GENESIS 12
12
Pathianin Abrama a ko
1 Lalpa chuan Abrama hnênah “In ram hi i laichînte leh i pa inte nên chhuahsan la, ka kawhhmuh tûr che ramah chuan kal rawh.#Tirh. 7:2-3; Heb. 11:8. 2Hnam ropui takah ka siam ang che: mal ka sâwm#12:2 Malsâwm hi a sâwmtheitu tih a ni, malsâwmsak erawh chu a dîlsaktu tih theih a ni. ang che a, i hming ka tithang ang a, malsâwmna i ni#12:2 ‘A hming ngawt hi malsâwmna a ni dâwn’ tih zâwk mah tûr a ni. ang.#Gal. 3:8. 3Malsâwmsaktu che chu mal ka sâwm ang a, ânchhe lawhtu che chu ânchhia ka lawh ang; khawvêla hnam tinrêng i zârah an nihlawh#12:3 ‘Abrama ang ni ang che,’ tih chu mal an insâwmsakna hla ṭawngkam a ni ang, ‘he hming hi mal insâwmsak nân an lam ṭhîn ang’ tih tûr a ni zâwk mah thei. Châng bul lama malsâwmsaktu tih hi ‘duhsaktu che chu ka duhsak ang a, thamlotu che chu ânchhia ka lawh ang’ tih theih a ni. ang,” a ti a.
4 Lalpa thu ang chuan Abrama chu a thawk chhuak a, Lota pawh a rual chuan a kal ve a. Haran a chhuahsan khân Abrama chu kum sawmsarih leh pangaa upa a ni. 5Abrama chuan a nupui Saraii leh a nau fapa Lota chu a hruai a, Haran khuaa an awm chhûnga an sum deh chhuah zawng zawng kengin, ṭhuihruai an neih belh tâk zawng zawng nên Kanan ram an pan a, an va thleng ta a.
6Chu ramah chuan Abrama chu a kal zêl a, Sekem hmun More sasaw thing#12:6 More hi zirtîrtu tihna a ni. Elon thing an tih, Sasua tia lehlin ṭhin a awm a, chu thing chu thlarau awm duhna bîk, ‘Bûng’ kan tih ang deuh hian an ngai, Pathian pawh chêng duh bîkin an ngai. Pathian thu zirna hmun tihna a ni. Jezreel phaia awm a ni âwm e. awmna chu a thleng a. Chutih lai chuan Kanan mite chu chu ramah chuan an la awm a ni. 7Abrama hnênah Lalpa chu a inlâr a, “He ram hi a ni i thlahte ka pêk tûr ram chu,” a rawn ti a. Chutah chuan a hnêna lo lang Lalpa tân maichâm a siam a.#Tirh. 7:5; Gal. 3:16. 8Chuta ṭangin Bethel chhak lam tlângah a insawn a; tah chuan bûk a khuar a, khawthlang lamah Bethel a awm a, khawchhak lamah Ai khua. Chutah chuan Lalpa tân maichâm a siam leh a, Lalpa hming chu a lam ta a. 9Negeb#12:9 ‘Chhim ram’ sawina a ni, Judai ram chhim thlalêr ram sawina a ni. Chhim lam sawi nân an hmang fo. ram panin zawi zawiin a insawn zêl a.
Aigupta-ah Abrama a kal
10Chu ramah chuan ṭâm a tla a, ṭâm chu a nat êm avângin Abrama chuan ṭâm tlân tûrin Aigupta ram a pan a. 11Aigupta ram a thlen dâwn chuan a nupui Saraii hnênah, “Ngawi teh, i hmêlṭhatzia ka hria e. 12Aigupta miten an hmuh che chuan, ‘A nupui a ni,’ an ti ang a, min that mai ang a, nang an zuah si ang che; ‘A farnu ka ni,’ ti mai teh. 13Tichuan, nangmah avângin min ti ṭha ang a, min zuah dâwn nia,” a ti a. #Gen. 20:2; 26:7.
14Abraman Aigupta ram a zu thleng a. Aigupta mite chuan a nupui chu hmêlṭha an ti êm êm a. 15Farawa khâwnbâwlte chuan an han hmu ve a, Farawa hriata an fak tâk êm avâng chuan Farawa inah chuan an la lût ta a. 16Amah avâng chuan Abrama chu an ti ṭha hle a; berâm te, ran te, sabengtung te, chhiahhlawh nula leh tlangvâl te, sabengtungpui te, sanghâwngsei te an pe a. #Gen. 2:10.
17 Lalpa chuan Abrama nupui Saraii vâng chuan Farawa leh a chhûngte chu hri na tak a veitîr a. 18Farawa chuan Abrama chu a ko va, “Ka chunga i thiltih dân hi engtizia nge? I nupui a nih engtizia nge min hrilh loh? 19‘Ka farnu a ni,’ i ti a, nupuiah ka la lût mai a ni lâwm ni? I nupui hi hruai la, hawpui daih rawh,” a ti a. 20Farawa chuan mi a tîr a, Abrama chu a nupui leh a neih zawng zawng nên an hnawt chhuak ta a.
Tällä hetkellä valittuna:
GENESIS 12: MIZCLBSI
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.