Sealm 1

1
The Prose Psalms of King Alfred
(ca. 890-899 AD)
Selames 1—50
Sealm I
1Eadig byð se wer þe ne gæð on geþeaht unrihtwisra,
ne on þam wege ne stent synfulra,
ne on heora wolbærendum setle ne sitt;
2ac his willa byð on Godes æ,
and ymb his æ he byð smeagende dæges and nihtes.
3Him byð swa þam treowe þe byð aplantod neah wætera rynum,
þæt sylð his wæstmas to rihtre tide;
and his leaf and his blæda ne fealwiað ne ne seariað.
Swa byð þam men þe we ær ymbspræcon:
eall him cymð to gōde þæt þæt he deð.
4Ac þa unrihtwisan ne beoð na swylce, ne him eac swa ne limpð;
ac hi beoð duste gelicran þonne hit wind toblæwð.
5Þy ne arisað þa unrihtwisan on Domesdæg,
ne þa synfullan ne beoð on geþeahte þæra rihtwisena,
6for þam God wat hwylce weg þa rihtwisan geearnedon,
ac þa unrihtwisan cumað to witum.

انتخاب شده:

Sealm 1: ASPsa

های‌لایت

به اشتراک گذاشتن

کپی

None

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

برنامه های خواندنی رایگان و عبادات مربوط به Sealm 1

YouVersion از کوکی ها برای شخصی سازی تجربه شما استفاده می کند. با استفاده از وب سایت ما، استفاده ما از کوکی ها را همانطور که در خط مشی رازداریتوضیح داده شده است، می پذیرید