Suosittuja jakeita Raamatun kirjasta Hch 4

Jaa

Jesucristo ĩꞌrĩkaja imaki ritatojo wejeareka ᵽoꞌimajare tããrũkika Tuᵽarãte ᵽũataekaki. Maki aᵽika imabeyuka Jesús uᵽaka baaiki,== Ᵽedrote nare ãrĩka.

Kire najaiweaeka ᵽoto, nimaekarõꞌõ kaꞌia iyika. Sawatoᵽekaᵽi, Esᵽíritu Santore nare ñaꞌrĩjãika. Saᵽi ãrĩwaꞌri dakoa werikimarĩaja Tuᵽarã majaroka ᵽoꞌimajare nabojaeka.

Yija Ĩᵽamaki, yijare miaꞌmitiᵽe. “Baꞌiaja mija jũarãñu”, yijare nañua miyeꞌkaririaꞌsi. Jia mire yiꞌyurã yija imamaka yijare mijeyobaabe. Suᵽabaatirãoka dako werikimarĩa Jesús majaroka yija wãrõerã yijare mijeyobaabe.

Mija ãꞌmitiᵽe, bikija Davidre ikuᵽaka oꞌoeka: “Wiꞌia baarimaja, ãta ĩꞌrõ mija taaeka. Aᵽika iꞌsio ãtaᵽi wiꞌia kibaamaka aᵽo ãta tẽrĩwaꞌribaji imatiyaio sajarika”, ãrĩwaꞌri Davidre oꞌoeka, Tuᵽarãre ᵽũatarũkikare ᵽuᵽajoaweibaraka.

Ᵽedro, Juanᵽitiyika kĩkirimarĩaja najaimaka ãꞌmitiritirã, ĩᵽarimarãre ᵽuᵽataeka. “Jia ᵽaᵽera wãrũtiyaberikarã imakoꞌomakaja jiitakaja najaiyu, Jesús jeyomarã mirãrã imarĩ”, narĩᵽuᵽajoaeka.

Jesúre yiꞌyurã ĩꞌrĩka taꞌiarãja ᵽuᵽakirã imaekarã. Suᵽa imarĩ narikaika, “Yirikatakaja sime”, ãrĩbeyurã imarĩ, “Maroꞌsiji sime”, ãrĩwaꞌri najeyomarãre najeyobaaeka.