Suosittuja jakeita Raamatun kirjasta Yohaannis 14

Jaa

Nagayaan tahaa, nagaa kiyya isanii kennaa; akki anin isanii kennu akka namii lafaa walii kennuuniti, garaa keessan keessa raafamtanii, hinsodaatinaa!

Yesus deebiseef, “Karaan, dhugaa fi jireenniilleen ana; anaan yo ta'e malee namii tokkolleen gara Abbaa hindhaqu.

“Garaan keessan hin raafamin, Waaqaatti dhugeeffadhaa; akkasuma nallee dhugeeffadhaa!

Ammoo namii isan jabeesu, ka Hafuura Qulqulloo jedhan, ka Abbaan maqaa kiyyaan ergu, waan cufaa isan barsiiseetti waan anin isaniin jedhe cufaa isan qaabsiisa.

Namii seera kiyya fudhatee guutu na jaalata. Nama na jaalatu Abbaan kiyyaalleen injaalata; anilleen isa jaaladheetti isa ufii beesisa” jedhe.

Anin Abbaa kadhadhaa, duuba innii qarqaarsa dhibii ka haga jiruu jireennaallee isan waliin jiru isanii erga. Innii hafuura dhugaati, biyyitii lafaa waan isa hingarreef yokaan isa hinbeenneef, dandeettee isa hinfudhattu, isan ammoo waan innii isan waliin taa'ee haga hegeriillee isan keessa taa'uuf hinbeettan.

Akka guddinnii Abbaa ilma keessatti mullatu waan isan maqaa kiyyaan kadhattan cufaa ani intolcha. Yo isan waan tokkollee maqaa kiyyaan kadhattan, anin intolcha.”

“Yo na jaalattan, seera kiyya inguuttani.

Mana Abbaa kiyyaa keessa fulaan taan hedduutti jira, adoo silaa hinjirre taatee isanitti hima; anin deemeetti fulaa isanii qopheessa.

Anin yo deemee fulaa isanii qopheessee, akka fulaa ani jiru sun isaniilleen arti teetanii, deebi'eetti dhufee fulaa tiyyaatti isan geessa.

Toomas ammoo, “Gara atin deemtuu hinbeennuu, akkamiin karaa beenna?” jedhee gaafate.