John 1
1
CHAP. I.
1 Nene tsiniyought tsi Sʼhongwawenniyoh, oni tsi ongwe ok oni tsinihorighhonde ne Jesus Christue.
15 Tsiʼnihorighhoten John.
35 Tsironwadighaonken Andrew, Gwider, &c.
1Tsidyodaghsawen ne Logos#Logos, tsinidewawennoten yaweght ayairon-owenna, oríwa. keaghne, etho Yehovahne yekayendaghkwe ne Logos, ok oni Logos ne naah ne Yehovah.#Yehovah, ne Rawenniyoh. 2Ne ne Sagat tsidyodaghsawen enskatne Yehovahne yekayendaghkwe. 3Yorighwagwegon ne rodeweyenòkden, ok tsi nikon ne kaghson yagh oghnahhoten teyodon ne ne yagh raonha te hayàdare. 4Raonhage yewèdaghkwe ne adonhèta ok oni ne adonhèta naah ne raodighswatheta nʼongwe. 5Aghson tsidyokaras watyoghswathet ok yaghten yeyoyenda-on. 6Rayadatogen ne Yehovah ronha-on ne ne John ronwayatskwe. 7Ne wahhoni warawe tsi rodogense, ne ne aontahharighwatròri tsi watyoughswathet, ne ne aontyescnhak agwegon nʼongwe raonha raoriwa aonteyakeweghdaghkonhek. 8Yagh raonha te keaghne ne etho kaghswathetsera, ok ne ne rowanha-on nʼahaderightyatrory kaghswathetseroten. 9Ne naah ne togenske kaghsathetsera, ne ne watyakoghswatheta agwegon ne ongwe ne ne oghwhenjage yakoghwa eston. 10Oghwhenjage yéresgwe, yorighwagwegon ne naah rodeweyenòkden, ok nʼongwe yàghten howayenderhèon. 11Eghwarawe tsi Rawenniyoh, ok ne sʼhakowenniyoh yaghten honwarighwatsteristha. 12Ok tsinihadi rotiwarighwatsteristha, rononha sʼhakogwenyon tserawi nene enhonàdon ne Yehovah sʼhakoyea-ongonwa, ne ne rononha agwagh nè teyakaweghdaghkon ne raoghseanakon: 13Ok tsironwanadewedon yaghten né kanegwenghsage, yaghoni tsi yawèron nʼOwatoti, yaghoni tsi-ireghre nʼongwe, ok deaghnon ne Yehovah tsjnihenigonroten. 14Ok ne Logos owàron waondon ok oni tsi yakwenderon wahhanàdayen (ok ne wakwatkaghtho ne raogloria,#Raogloria, ne raowesepghtsera tsini hakowànen ne Niyoh. ne ne gloria tsi niyought ne raonha-on ne rodewedon ne Ronihha) ranànon ne gracia#Gracia, ne kendénron, tsiniyought yaweght tsishongwariwawàse ne Niyoh. ok oni ne togensketsera.
15John roderighwatròry, wahhadèweanayendon, radonnyon, ne ne ken right-haraghkwèhne, raonha nene raknonderatye ne rahhetindegh rakerighwakennyon; iken tiutkon tsi rahhendon, tsironhe. 16Ok oni tsi ranànon tsinyakyon wakwayèna, ok oni gracia ne gracia. 17Iken ne yoghtyawenratsera sʼhongwarighwawi ne Moses, ok nene gracia ok oni ne togensketsera ne Jesus Christus, ne rarighwayendatye. 18Yagh onghka nʼongwe te honwaken ne Yehovah, katke kiok, ne ne raonha-on rodewedon rohàwak nene ranaskwagon ne ranihha yehenderon, raonha naah ne rorighhowanaghton. 19Nene ken tsinihoyèren ne John, ethone ne Jewshaga, wasʼhakodinhane (Cohena-son#Cohenason, yaweght ne Raditsihenstatsi, nene ronwadihonkaryakon ne Raweniyoh raoriwa ronsteristha.) ok oni Levites Jerusalemne nʼàhonwarighwanondonse onghka nʼise. 20Ok wahhadaddodaghsyen, yaghten hodonhiye, ok wahhearon, yagh nʼiih tegen ne Christus. 21Ok sahhonwarighwanondonse, onghka kadi, ise ken Elias? ok rawen yaghten, ise ken nʼetho Prophet? ok wahhenron yaghten. 22Ethone sahhonwenhaghse, onghka nise? nene entsyakhighrory ne yonkhinha-on, oghnahhoten sadaddenadonghkwa. 23Wahhenron, Iih naah ne yewennodatye karliàgon, tsyathahhagwarighsyon, ne raohahha ne Rawenniyoh, tsinihoyèren ne Prophet Esaias. 24Rononha ne ne ronwadinha-on, nene tsinikentyoghkoten ne Pharisees. 25Ok sahhonwarighwanondonse, sahhonwenhaghse, ogh kadi ne yotyéren tsiwasheyàtise togat nonken yagh ise tegen ne Christus yaghoni nʼElias yaghoni ne etho Prophet? 26John tentahhadady, rawen, oghneganons kàtha tsi wakheyatise ok nʼetho wadògen sewakenyade nene yaghten eghtsisewayenderi. 27Raonha naah nene ok tehaknanderatye ok deghnon senha ronwayadagwenniyofton, ne ne raonikaghjéna yagh nʼiih sadekenna tegen aontakerighsi. 28Etho niyawen-on Bethabara tseragen skaihhonhade nonga ne Jordan, tsinonwe ne John yeresgwe sʼhakoyatise-onhatye. 29Tsi wa-orhenne John tehokànere Jesus karo tehhaweghtane, ok wahhenron tsyatkaghtho ne Yehovah raosehh#Raosehh, ne ne tsiniyewennotenghne ne Hebrew, sehh yaweght ne niyakaa teyodinnakarondoa ne ne onen ronwanidenghtase ne Niyoh wahhonwayerihaghse ne aoriwa tsi yagh ogh ten yoríwayen ne egh nahhoten. nene eren tehhahhawightha oghwhentjagwegon akorighwanneraksera. 30Nene kenyagen ne kadonhaghkwe, enthaksere ne rongwe nene wahonwahendenghste, raonha se tiutkon tsi rahhenndon tsi ronhe. 31Yaghten hiyenderighne ok onen tsi kerighwayenderi ne naah enhonwarighhowanaghte Israelne, ne kadi wahhòne kengh ike oghneganoughs kàtha si (kenohharehha) keyatisen-on hattye.#Baptifi tsiniyewenoten tyorhenshaga, yaweght yedon ayenohhare ne karighwaneraksera onen aonsayondattrewaght ne kadi niih tsini dewawenoten ayontise enkenhak. 32Nene John rorighhowanaghton, rawen, wakwatkaghtho ne kanigonghriyoston tʼontshenghthonhatye Karonghyàge tʼyoyenghtaghkwe, ok egh waontye raonhàge. 33Yaghten hiyendèrighne: ok raonha ne rakhenha-on nʼenkhèyatise oghnegage ne rakherighhonye, rawen, raonha tsi nonwe ensatkaghtho ne Kanigonghriyoston ethone a-ontsnenghte enwatyeonwe ne naah raonha ràtha ne Kanigonghriyoston nʼenhatise. 34Wakaderighwatkaghtho, ok oni wakerighhowanaghton ne naah ne kengayen ne Niyoh royeah,
35Ok àre tsi waorhene si radikenyàdaghkwé John ok tegni-aghseh ne raotyonghkwa. 36Ok tehokàneratye Jesus tsi ire, wahhenron tsyatkaghtho ne ne raosehh ne Yehovah. 37Ok ne teghniaghseh ronwawennaghrònken, ok ne Jesus tehhonwaghsere. 38Ethone Jesus egh tʼensahhatyèrat ok teshakokànere ronwaghnonderatye ok washakawenhaghse oghnahhoten iseneghre? waghníron Rabbi, ne yaweght ayaìron ne onen tekawennadenyon, seweniyoh, kàh nonwe tesideron? 39Ok sahhenron, kasene tsyatkaghtho, ok sahhòneghte oni waghyatkaghtho tsinonwe yehenderondaghkwe ok watògen wahhadighniserokten ase ken onen si karrah yaweght oyerihhadont hour. 40Sʼhayadat nene teghniaghseli neonen ronwawennaghronken John wannonwaghsere naah, ne Andrew nene yaddaddegen-on Simon Gwider. 41Nyàre wahhoyadatshenry ne yadàddegen, Simon ok Wahhioghroty, onen yaghsakwayadatshenryon ne Messias, ne naah ne tayewetinadene ne Christus (nene Karonghyage sʼhongwahawighten.) 42Ok wahhoyàthewe Jésusne, ok ne onen Jesus wahhotkaghtho, wahhenron, ise naah ne Simon ne Jona royeah, enyesayatshek Cephas, ne naah ne tekawennadenyon, onenya. 43Tsi waorhene Jesus walihadondaghgwane Galilee tseragon niyehhàre, ethone wahhoyadatshenre Philip ok wahhoyenhaghse, taknonderatyeght. 44Bethsaida-haga-kenghne ne Philip, ne Sakanàdat sighninakere ne Andrew ok oni Peter. 45Philip wahhoyadatshenre Nathanael, ok wahhoyenhaghse, waghsagwayadatshenryon raonha ne ne Moses sʼhongwanadoni tsi roghyàdow ne waghtyawenratsera, ok oni ne Prophethogon yonkhirighwawe, Jesus Nazarethaga nene Joseph royeah. 46Ok Nathanael sahhenron wadons ken ne karighwiyo Nazaret nonga aontakayenghtaghkwe? Philip tensahhenron kàts, ok saderighwatkaghtho. 47Jesus tehokànere Nathanael tsitàre, ok wahhodon, tsyatkaghtho nene Israelhaga nene togenske yaghten horìwayen ne wahhetken. 48Nathanael tentahhawenhaghse, oghha-awen si-takyenderi? Jesus tentahhadady ok rawen, arekho sitaghyènonke Philip, aghson si ighsese kaneraghtogon ne kerrhide waghyiyose ok si tekokàneratye. 49Nathanael tentahhadady ok wahhenron Rabbi ise naah ne Niyoh royeah, ise naah ne Israelhaga raodikora. 50Jesus tentahhadady ok waghrenhaghse, ne ken aorìwa tsi waken, tekokànereghkwe tsi ighse kaneraghtogon ne waghyiyose kerrhide, teseghtagh-kon ken? senha karighhowanenghse ensatkaghtho tsiniyught nʼetho. 51Ok saghrenhaghse, togenske; agwagh togenske wakoghròri, onwa oghnagen ensewatkaghtho enteyoronghyokaràwen, ok ne Niyoh raotyonghkwa ne karonghyageghronon eneken yakaweghtonhatye ok tʼontsnenghtonhatye tsi íre ne ongwe ronwayeah.
Tällä hetkellä valittuna:
John 1: MOH1804
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Historical text maintained first published by the British and Foreign Bible Society in 1804.
