Suosittuja jakeita Raamatun kirjasta Louka 6

Jaa

Denn i menshen lačo koova! Oun o Devel dell t'men lačo koova! Ava, yob dell t'men yaake boud, te hi t'men boudeder har doha. Yob dell t'men yaake boud, te nay lenn kova gar lauter. Doleske penau t'menge: T'mer te denn boud, palle dell o Devel t'men boud. T'mer te denn gar boud, palle dell o Devel t'men gar boud.

Dran i lačo mensheskro dji vell lačo koova. Dran i čilačo dji vell čilačo koova. I mensho penell kova, hoy an leskro dji dren hi.

Me penau t'menge: Avenn lačes kolenge, kay hi čilačo ap t'mende! Krenn kolenge lačepen! Patsenn t'mare love vin ap kolende, kay t'mer gar djinenna, te lenn t'mer lendar čomone pale! Te krenna t'mer kova lauter, palle dell o Devel t'men peskro bravlepen an o bolepen, oun t'mer venn o baro Debleskre čave. O Devel hi ninna lačes ap kol menshende, kay čilače hi, oun kay parkrenn pen gar pash leste.

T'men hounte vell hakeneske i baro dji, yaake har o Debles hakeneske i baro dji hi.

Ma sikrenn ap o vavareskri doosh! Oun o Devel dikell gar ap t'mari doosh. Ma penenn: Kova hounte lell i phagi! Oun o Devel dell t'men kek phagi. Bistrenn ko čilačepen, hoy i vavar menshe ap t'mende kran. Oun o Devel bistrell ko čilačepen, hoy t'mer kran.

T'mer, kay man shounenna, t'menge penaua: Avenn lačes kolenge, kay hi čilačo ap t'mende! Krenn kolenge lačepen, kay hi rhoyedo ap t'mende! Penenn kolenge lače laba, kay t'men koshenna! Mangenn o Debles kolenge, kay doukrenn t'men!

Lauter, hoy t'mer kamenna, te krenn i menshe t'menge, kova krenn t'mer lenge ninna!

Kova, kay das tout ap yek čam, koleske rike i vavar čam ninna koy, te dell lo tout! Te lell yek toutar tiri plaashka, de les ninna tiro gad! De hakenes, kay toutar mangella! Oun te lell yek toutar čomone, hoy tiro hi, ma mang les pale!

Kek lačo phabyengro rouk hidjrella djoungele phabya. Oun kek nasselo rouk hidjrella lačo koova.

Tou prindjreh nay o rouk ap kova, hoy ap leste baro vella. Ap i soubyengro rouk venna kek fayge baro. Vitar gar venna drake baro ap soubyengre bourra.