Suosittuja jakeita Raamatun kirjasta Luka 6

Jaa

Peleni kubanenu ifyo babulilwa, namwe Lesa akwisa kumupela ifinji. Nachine namwe mwakwisa kupokelela umulingo uwayiwula, uwashindayikwa nokusempauka. Pakuti umulingo uwo mukolingilako bambi, ewo namwe Lesa akumulingilako.”

Umuntu uuweme afumya mfilya ifyabuboni ifiweme ifili mumutima wakwe. Nomba umubi ye afumya mfilya ifibi ifyayiula mumutima wakwe. Pakuti umuntu asosa ifintu ifili mukati mumutima wakwe.

Ala! Mulokutemwa abalwani benu nokubachitila ubune, bakongwesheni nokusulako. Mwakwisakupokelela ichilambu chenu ichikulu. Mwakwisa kuba abana baku Lesa uwapulamo pakuti Ye ali uuweme kuli abo abatatotapo nakubabi.

Beni nechisa kubati ifyo Bawishinwe baba abachisa.

“Mulokupingula bambi pakuti namwe Lesa ekamupingulapo. Mwipelapo bambi mulandu, pakuti Lesa naye ekamupapo umulandu. Banakilileni amabifyo, namwe Lesa akwisa kumunakilila.

“Nomba nkomweba ati, mwebo mwe bakoumfwa nati temweni abalwani benu, nokubachitila ubune abo abakomupata. Bashukisheni abakomuchitila inkasa. Nakambi balombeleni bo abakomuchusha.

Ifyo mukofwaya abantu ukumuchitila, efyo namwebo mubachitile.

Kati muntu akupama palutobo lumo, umwalwile nokulunakwe. Nangulya uwapoka ilaya lyobe, umupelele kumo nomwinjila obe. Umuntu onse uukokulomba akantu umupele, nowakupoka ubusambashi bobe, wimupindapo ukuti akubweseshe.

“Takupo ichiti ichiweme ichitwala ifitwalo ifibipile, nangu ichiti ichabipa ichitwala ifitwalo ifiweme.

Ichiti chonse chishibilwa kufitwalo fyachiko. Napo balaswa amakunyu kuminga, nangu impesha kumikolobolo.