ማቶሳ ጌሉዋ
ጌሉዋ
ማቶሲ ፃፌዳ ሚሺራቹ፥ ዬሱሲ ያና ጌቴቲያ ሂዶታይ ካሴ ኦዴቲ ኡቴዳ ሊያ ጊዲያዋኔ ፆሳይ ካሴ ኤጫ ጫቁዋን ባሬ ኣሳሲ ኢሜዳ ሂዶታ ቃላ ፖሌዳዌ ዬሱሳ ባጋና ጊዲያዋ ኦዲያ ሚሺራቹዋ ቃላ ኦይቄዳዋ። ሃ ሚሺራቹዋ ቃላይ ዬሱሲ ኡንቱንቱ ጊዶን ዬሌቲዴ ዲጬዳዌ ኣዪሁዳቱ ፃላላሳ ጊዴናን፥ ኣላሚያ ኡባን ዴዒያ ኣሳሳ።
ማቶሲ ፃፌዳ ሚሺራቹዋ ቃላይ ዳሮ ኣኬካን ፃፌቴዳ ማፃፋ። ዬሱሳ ዬሌታን ዶሚዴ፥ ኢ ፃማቄቴዳዋኔ ኢ ፓጬቴዳዋ ኦዲ ሲሚዴ፥ ጋሊላን ኢ ቃላ ኦዴዳዋ፥ ታማሪሴዳዋኔ ሃርጋንቻቱዋ ፓዳዋ ኦዴ። ሄዋፔ ካሊዴ ዬሱሲ ጋሊላፔ ዬሩሳላሜ ቤዳዋኔ ኢ ሃ ኣላሚያን ጋሚዔዳ ዉርሴ ሳሚንታን ሃኔዳ ዬዋቱዋ ቆንጪሴ። ሄዋንቱካ ኢ ካቄቶዋ፥ ሃይቄዳዋኔ ዴንዴዳዋ ኦዲኖ።
ሃ ሚሺራቹዋ ቃላይ ዬሱሳ፥ ፆሳ ሂጊያ ቢሌ ኢማናው ማታይ ዴዒያዋኔ ፆሳ ካዉቴባ ኤሪሲያ ዎልቃማ ታማሪሲያዋ ኦዴ ሺሼዳ። ኣ ቲሚርቲያፔ ዳሪያ ባጋይ፥ ዱማ ዱማ ኦጊያን ጊጌቴዳ ኢቼሹ ሳን ሻኬቴ።
1. ፆሳ ካዉቴን ዴዓና ኣሳ ኤሻ፥ ኦሱዋ፥ ማታኔ ዉርሴ ቃዳ ኦዲያ ዴሪያ ቦላ ቲሚርቲያ (ማት 5፡1-7፡28)።
2. ታማኔ ላዑ ዬሱሳ ካሊያዋንቱ ሚሺራቹዋ ቃላ ታማሪሳናው ቤዳ ዎዴ ኡንቱንቶ ኢሜቴዳ ካሌዋ (ማት 10)።
3. ፆሳ ካዉቴባ ታማሪሲሺን ሺቄዳ ዱማ ዱማ ሌሚሳቱዋ (ማት 13)።
4. ዬሱሳ ካሊያዋንቱባ ቢሊ ኦዲያ ቲሚርቲያ (ማት 18)።
5. ሃዒ ዎዲያ ዉርሴኔ ፆሳ ካዉቴ ዩሳ ፄሊያዋን ኢሜቴዳ ቲሚርቲያ (ማት 24-25)።
ሼምፓቱዋ ኡባቱዋሲ ኢሜቴዳ ቃን ቆፋቱዋ
ዬሱሲ ኪሪስቶሳ ጉዬ ዜሬኔ ዬሌታ (1፡1-2፡23)
ፃማቂያ ዮሃኒሳ ኦሱዋ (3፡1-12)
ዬሱሲ ፃማቄቶዋኔ ፓጬቶዋ (3፡13-4፡11)
ዬሱሲ ኦሱዋ ጋሊላን ዶሞዋ (4፡12-18፡35)
ዬሱሲ ጋሊላፔ ዬሩሳላሜ ቦዋ (19፡1-20፡34)
ዬሩሳላሜኒኔ ኢዚ ዩሹዋን ዬሱሳ ዉርሴ ሳሚንታ (21፡1-27፡66)
ኑ ጎዳ ዬሱሳ ዴንዱዋኔ ቆንጬ (28፡1-20)
اکنون انتخاب شده:
ማቶሳ ጌሉዋ: dwrENT
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2011, Wycliffe Bible Translators, Inc. All rights reserved.
در مورد Ooratha Caaquwaa اطلاعات بیشتر کسب کنید