په‌سنییه‌كان 3
3
په‌سنیه‌كی داویده كاتێ له ڕووی ئه‌بشالۆمی كوڕی هه‌ڵات.
1 ئه‌ی په‌روه‌ردگار، دوژمنانم چه‌ند زۆرن! چه‌ند زۆرن له دژم هه‌ستاون.
2 زۆر كه‌س له‌باره‌ی منه‌وه ده‌ڵێن: “خودا ڕزگاری ناكات”. سیلاه.
3 به‌ڵام تۆ ئه‌ی په‌روه‌ردگار، قه‌ڵغانی منیت، شكۆمه‌ندیی منیت و سه‌رم به‌رز ده‌كه‌یته‌وه.
4 به ده‌نگم هاوار بۆ په‌روه‌ردگار ده‌كه‌م، ئه‌ویش له كێوی پارسای خۆیه‌وه وه‌ڵامم ده‌داته‌وه. سیلاه.
5 ڕاكشام و خه‌وتم، به‌ئاگاهاتمه‌وه چونكه په‌روه‌ردگار پشتوپه‌نامه.
6 له ده‌یان هه‌زاری ئه‌و گه‌له ناترسم ئه‌وانه‌ی ده‌وریان گرتووم.
7 ڕاپه‌ڕه ئه‌ی په‌روه‌ردگار! ڕزگارم بكه خودایه! چونكه تۆ له بناگوێی دوژمنه‌كانی منت دا و كه‌ڵبه‌ی به‌دكارانت وردوخاش كرد.
8 ڕزگاری له په‌روه‌ردگاره‌وه‌یه، با داڕشتت له‌سه‌ر گه‌له‌كه‌ت بێت. سیلاه.
Tällä hetkellä valittuna:
په‌سنییه‌كان 3: PNTZS
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Bible Society in Lebanon (2017)
کۆمەڵگەی پەرتووکی پیرۆز لە لوبنان ٢٠١٧