toh hi, tin thutiam ing.” 12Pathian in, “Nangmah le na lak a, ummi ngamsa hempoh lakah kumkhua phaatin ka thutepmi sialsiahnak tukin, 13Meingo humah uical koih ing. Mahmi cu ka thutepmi sialsiahnak tukin hi. 14Vanhumah meingo a zam sial ten, meingo humah uical mu tuk uh ci. 15Tuihautungin, leihum a, nunnak nei hempoh siatsuahleh tukma toh hi, tin nangmah le ngamsa hempoh tei hum a, ka thutepmi cu cing leleng tung hi. 16Keimah le leihum a, nunnak nei hempoh tuah ka thutepmi cu meingo hum a, uical a lang sial ten ciing leleng tung hi.” 17Pathian in, Noah lakah, “Hihi cu kei le leihum a, nunnak nei hempoh lakah ka thutepmi sialsiahnak tukin,” ti hi.
Noah le A Capate
18Timbaw sung pen a tulmi Noah i capate cu Shem, Ham (Ham cu Kanaan i pa hi) le Jafet hi. 19Hi Noah i capa pa thum hi leihum mihing hempoh cikhaihtu haw hi.
20Noah cu lobungmi hi in, a masabel sabit huan bawltu hi. 21Vei khat cu sabit a in nungten khamin, a puansilhte duk a, thacangin, a buuk sungah zap hi. 22Mahmi cu Kanaan i pa Ham in, amuh ten a unau pa nihte hilh hi. 23Shem le Jafet ten puan la in, a ko nunglam hawah zak haw hi. Thacangin, a ummi a pa haw mu tuk ngawlin, nungkik zawng hawhin, buk sung a um, a pa haw cu a puan cawi haw mi tuahin khuh haw hi. 24Noah cu a zukhamsil pha lehin, a capa nautabel Ham i bawlmi a theih ten,
25“Kanaan cu tamsiatmi
hita henna,
A unau tei sila in suak tahen!
26Shem i Pathian cu
thangphat hi tahen!
Kanaan cu Shem i sila in
suak tahen.
27Pathian in, Jafet cu
khangto in pungzaitik hen!
A casuante cu Shem i mihingte
tuah um langkhat haw hen!
Kanaan cu Jafet i sila hi tahen,”
ti hi.
28Tuihautung nungten Noah cu kum za thum le sawm nga nungdamin, 29kum za kuah le kum sawm nga a kim ten thi hi.
Tällä hetkellä valittuna:
PIANPATNAK 9: NBF1
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Ngawm Bible © Bible Society of Myanmar, 2014.