Башланув 4
4
Хаин ве Хабиль
1Адам озь апайы Аванен ятты. Ава юкке къалып, Хаинни догъды ве:
– Мен адамны РАББИден мульк киби алдым#4.1 Хаин – къ. еуд. «Каин» адынынъ айтылувы «кана» (мульк алмакъ) сёзюнинъ айтылувына ошай.! – деди.
2Сонъ онынъ къардашыны Хабильни догъды. Хабиль къой-эчки бакъа эди, Хаин исе топракъны ишлей эди.
3Бир къач вакъыт кечкен сонъ, Хаин топракънынъ махсулларындан РАББИге бахшыш берди. 4Хабиль де озь сюрюсининъ бир къач биринджи догъгъан, энъ яхшы ве семиз къой-эчкилерини кетирди. РАББИ Хабильни ве онынъ бахшышыны алгъышлады. 5Хаинни ве онынъ бахшышыны исе алгъышламады. Хаин пек ачувланды, онынъ чырайы бозулды.
6– Сен не ичюн ачувландынъ? – деп сорады РАББИ Хаинден. – Не ичюн чырайынъ бозулды? 7#Баш 3.16Эгер яхшылыкъ япсанъ, башынъны котермейсинъми? Яхшылыкъ япмасанъ, босагъанънынъ янына гуна ятмакътадыр. О, сени истей, сен исе онынъ эфендиси ол.
8Сонъ Хаин озь къардашы Хабильнен лаф этти. Олар тарлада олгъанда, Хаин озь къардашы Хабильге къаршы чыкъып, оны ольдюрди.
9РАББИ Хаинден:
– Сенинъ къардашынъ Хабиль къайда? – деп сорады.
– Бильмейим, – деди Хаин. – Мен не, къардашыма къаравулыммы?
10Сонъ РАББИ:
– Не яптынъ сен? Къардашынъ къанынынъ сеси Манъа топракътан къыямет къопара. 11Энди сен лянетсинъ, къолунъдан тёкюльген къардашынънынъ къаныны къабул эткен топракътан ред этильгенсинъ. 12Топракъны ишлегенинъде, топракъ санъа озь кучюни башкъа бермейджек. Сен ер юзюнде долашкъан къачакъ оладжакъсынъ, – деди.
13Хаин РАББИге:
– Джезам котергисиз. 14Мына шимди Сен мени топракътан къувасынъ. Сенинъ юзюнъден мен сакъланырым ве ер юзюнде долашкъан къачакъ олурым. Ким манъа расткельсе, мени ольдюрир, – деди. 15#Лев 26.21; Збр 78.12РАББИ онъа:
– Ким Хаинни ольдюрсе, онынъ акътыманы еди къат алынаджакътыр, – деди.
РАББИ, Хаинге расткельген ич бир ким оны ольдюрмесин деп, онъа нишан къойды. 16Сонъ Хаин РАББИнинъ юзю огюнден кетип, Эдемден шаркъта яткъан Нод мемлекетинде ерлешти.
Хаиннинъ эвлятлары
17Хаин озь апайынен ятты. Апайы юкке къалып, Ханокъны догъды. Сонъ Хаин шеэр къурды ве о шеэрни огълунынъ адынен – Ханокъ – деп адландырды. 18Ханокънынъ Ирад деген огълу олды. Ираднынъ – Мехуяэл, Мехуяэлнинъ – Метушаэл, Метушаэлнинъ исе Ламех деген огълу олды. 19Ламех озюне эки апай алды: бирисининъ ады Ада эди, экинджисининъ – Цилла. 20Ада Явалны догъды; о, чадырларда яшагъан ве чобанлыкъ эткен адамларнынъ бабасы-дедеси олды. 21Явалнынъ Ювал деген къардашы бар эди; о, къавал ве сантыр чалгъан эписининъ бабасы-дедеси олды. 22Цилла Тувал-Къаинни догъды; о, демирджи олып, бакъыр ве демирни дёге эди. Тувал-Къаиннинъ Наама деген къызкъардашы бар эди.
23Ламех озь апайларына бойле деди:
– Ада ве Цилла, айткъанымны динъленъиз.
Ламехнинъ апайлары, сёзлериме къулакъ асынъыз:
Эгер акъай мени яраласа, оны ольдюририм,
огълан урса, оны да ольдюририм!
24Эгер Хаин ичюн еди къат акътыман алынса,
Ламех ичюн етмиш кере еди къат акътыман алынаджакътыр.
Шет ве Энош
25Адем кене апайынен ятты. Апайы огълан бала тапты ве, «Хаин ольдюрген Хабильнинъ ерине Алла манъа башкъа бала берди», деп, онынъ адыны Шет#4.25 Шет – «Шет» деген къадимий еудий адынынъ айтылувы «шат» (бермек, бахшыш бермек) еудий сёзюнинъ айтылувына ошай. къойды. 26Шетнинъ де огълу олды. Шет онъа Энош деген ад къойды.
О замандан башлап, адамлар РАББИге дува этип башладылар.
Tällä hetkellä valittuna:
Башланув 4: CTB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Институт перевода Библии, 2016