Suosittuja jakeita Raamatun kirjasta MATEU 6

Jaa

Nda tsasan bërun pësienul ni bëmabalul, din ngëmënts ngan bëlieng kee watsësa ind.

A bi u ci bank, ind tsë wejatsar unu faan, par unu faan ka wejatsar wun been. Kara unu ni mcibi.

Wul ka wun ndu nja ind: Ind tsë lënkar ubiira ind, tsi ko wi nduu re wi, oo tsi ko wi nduu raan wi; te ind tsë lënkar iyeen ind tsi ko wi nduu tiema wi. Par, ubiira ñaan peets bariala a, a uliaf peets kaŋí-katiem-a?

Maa wi, aja kuu ñaan, niajan pëfëru, kë ric pëlëmanu, kë ñaan Asinu nan cii di tsëko tsan beka tsi; din nii luku, nul ni ka wini di kambeku.

Bi u ci bank, iink di nda ka run puu ñaan: Asin wund nan cii di batsi! Katimu ka rëmbanaa. Tsuun pësienu pa bili; uŋalu u roaan tsi umundu, bi u ci bi di batsi.

Tseend wund ntsari bariala unu un ci wi.

Jampësaan wund ngëjuban, bi wund jampësabi ba lac wund biki.

Tsë wët wund, wund yër tsi mteen-teenana; maa buerani wund tsi kañan nakaalam. Par pësien aci piicu, ni ufosa ni përëmb, pa sandëndën. Ameen!

Uci nda jampësa bañaan ba lac ind biki, Asin ind nan cii di batsi ka jampësa ind buts

Nda teenan-e ngëko-ngëyits: di ka wayan, di ka cët, di ka wúkandar ilëpats. Maa, a Asin ind nan cii di batsi ka rialan un ngul. Te ind, nda pe ngul pëka bëkat.

Ind tsë wúkandar iyeen ind bëka tsi umundu wi, tsi krus ni ngëwëj kë cok tsi bul, ni tsi bakiej kë jëp tsiba lúŋan, bu ka kiej. Maa, nda wúkandari iyeen ind bëka di batsi, di krus ni ngëwëj dits ri ka cok bul, a bakiej di ka jëp ba lúŋan. Par, tsi bëkau ci tsi, rul ri uwaasu kë ci run buts.

Kaats ñaan nan yëlani pëleempar bawiak batëb. Par, na ro ank ba, në ka ni nu bëri, në ŋal nacints; oo në mob tsi nalon, në be nacints. Nda yëlants pëleempar Nasien-batsi, ndë tankëlaand pëleempar Bëka.

Ko wi nda tienkëts wi uwak! Uci u ci unk di Nasien-batsi kë tiemandun pëtsats bëreeŋ, pan ci pink ntsari, maa faan pë gutsa di bërua, a ind, di ka pe këpe pëtieman ind-a?

Maa wi, aja kuu tseend naranj ko, kañanu kamay tsë me ko wi kañanu kariir kë ro wi, pa përits piban m ci tsi pë bëtseend; din Asinu ni ka wini tsi kambeku kee luku.

Nda wëtan përo ngëko bëmabal tsi bërun bañaan pa nda winaa! Uci nda ro ank ba, Asin ind nan cii di batsi di ka luk ind.

Aja nduu bër-mlik, ind tsë piban nda juatsan; banguungu ka ro bukun unk, par përoñatsan urostu, pa pëpibanaan ba ci tsi kabër-mlik. Mán leents ind ucär: Bë yank ba bëluk bukul. Maa wi, uci m ci tsi kabër-mlik, këran ulicar tsi beenu, kë ñawan këkësu, pa përits piban bañaan ne m ci tsi kabër-mlik, maa Asinu nan cii di tsëko kabeku; a nuu win tsi kambeku kee luku.