Suosittuja jakeita Raamatun kirjasta Saint Matthieu 7

Jaa

Oui oui, da yé kè ma hi oui; oui nza da yé oui jing; da oui hang njaka mboro, da yé kè ma bourou hi oui.

Baï njoukouli bon on ko̱ oui, klime jing, da njoukou on ko̱ nza mi ko̱, da njoukou on ko̱ hang njaka mboro, yé bourou hi nè.

Mono on, njoukouna ko̱ mi la baïnjaka ni, da nding fèn aïnli ko̱ mème sa, ka ko̱ nè mahana ka ho̱ko̱na njoukou, ko̱ za voulè an toul kone.

Mono on, fènli bon ko̱ ouime ji ba a njoukouli mi nding hi oui, oui ndé nding hi kli on kéng, baï on ba guingna da prophèteli.

Baï domboro baï séna kan yana kambèlè mi tane ta, da njakakè mi aya, da njoukouli nyè ya ma jing njakakè.

Oui ri ka njaka mboro ko̱ mi aya, baï ko̱ njaka domboro mi ata, da domboro ba loukoukè ko̱ mi sé guè guèl hèrè, da njoukouli nyèta ko̱ ma ri sé guè bilkè.

Da on, tokoré ouime ko̱ ba békékè mi toutou baï hina bèla toul ndo̱ko̱ hi goune baïli, yé Baba abaï ko̱ kaou nonkala ma ji bo̱ko̱kè nyèta baï hina bèla fènli hi kli on ko̱ mi oui nè ya lé?

Da oui tane wal baï ya, an klime tane wal baï hi oui ya. Baï ko̱ jing walabaï on ko̱ ouime wal baï hi kli, yé kli ndé wal baï hi oui kéng, baï ko̱ jing fèn léna ko̱ ouime lé kli, yé kli ndé lé oui kéng.

Da njoukouna ko̱ mi la baïnjaka ni, da nding mahana ko̱ mème sa ya, ka ko̱ nè mahana ka ba njou‐ngawa ko̱ mi za voulè an toul sarika.

Da baïfèn da mome ko̱ njaka pa an bil nona yine no, da tane ga kèrè toul paraponron di ko̱ na an bil dodok nono ya lé? Da ka mboro hane, mi mome sa hi yine no: Mo yèng an mème bi njaka pa guèfal an bil nono, da mono, paraponron di mi na an bil dodok nono lé?

Oui ngou mboro wo̱ko̱ prophèteli ko̱ bou ga badoua ka gui mone baï, da an bil kli, kli ba naïn loupli ko̱ nzala i kli nyèta. Yé oui ma tou kli ka ba léna akli, njoukouna doulou léna di raisinli an gassa dili lé? maléba léna di njouili a mbissi lé?

Mono on, bèla dili bon mi lé bèla lénakè, da poumna dili mi lé béké lénakè.

Bèla di ma lé béké lénakè ya, da poumna di ma baï léna bèla lénakè ya.

Dili bon on ko̱ mi lé bèla lénakè ya, yé kli ma koung ka wou kon hèlè.