Suosittuja jakeita Raamatun kirjasta Lukas 11

Jaa

Masik ema raiklaran huun aat nanis, la noo ama ida iha raiklaran mak nalo nunia. Emikaan Ama iha laleꞌan huun diꞌak nanis. Kalo ema raiklaran mak aat nunia sei nakara foo buat diꞌak baa oan, saa tenik Ama iha laleꞌan! Nia nanis foo Niakaan Kmalar Lulik baa ema mak nakroꞌan baa Nia.”

Nunia moos, oras hamulak. Kalo husu bei-beik baa Naꞌi Maromak, Nia nanis foo. Buka bei-beik, Nia nanis natudu dalan. Bolu bei-beik, Nia nanis loke odamatan.

Ema hotu-hotu mak nakroꞌan bei-beik baa Naꞌi Maromak, nanis sia simu. Ema mak buka bei-beik, nanis sia netan. Ema mak bolu bei-beik, nanis Nia loke odamatan foo baa.

Rona nola nunia, Yesus nataa naꞌak, “Diꞌak no! Hamulak hodi lia lalaꞌok nuneꞌe: Ama! Ama naran lulik kaliuk. Nebee, ema hotu-hotu foti-nahaas Ama naran kabaas nia! Nebee, Ama dadi Naꞌin bodik ema hotu-hotu.

Nebee, Ama naluꞌa lakon amikaan salan sia, hanesan ami moos haluꞌa lakon ema salan baa ami. Nebee, Ama daka ami, keta monu baa aat.”

Nebee, sura loron Ama foo haan mak toꞌo baa ami.

Itakaan matan hanesan badut. Kalo matan moon, ita bele haree malorek. Mais kalo matan babaur, hotu-hotu makukun.

Hotu Yesus nanorin natutan naꞌak, “Kalo ita sunu badut, ita la taka hodi hanek. Ita rai baa fatin aas, nebee naroma keꞌan bodik ema hotu-hotu.