1
Genesis 45:5
Manobo, Western Bukidnon OT
mbbOT
Kenè kew meseeng, ne kenè kew mebasul te ingkevelegyà a keniyu kayi, su paaǥi heini te Megbevayà is impehuna a kayi para meluwas kew te mereǥen he ked-ubpà.
Vertaa
Tutki Genesis 45:5
2
Genesis 45:8
Umbe, kenè kew iyan mibpuwit kayi kedì, kekenà, iyan is Megbevayà. Midhimu e zin he peresambag te hadì kayi te Ehipto wey ibpezumala te pemilya zin, wey edumala te tivuuk he ginhedian te Ehipto.
Tutki Genesis 45:8
3
Genesis 45:7
Piru impehuna a zini te Megbevayà su ebpengelinteuwan din he kenè kew mebpatey te vitil ne zuen samà kenitew zini te kelibutan.
Tutki Genesis 45:7
4
Genesis 45:4
Ne zutun migkeǥiyan ni Jose is menge suled din te, “Uvey kew kayi te kedì.” Ne hein mid-uvayan dan en, ke sikandin te, “Iyan a sikan is suled niw he si Jose, kes imbelegyè niw ne mid-uwit dini te Ehipto.
Tutki Genesis 45:4
5
Genesis 45:6
Dezuwe en he tuig is ked-aǥi te vitil zini te kenitew ne egkeumanan pa heini te lelima he tuig he wazà egkeraǥun te ebasuk.
Tutki Genesis 45:6
6
Genesis 45:3
Migkaǥi si Jose ziyà te menge suled din te, “Iyan a si Jose! Uuyag pe be is amey ku?” Piru wazà meketavak dutun is menge kakey zin su utew zan netentani.
Tutki Genesis 45:3
Koti
Raamattu
Suunnitelmat
Videot