Suosittuja jakeita Raamatun kirjasta 路加 11

Jaa

你等雖然壞，還知拿好東西給自家个子女；恁樣，在天頂个阿爸敢毋係還較愛將聖靈賜給求佢个人嗎？」

「所以，𠊎㧯你等講：你等求，就會得到；尋，就會尋到；掽門，門就會為你等開。

因為每一個求个，就得到；尋个，就尋到；掽門个，門就為佢開。

耶穌㧯佢等講：「你等愛恁樣祈禱： 阿爸啊： 願你个聖名受尊重； 願你在世間掌權。

赦免𠊎等个罪過， 因為𠊎等也赦免所有得罪 𠊎等个人。 毋好俾𠊎等堵到忒重个考驗。」

賜𠊎等逐日 所需要个飲食。

目珠可比身體个燈。目珠若係好，你全身就會有光明；目珠若壞掉，你个身體就會烏暗。

「無人點燈囥在無人看到个所在，抑係放在斗底下；佢一定係放在燈臺頂，俾入來个人看得到光。