Lucas Lucas ã daacátjidih jwĩ tʉ́i beh joyát pínah naáwát
Lucas ã daacátjidih jwĩ tʉ́i beh joyát pínah naáwát
¿Déhe tigaá daácniji? Lucas judío nihcanni jʉmna, griego wéheatjĩh ãt daacáp wʉt jĩ. Caán nin nʉ́odih daácnit, Hechosdihbʉt ãt daacáp wʉt jĩ. Pablojeéh jib bejniji, (Hch 16.10-17; 20.5-15; 21.1-18; 27.1–28.16) cohni cã́ac ãt jʉmʉp wʉt jĩ. (Col 4.14)
¿Déhedih ãt daácji? Lucas ã chéen, Teófilo, wʉ̃t jʉmnidih ãt daác wahap tajĩ. Dawá jéihnit “Teófilo Romano tʉ́tchidih bóo, maátajeéh jʉmni, bʉ́dí dinero bíbohni Lucasdih ãt daacát tʉ́ʉtji taga”, ĩ niíj jenah joiná caá. Obohjeéhtih, Teófilodih daác wahna yʉhna, nihat Jesúíhwãdihbʉt ãt daacáp wʉt jĩ.
¿Dedmant, débólih cah, ãt daácji? Chah dawá jéihnit “Roma tʉ́tchiboó jʉmna, nin nʉ́odih ãt daacáp wʉt jĩ”, ĩ niíj jenah joiná caá. Biquína jéihnit “Jópchi 59–63 (Jesucristo ã wʉnat tʉ́ttimah 26–30 jópchi tʉ́ttimah) ãt daacáp wʉt jĩ”, ĩ niíj jenah joiná caá. Bita jéihnitboó “Jópchi 70–80 (Jesús ã wʉnat tʉ́ttimah 37–47 jópchi tʉ́ttimah) ãt daacáp wʉt jĩ”, ĩ niíj jenah joiná caá.
¿Dedé pínah tigaá ãt daácji? Jesúsdih dawá ennitjidih ʉʉ́bh joinít, ĩ naáwátdih ã tʉ́i bohéát tʉ́ttimah, Lucas nin nʉ́odih ãt daacáp wʉt jĩ. Pánih tʉ́i daácna, Jesúíhwãdih ãt teo wáaquíhip wʉt jĩ, caandíh tʉ́i jenah joinít, Jesúsdih náahcannitdih yoobópdih ã́ih doonádih ĩ naáwát pínah niijná. Judíowã nihcannitbʉt Jesúsdih jepahna, queétbʉt Dioíhwã ĩ jʉmatdih Jesús ã bohéátjidih Lucas cã́acwãdih ãt jéihyaíhip wʉt jĩ. Lucas ded pah yaádhdih, moh yéejnitdihbʉt Jesús ã teo wáacatjidih chah ãt daacáp wʉt jĩ.
San Lucas ded pah ã jʉmat:
1. Lucas Teófilodih ã naóh jwíihat (1.1-4)
2. Juan Daabáni, Jesucristobʉt ĩ cã́ac jʉmatji (1.5–2.52)
3. Jesús ã teo jwíihat pínah jã́tih, ded pah ã yapatji (3.1–4.13)
4. Jesús Galilea baácboó jʉmnit, ded pah ã chãjatji (4.14–9.50)
5. Jesús Jerusalén tʉ́tchina behnit, ded pah ã chãjatji (9.51–19.27)
6. Jesús Jerusalén tʉ́tchiboó jʉmnit, ded pah ã chãjatji (19.28–21.38)
7. Jesús ã wʉnat, ã boo pʉd jʉ̃ʉ́wát (22.1–24.53)
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2004, 2008, Wycliffe Bible Translators, Inc. All rights reserved.