cēnisis 28
28
1āisak māka ki natomēw cēkapa, mina ki sawiyimēw, mina ki ayākwāmimēw ē ki itāt, ēkāwiya otin kita wiwiyan otānisiwāwa ota kēnan. 2pasiko, itohtē anita pātanērām, o wāskāhikanihk pētyoil kikawi otāwiya; ēkota māka ohtin kita wiwiyan otānisa lēpān kikāwi otawēmāwa. 3kisēmanito māka māmawēyas siyokātisit ki ka sawēyimik, mina ki ka wi yahkiik mina ki ka wi mihcētoik, kiya māka kita ohci osāmēyaticik ayisiyiniwak; 4#cēnisis 17:4-8ki ka wi miyik māka o sawēyitākosiwiniyiw ēprēāma kiya mina kit awāsimisa; kita tipēyihtaman anima aski ita kā mānitēwiyan, anima kisēmanito kā ki miyāt ēprēāma. 5āisak māka ki sipwētisawēw cēkapa; ki sipwētēw māka kita itohtēt anita pātanērām ē natawāpamāt lēpāna, okosisa pētyoil ana siriyan, otawēmāwa ripēka, cēkap mina isā okāwiwāwa.
6ispi māka isā wiyāpahtahk āisak ē ki sawēyimāyit cēkapa, mina ē ki sipwētisawāyit kita itohtēyit pātanērāmihk, ēkota kita ohtiniskwēwēyit; mina pēskis ē sawēyimāyit ē ki ayākwāmimāyit ē itwēyit, ēkāwiya otin kita wiwiyan otānisiwāwa ota kēnan; 7ēkosi cēkap ē ki natohtaāt otāwiya mina okāwiya, ē ki itohtēt māka pātanērāmihk; 8ēkosi isā ē wāpahtahk otāwiya āisaka ēkā ē nahiyawēikoyit kēnana otānisiyiwa. 9isā māka ki natawāpamēw ismēila mina māka ē ki tako otināt anihi mēhalāht otānisa ismēil ēprēām okosisa, otawēmāwa nipēcāht kita wiwit.
10cēkap māka ki sipwētēw pirsipa ohci ē ki ati itohtēt harānihk. 11ki otihtam māka ita ē kapēsit cikēmā sasāy ki pahkisimo; ki otinēw māka pēyak asiniya ēkota ē apiyit ē ki aspiskwēsimot, mina ēkota ē ki naisihk kita nipāt. 12#cān 1:51ki pawāmiw māka, sāyi ki cimatēw askihk kicakosiwinātik. ēkosi ē otihtamok kisikohk; poti māka okisikoma kisēmanito ki kospātawiwak mina ki nanisātawiwak. 13#cēnisis 13:14,15kā tipēyihcikēt māka ki nipawiw ispimihk, omisi ē ki itwēt, niya kā tipēyihcikēt o kisēmanitoma ēprēām kotāwi, mina o kisēmanitoma āisak, anima aski ita kā pimisinan kiya ki ka miyitin mina kit awāsimisak. 14#cēnisis 12:3; 22:18kit awāsimisak māka tāpiskoc yēkaw kita itēyatiwak askihk, mina misiwē ki ka siswē ayān nēkāpēanohk mina wāpanotāhk, mina kiwētinohk, mina sāwanohk; kiya mina kit awāsimisak kita ohci sawēyitākosiwak kahkiyaw kā tahtoskānēsicik askihk. 15cist mina ki wicētin mina ki ka papākanawēyimitin piko itē kē ayitohtēwanē, mina kāwi ki ka pēsitin ota askihk; cikēmā namawiya ki ka nakatitin pātimā iyikohk ki ihtotamāni anima kā ki wihtamātān.
16cēkap māka ki koskoskāw ē ki nipāt mina ki itwēw, kēhcinā kā tipēyihcikēt ota ayāw ēkosi ēkā ē kiskēyitamān. 17ki sēkisiw māka, ēkosi ki itwēw, tāpwē kostātēyitākwan ota! nama kēkway pitos piko kisēmanito o wāskāhikan mina ēwako oma ē iskwātēmiwahk kihci kisik.
18cēkap māka wipac kēkisēpā ki waniskāw, ē ki otināt asiniya kā ki aspiskwēsimot, ki cimāyēw māka, mina ē ki sikinahk pimi anita tahkoc. 19pēhtil māka ki isiyihkātam ēkota, māka las ki isiyihkātēw nistam ēkota ē ayāk otēnaw. 20cēkap māka ki kihciitwēw, ē itwēt, kispin kisēmanito kē wicēwikwē mina kē kanawēyimikwē oma ita kā itohtēyān, mina kē miyikwē pahkwēsikana kita mowimak mina kikiskācikan kita posiskamān. 21ēkosi mina pēyahtakēyimowinihk kita otihtamwak notāwi o wāskāikan, kā tipēyihcikēt ni ka o kisēmanitomin. 22mina awa asini kā ki cimayak kita kiskinawācihcikaniwit, kisēmanito kita o wāskāhikaniw; kahkiyaw māka anima kē isi miyiyan, kēhcina ki ka miyitin pēyak ē ki mitātahtotāhk.
Tällä hetkellä valittuna:
cēnisis 28: KKMR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
This Bible text is a transliteration of a corrected edition of the 1908 Western Cree Bible; it is in the public domain.