Suosittuja jakeita Raamatun kirjasta मत्ती 7

Jaa

जै तुवाड़ी जरूरतै अत्ति तैन्हांं परमेश्वरा किना मगा, सै तैस तुहांनि दींणु; तौपा ता तुहांनि मैई गांहणु; द्वार खड़का ता तुवाड़ै तेईनी खोलि दींणु।

केईनी कि जै कौ परमेश्वरा किना मगता, सै तेसनी दींता, जै कौ तौपता, तेसनी मेईंतु, जै खटखटांता तेसेरै तेईनी द्वार खुलि गांहणु।

ऐठणीरै तेईनी जै कौ बि मिंडै ऐन्हां शब्दा शुणता जां ऐन्हां पन चलता तेसैरी तुलना तैस बुद्धिमान मैहणु सेईतै भूंणी जेनि अपड़ु घर चट्‍टांनी पन बंणाउ

ऐठणीरै तेईनी जेतिया बर्ताव तुवे चांहथै कि, मैहणु तुहां सिंउ करिया, तुवे बि तैन्हांं सिंउ तेतिया ऐ बर्ताव करा। केईनी कि मूसेरी व्यवस्था जां भविष्यवक्ता केरी शिक्षाईया केरा मतलब बि ऐक्या ऐ आ।

केईनी कि हिटु आ सै द्वार जां मुश्किल आ सै बत्त जै अनन्त जीवना धेरै गांहथी; ऐठणीरै तेईनी बड़ै घट मैहणु अत्तै जै तेदि बत्तै गांहथै।”

परमेश्वरेरै राज्य मझ गांहणैरी बत्त हिटु द्वारै बत्तै आ, केईनी कि बडु आ सै द्वार जां चौड़ी आ सै बत्त जै विनाशा धेरै लैई गांहथी; ऐठणीरै तेईनी बड़ै सारै मैहणु अत्तै जै तेदि बत्तै गांहथै।

ऐठणीरै तेईनी जेख्णी तुवे बुरै भौ करि अपड़ै बच्चानि अच्छी चीजै दींणी जांणतै, ता तुवाड़ा स्वर्गीय पिता अपड़ै मगणै बाऐनी अच्छी चीजै किना दैला?

“कोस पनि बि दोष मेईं ला, ता परमेश्वरा बि तुहां पनि दोष ना लांणा। केईनी कि जिहीं तुवे होरनियां पन दोष लांतै, तिहियें तुहां पन बि दोष लायूंणा। परमेश्वरा बि तुहां सेईतै तेतिया व्यवहार कांना जिहीं तुवे होरनियां सिंउ कातै।

जै मिंडी गलै ता शुणता पण तैन्हां पन ना चलता, सै तैस मूर्ख मैहणु सैयि भूंणा जेनि अपड़ु घर रैती पन बंणाउ।

तु एकि हल्की गलतिरै तेईनी अपड़ै विश्वासी साथिरा न्याय केईनी काता, जां अपड़ि बडी-बडी गलती ना तकांता? जेख्णी तांउ ऐपुऐ मझ यौउता जादा पाप आ, ता ताउ होरनियां केरी केणु मजत कांनी, जै ताउ किना घट पापी अत्तै?

“झूठै भविष्यवक्ता किना बचि करि रिय्हा, सै भेड़ियै सैयि अत्तै जैन्हैं अपांणा भ्रैडा केरी खल्लै ला ढकौरा आ, सै भेड़ियै अत्तै पण सै भ्रैडा सैयि लेहिंथै जै मैहणुवां पन हमला कातै। तुवे तेन्हैरै कर्मै ला तैन्हांं परियांणी लैलै। क्या कौ झिल्हा किना अंगूर या ऊंटकटारै किना अंजीर त्रोड़तै?

ऐहियें चारै हर एकि बधिया बुटा पन बधिया फल लगतै, जां निकम्मु बुटा पन ऐयिड़ै फल लगतै।

बधिया बुटा पनि ऐयिड़ै फल ना लगतै, ना निकम्मु बुटा पनि बधिया फल लगतै।

जैस बुटा पनि बधिया फल ना लगतै, सै बढि करि आगी मझ सुटियूंणु। झूठै भविष्यवक्तानि बि तिहियें सजा मेईंणी।