Suosittuja jakeita Raamatun kirjasta Màtíyò 7

Jaa

«Ɓweináam, kùb ɓa nyí nànɨ á; mánáam, nyí ɓa kwànɨ á; kutɨnáam ɓavɨ̀r, kùb ɓa nyí kùùmnanɨ á.

Ɓetí, nò ɓollé kùb a nà ŋgə́. Nò máré a kwà; kùb á cè kùùmnànɨ nò kutɨré ɓavɨ̀rì.

«U̧nè á nò lâs ókɓa nyindí mɨ ta kɨ́, ɗà nò kɨ́ ɨ́ ndɨ̀ŋcè nɨ́ɨ́b kíì, nò kɨ́ á fɨ́tîn ɓe nò kɨ̀cáblì kù ya óŋsé dúú nóò ɓéhí.

«Ndɨŋnanáɓwéem kùb nɨ́ɨ́b lâs nyí ɗú kùb ndɨ̀ŋnàcé nyínè, u̧nè á ɓíì Mòyíìs ɓe káàtààb tɨ́kɨ̀nɨ́b Mèèín du tànɨ.»

Ɨ́dù ɓwâ ɓavɨ̀r du háŋnɨ́nne, jɨ̀r gɨ yɨ́ nɨ̀r ɓállé á cè yɔ́klîn, u̧nè á ɓwêcé nùb tu jɨ̀r kíì du ŋgób.»

«Lə́ndóŋnáam ɓavɨ̀r háŋnɨ́nne. Ɓetí ɓwâ ɓavɨ̀r du yánne, jɨ̀r gɨ yɨ́ nɨ̀r lɔ̧́ré á cè jíri, u̧nè á ɓwêcé nùb tu jɨ̀r kíì du ví̧i̧.

Nyí nùb ɓáŋhɨ́b nyí ma ɗə̀ə̀ŋgɨ̀ nànɨ munɨ́b nyínè nɨ́ɨ́b du nyɔ̧né, ɗóògɨ̀ kɨ́ Tá nyínè du ɓɨllɨnne fɨ́tɨ nànɨ nùb ɓwei ŋgéé nɨ́ɨ́b nyɔ̧ɔ̧́ à?

«Wu wu nɨ̀vɨ́tè ŋgwìn, Mèín tɨ̀ ŋgwinɓwée nɨ́ wu. Ɓetí Mèín kwá ŋgwinɓwée wu hȩ wu ŋgwin kùŋ woò. Jɨ̀r wu téín kùŋ woò àm ŋgwéné, Mèín kwá téínɓwéece kɨ́ wo ŋgwéné u̧.

Ɨ́dù nò lâs ókɓa nyindí mɨ ta kɨ́, ɗà nò kɨ́ ɨ́ dùcè ndɨ̀ŋwá nɨ́ɨ́b kíì, nò kɨ́ á fɨ́tîn ɓe nɨ̀yɨɨ̀ŋ kù ya óŋ dúú nóò saséé rɨ u̧.

Àm níì á wu pə́hó̧ɗóo wú kpárè úndií mwin yàá woò íhɨ́nné, wu cè wú kɨ́ɨ̀ŋ kàm wo íhín ndè pə́yàyèwá? I̧ á wu fɨ́tɨ tànànɨ mwin yàá woò: ‹gom mɨ ákɨ́nà wu kpárè úndií wo íhín ndè›, u̧ kɨ́ kɨ́ɨ̀ŋ kàm kù á wo íhín?

«Gə́tɨnáam ɓe tɨ́kɨ̀nɨ́b kàŋnì. Ŋgáb á nyí no lónɨ, só ma jíí, sumí ma màŋgù. Nyí tɨ̀ ɗəəŋcuɓa tɨ́kɨ̀nɨ́b kɨ́ ɓe nɨ́ɨ́b ŋgáb du ndɨ̀ŋniì. Kùb bɨ kòŋnɨ loob yɔ̀ ŋgamɨ́rí ya ɗàà. Kùb cè bɨ́ kòŋnɨ sáá ɗə̀b lúŋmbí ya ɗàà.

Yɔ̀ nyɔ̧ɔ̧́ nahá nɨ́ gum nyɔ̧ɔ̧́; yɔ̀ ɓáŋhîn cè gum ɓáŋhîn.

Yɔ̀ nyɔ̧ɔ̧́ sàmàìn na gum ɓáŋhîn ɗàà. Sàmàìn yɔ̀ ɓáŋhîn nace gum nyɔ̧ɔ̧́ ɗàà.

Yɔ̀ lâs du gum nyɔ̧ɔ̧́ nàwáá, kùb a téínlèèrékî ŋgə́ wa̧á̧.